ਰਾਏਕੋਟ/ਜਗਰਾਓਂ, ਸਤੰਬਰ 2020 (ਮੋਹਿਤ ਗੋਇਲ )-ਲੁਧਿਆਣਾ ਦਿਹਾਤੀ ਦੇ ਅੰਤਰਗਤ ਸਿਟੀ ਰਾਏਕੋਟ ਥਾਣੇ ਦੇ ਥਾਣੇਦਾਰ ਲਖਵੀਰ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਸਾਥੀਆਂ ਕਰਮਚਾਰੀਆਂ ਸਮੇਤ ਬਰਨਾਲਾ ਚੌਂਕ ਰਾਏਕੋਟ ਮੌਜੂਦ ਸੀ। ਤਾਂ ਕਿਸੇ ਖਾਸ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਜਸਵਿੰਦਰ ਸਿੰਘ ਸ਼ਰਾਬ ਵੇਚਣ ਦਾ ਆਦਿ ਹੈ।ਜਿਸਨੇ ਅੱਜ ਭੀ ਆਪਣੇ ਘਰ ਪਸੂਆਂ ਦੇ ਮਕਾਨ ਅੰਦਰ ਸ਼ਰਾਬ ਕੱਢਣ ਲਈ ਲਾਹਣ ਪਾਇਆ ਹੋਇਆ ਹੈ।ਜੇਕਰ ਹੁਣੀ ਰੇਡ ਕੀਤੀ ਜਾਵੇ ਤਾਂ ਉਕਤ ਦੋਸ਼ੀ ਸ਼ਰਾਬ ਸਮੇਤ ਕਾਬੂ ਆ ਸਕਦਾ ਹੈ।ਜਦ ਰੇਡ ਕੀਤੀ ਗਈ ਤਾਂ ਮੌਕੇ ਤੇ ਭਾਰੀ ਮਾਤਰਾ ਵਿੱਚ ਸ਼ਰਾਬ ਕਾਬੂ ਕੀਤੀ ਗਈ।ਜਿਸ ਤੇ ਉਕਤ ਦੋਸ਼ੀ ਉਪਰ ਮੁਕਦਮਾ ਦਰਜ ਕੀਤਾ ਗਿਆ। 300 ਲੀਟਰ ਲਾਹਣ ਬਰਾਮਦ ਕੀਤੀ।ਉਕਤ ਦੋਸ਼ੀ ਦੀ ਗਿਰਫ਼ਤਾਰੀ ਬਾਕੀ ਹੈ।
