ਲੰਡਨ, ਸਤੰਬਰ 2020 -(ਗਿਆਨੀ ਰਵਿਦਰਪਾਲ ਸਿੰਘ ) ਬਰਤਾਨੀਆ ਦੀ ਮਹਾਰਾਣੀ ਐਲਿਜਾਬੈੱਥ ਅਤੇ ਉਨ੍ਹਾਂ ਦੇ ਪਤੀ ਪਿ੍ੰਸ ਫਿਲਪ ਤਾਲਾਬੰਦੀ ਵਿਚੋਂ ਬਾਹਰ ਆ ਰਹੇ ਹਨ ਅਤੇ ਅਗਲੇ ਮਹੀਨੇ ਤੋਂ ਬਕਿੰਘਮ ਪੈਲਸ ਵਿਖੇ ਕੰਮ 'ਤੇ ਪਰਤ ਰਹੇ ਹਨ ।ਛੁੱਟੀਆਂ ਕੱਟਣ ਗਏ 94 ਸਾਲਾ ਮਹਾਰਾਣੀ ਅਤੇ 99 ਸਾਲਾ ਪਿ੍ੰਸ ਫਿਲਪ ਬਾਲਮੋਰਲ ਕਾਸਲ ਤੋਂ 14 ਸਤੰਬਰ ਨੂੰ ਵਾਪਸ ਆਉਣਗੇ । ਬਕਿੰਘਮ ਪੈਲਸ ਨੇ ਪੁਸ਼ਟੀ ਕਰਦਿਆਂ ਕਿਹਾ ਹੈ ਕਿ ਸੈਂਡਰਿੰਗਹੈਮ ਅਸਟੇਟ ਵਿਚ ਕੁਝ ਨਿੱਜੀ ਸਮਾਂ ਬਤੀਤ ਕਰਨਗੇ । ਫਿਰ ਮਹਾਰਾਣੀ ਅਕਤੂਬਰ ਮਹੀਨੇ ਵਿਚ ਵਿੰਡਸਰ ਕਾਸਲ ਵਿਚ ਵਾਪਸ ਆਉਣ ਤੋਂ ਬਾਅਦ ਬਕਿੰਘਮ ਪੈਲਸ ਵਿਚ ਕੁਝ ਚੋਣਵੇਂ ਲੋਕਾਂ ਨਾਲ ਚੋਣਵੇਂ ਪ੍ਰੋਗਰਾਮਾਂ ਵਿਚ ਹਿੱਸਾ ਲੈਵੇਗੀ ।
