ਉਲਟੇ ਹੋਰ ਜ਼ਮਾਨੇ ਆਏ । ਕਾਂ ਲਗੜ ਨੂੰ ਮਾਰਨ ਲੱਗੇ ਚਿੜੀਆਂ ਜੁੱਰੇ ਖਾਏ, ਉਲਟੇ ਹੋਰ ਜ਼ਮਾਨੇ ਆਏ ।

ਵਿਲਕਿਆ ਪੰਜਾਬ ਦਾ ਮਜਬੂਰ- ਵਿਕਾਸ ਮਠਾੜੂ ਜਨਲਿਸਟ  

ਦੋਸਤੋ ਇਹ ਕਿਸੇ ਮਜਬੂਰ ਦੀ ਗੱਲ ਹੈ ਕਈ ਦਿਨਾਂ ਤੋਂ ਸੋਚ ਰਿਹਾ ਸੀ ਕਿਵੇ ਲਿਖ ਇਹ ਦਾਸਤਾਨ ਹੈ ।

 ਇਮਾਨਦਾਰ ਅਤੇ ਸਾਫ ਸੁਥਰਾ ਸਮਾਜ ਹੁਣ ਬੁਜ਼ੁਰਗਾਂ ਦੀ ਕਹਾਣੀਆਂ ਵਿਚ ਹੀ ਰਹਿ ਗਿਆ। ਜਦੋਂ ਹਰ ਬੰਦਾ ਆਪਣਾ ਬਣਦਾ ਫਰਜ਼ ਪੂਰੀ ਇਮਾਨਦਾਰੀ ਨਾਲ ਨਿਭਾਉਂਦਾ ਸੀ। ਪਰ ਅੱਜ ਹਾਲਾਤ ਇਸ ਤੋਂ ਵਿਪਰੀਤ ਹਨ। ਪੁਲਿਸ ਮਹਿਮਕਾ ਇਕ ਅਜਿਹਾ ਵਿਭਾਗ ਹੈ ਜਿਸ ਵੱਲ ਦੇਖ ਸਮਾਜ ਨੂੰ ਸੁਰੱਖਿਆ ਮਹਿਸੂਸ ਹੁੰਦੀ ਹੈ। ਕਿਸੇ ਵੇਲੇ ਸ਼ਰੀਫ ਲੋਕ ਗਲਤ ਅਨਸਰਾਂ ਨੂੰ ਸਹੀ ਰਾਹੇ ਪਾਉਣ ਲਈ ਪੁਲਿਸ ਅਤੇ ਕਾਨੂੰਨ ਦਾ ਨਾਮ ਲੈਂਦੇ ਸੀ । ਪਰ ਹੁਣ ਉਲਟਾ ਹੀ ਜਮਾਨਾ ਆਗਿਆ ਹੈ।  ਹੁਣ ਤਾਂ ਠੱਗ ਮਹਿਕਮੇ ਪੁਲਿਸ ਦਾ ਨਾਮ ਠੱਗੀ ਲਈ ਇਸਤੇਮਾਲ ਕਰਦੇ ਹਨ।  

ਮੰਦੀ, ਬੇਰੋਜ਼ਗਾਰੀ ਅਤੇ ਹੋਰ ਸੈਂਕੜੇ ਹੀ ਸਮਾਜਿਕ ਬੁਰਾਈਆਂ ਤੋਂ ਤੰਗ ਹੋਏ ਪੰਜਾਬੀ ਕਰਜ਼ੇ ਚੁੱਕ ਚੁੱਕ ਵਿਦੇਸ਼ਾਂ ਵੱਲ ਜਾਣ ਲਈ ਮਜ਼ਬੂਰ ਹਨ। ਏਥੇ ਸ਼ੁਰੂ ਹੁੰਦਾ ਹੈ ਤੰਗ ਮਜ਼ਬੂਰ ਲੋਕਾਂ ਦਾ ਫ਼ੈਇਦਾ ਚੁੱਕਣ ਦਾ ਸਿਲਸਿਲਾ। ਅਹਿਜੀ ਘਟਨਾ ਦਾ ਜ਼ਿਕਰ ਕਰਨ ਜਾ ਰਿਹਾ ਜਿਸ ਨੂੰ ਦੇਖ ਤੁਸੀਂ ਸਮਝ ਜਾਓਗੇ ਕੇ ਇਹ ਲੋਕ ਕਿਸ ਤਰ੍ਹਾਂ ਆਪਣਾ ਕੰਮ ਕਰਦੇ ਹਨ ਅਤੇ ਕਿੰਨਾ ਲੋਕਾਂ ਦੀ ਮਦਦ ਨਾਲ ਹੁੰਦੇ ਹਨ ਕਬੂਤਰਬਾਜ਼ੀ ਦੇ ਧੰਦੇ।  ਜਗਰਾਉਂ ਦੇ ਇਕ ਨਕਲੀ ਏਜੈਂਟ (ਨਕਲੀ ਇਸ ਲਈ ਕੇ ਬਿਨ੍ਹਾਂ ਲਾਇਸੈਂਸ ਤੋਂ ਹੈਂ ) ਰੀਸ਼ਬ ਉਰਫ ਦੀਪਕ ਉਰਫ ਗੁਰਪ੍ਰੀਤ (ਆਤਮ ਨਗਰ) ਨਾਮ ਦੇ ਏਜੰਟ ਨੇ,ਜੋ ਕੇ ਸਿੱਧਵਾਂ ਬੇਟ ਵਿਖੇ ਮੋਬਾਈਲ ਰਿਪੇਅਰ ਦਾ ਕੰਮ ਵੀ ਕਰਦਾ ਹੈ, ਸ਼ਮਸ਼ੇਰ ਸਿੰਘ ਨਿਵਾਸੀ ਮਨਸੂਰਦੇਵਾ ਜ਼ੀਰਾ ਤੋਂ ਮਲੇਸ਼ੀਆ ਭੇਜਣ ਦੇ 1 ਲੱਖ 60 ਹਜ਼ਾਰ ਰੁਪਏ ਲਏ ਗਏ। ਰੀਸ਼ਬ ਵਲੋਂ ਦੱਸਿਆ ਗਿਆ ਮਲੇਸ਼ੀਆ ਵਿਚ ਉਸ ਦੀ ਜਾਣ ਪਹਿਚਾਣ ਹੈ ਜੋ ਓਥੇ ਏਜੰਟ ਹਨ ਅਤੇ ਉਹ ਕਈ ਲੋਕਾਂ ਨੂੰ ਮਲੇਸ਼ੀਆ ਭੇਜ ਚੁੱਕਾ ਹੈ । ਫੋਨ ਰਿਪੇਅਰ ਦੇ ਨਾਲ ਨਾਲ ਏਜੰਟੀ ਕਰਦੇ ਰੀਸ਼ਬ ਵਲੋਂ ਸ਼ਮਸ਼ੇਰ ਸਿੰਘ ਦੇ ਪਰਿਵਾਰ ਨੂੰ ਮੇਲਸ਼ੀਆ ਦੇ ਸਹਿਜ ਬਾਗਾਂ ਦੇ ਨਜ਼ਾਰੇ ਦਿਖਾ ਕੇ ਡੇਢ ਲੱਖ ਤੋਂ ਵੱਧ ਪੈਸੇ ਠੱਗ ਲਏ ਗਏ। ਖੁਦ ਕੋਲੋ ਟਿਕਟ ਲੈ ਕੇ ਜਦ ਸ਼ਮਸ਼ੇਰ ਸਿੰਘ ਮਲੇਸ਼ੀਆ ਏਅਰਪੋਰਟ ਤੇ ਪੁੱਜਾ ਤਾਂ ਕਬੂਤਰਬਾਜ਼ ਰੀਸ਼ਬ ਵਲੋਂ ਸ਼ਮਸ਼ੇਰ ਸਿੰਘ ਨੂੰ ਏਅਰਪੋਟ ਤੋਂ ਸੈਟਿੰਗ ਤੇ ਬਾਹਰ ਕੱਢਣ ਦੇ ਪਰਿਵਾਰ ਕੋਲੋ 1400 ਰਿਗੀਟ ( ਤਕਰੀਬਨ 25 ਹਜਾਰ ਰੁਪਏ) ਦੀ ਮੰਗ ਕੀਤੀ  ਗਈ । ਪਰਿਵਾਰ ਵਲੋਂ ਹੋਰ ਪੈਸੇ ਦੇਣ ਤੋਂ ਨਾਂਹ ਕਰ ਦਿੱਤਾ । ਫੇਰ ਇਸ ਕਬੂਤਰਬਾਜ਼ ਨੇ ਆਪਣਾ ਅਸਲੀ ਰੰਗ ਦਿਖਿਆ। ਉਸ ਵਲੋਂ ਫੋਨ ਕਿਹਾ ਗਿਆ ਕਿ ਜਿਸ ਕੰਪਨੀ ਦਾ ਪਰਮਿਟ ਦਿੱਤਾ ਗਿਆ ਸੀ ਉਹ ਬੰਦ ਹੋ ਗਈ ਹੈ   ਹੁਣ ਤਾਂ ਪੈਸੇ ਦੇਣੇ ਪੈਣਗੇ ਨਹੀਂ ਤਾਂ ਮੁੰਡਾ ਏਅਰਪੋਟ ਤੋਂ ਬਾਹਰ ਨਹੀਂ ਨਿਕਲ ਸੱਕਦਾ ਅਤੇ ਹੋਇਆ ਵੀ ਇਸ ਤਰਾਂ ਹੀ।  ਸ਼ਮਸ਼ੇਰ ਸਿੰਘ ਨੂੰ 3 ਦਿਨ ਮਲੇਸ਼ੀਆ ਏਅਰਪੋਟ ਅੰਦਰ ਖੱਜਲ ਹੋਣਾ ਪਿਆ ਅਤੇ ਰੀਸ਼ਬ ਨਾਲ਼ ਪਰਵਾਰ ਦੀ ਲੜਾਈ ਹੋਣ ਲੱਗੀ। ਹਾਲਾਤ ਖਰਾਬ ਹੁੰਦੇ ਦੇਖ ਕਬੂਤਰਬਾਜ਼ ਨੇ ਸ਼ਮਸ਼ੇਰ ਸਿੰਘ ਨੂੰ ਟਿਕਟ ਭੇਜ ਵਾਪਿਸ ਬੁਲਾ ਲਿਆ । ਇਸ ਦੌਰਾਨ ਰੀਸ਼ਬ ਦੁਕਾਨ ਬੰਦ ਕਰ ਫਰਾਰ ਰਿਹਾ ਅਤੇ whatsaap ਤੇ ਗੱਲ ਕਰ ਸਪੰਰਕ ਕਰਦਾ ਰਿਹਾ। ਅਖ਼ੀਰ ਰੀਸ਼ਬ ਵਲੋਂ ਦੋ ਮਹੀਨੇ ਵਿੱਚ ਸਾਰੇ ਪੈਸੇ ਵਾਪਿਸ ਕਰਨ ਜਾਂ ਦੁਬਾਰਾ ਸ਼ਮਸ਼ੇਰ ਸਿੰਘ ਨੂੰ ਸਹੀ ਤਰੀਕੇ ਮਲੇਸ਼ੀਆ ਪਹੁਚਾਉਣ ਦੀ ਗੱਲ ਕਹੀ ਗਈ ਜੋ ਕੇ ਫਰਵਰੀ 2020 ਵਿੱਚ ਖਤਮ ਹੋਈ। ਇਸ ਤੋਂ ਬਾਦ ਸ਼ੁਰੂ ਹੁੰਦਾ ਹੈ ਸਾਡੇ ਸਮਾਜ ਦਾ ਸ਼ਰਮਨਾਕ ਪੱਖ । ਰੀਸ਼ਬ ਵਲੋਂ ਮੁੱਦੇ ਦੇ ਸਮਝੋਤੇ ਲਈ ਇਕ 'ਆਕਾਲੀ ਸਰਪੰਚ ਨੂੰ ਵਿਚ ਪਾਇਆ ਗਿਆ। ਇਹ ਇਸ ਤਰਾਂ ਦੀ ਜਿਵੇ ਬਿਲੀਆਂ ਦੀ ਲੜਾਈ ਵਿੱਚ ਬਾਂਦਰ ਲਾਹਾ ਲੈਂਦਾ ਹੋਵੇ। ਸਰਪੰਚ ਸਾਬ ਵਲੋਂ ਰੀਸ਼ਬ ਨੂੰ ਸਵਾ ਦੋ ਮਹੀਨੇ ਦਾ ਟਾਈਮ ਦਿੱਤਾ ਗਿਆ। ਅਖੌਤੀ ਲੀਡਰ ਵਲੋਂ ਕਬੂਤਰਬਾਜ਼ ਦਾ ਪੱਖ ਲਿਆ ਗਿਆ ਅਤੇ ਰੀਸ਼ਬ ਨੂੰ ਬੇਕਸੂਰ ਦੱਸਿਆ ਗਿਆ। ਉਸ ਵਲੋਂ ਉਹਨਾਂ ਦੀਆਂ ਸ਼ਰਤਾਂ ਤੇ ਪੈਸੇ ਦੇਣ ਦੀ ਗੱਲ ਕਹੀ ਗਈ ਅਤੇ ਸਵਾ ਦੋ ਮਹੀਨੇ ਬਾਦ ਸਿਰਫ ਪੰਜਾਹ ਹਜ਼ਾਰ ਵਾਪਿਸ ਕੀਤੇ ਗਏ।  ਪਰ ਵਿਵਾਦ ਨਾ ਖਤਮ ਹੋਣ ਤੇ ਸ਼ਮਸ਼ੇਰ ਸਿੰਘ ਦੇ ਪਰਿਵਾਰ ਮੇਮਬਰ ਨੂੰ ਇਹ ਧਮਕੀ ਦਿੱਤੀ ਗਈ" ਮੈਂ ਸਰਪੰਚ ਹੁੰਦੈ, ਮੇਰੇ ਤੇ 14 ਕੇਸ ਚੱਲਦੇ ਨੇ ਚਾਹੇ ਪੁੱਛ ਲੈ ਕਿਸੇ ਨੂੰ, ਰਿਪੋਰਟ ਦੇਣ ਗਿਆ ਕੁੱਝ ਨਹੀਂ ਹੋਣਾ ਓਥੇ ( ਥਾਣੇ ) ਵੀ ਅਜਿਹੇ ਹੀ ਹਨ ਕਿਸੇ ਨੇ ਤੇਰੀ ਰਿਪੋਰਟ ਨਹੀਂ ਲਿਖਣੀ।   ਇਸ ਉਪਰੰਤ ਪਰਿਵਾਰ ਵਲੋਂ ਜਗਰਾਓਂ ਦੀ ਆਪ ਵਿਧਾਇਕ ਸਰਬਜੀਤ ਕੌਰ ਮਾਣੂਕੇ ਨਾਲ ਸੰਪਰਕ ਕਰ ਕਬੂਤਰਬਾਜ਼ ਰੀਸ਼ਬ ਦੀ ਸ਼ਿਕਾਇਤ ਦਰਜ ਕਰਨ ਦੀ ਬੇਨਤੀ ਕੀਤੀ ਗਈ। ਵਿਧਾਇਕ ਮੈਡਮ ਨੇ ਪੀੜਿਤ ਧਿਰ ਦੇ ਸਬੂਤ ਫੋਨ ਕਾਲ ਰਿਕਾਰਡਿੰਗ ਸੁਣ ਕੇ ਦੁੱਖ ਪ੍ਰਗਟ ਕੀਤਾ ਅਤੇ ਪੁਲਿਸ ਪ੍ਰਸ਼ਾਸ਼ਨ ਨੂੰ ਫਰਜ਼ੀ ਏਜੇਂਟਾਂ ਤੇ ਜਲਦ ਤੋਂ ਜਲਦ ਸਖਤ ਕਾਰਵਾਈ ਕਰਨ ਦੀ ਮੰਗ ਕੀਤੀ।ਸ਼ਮਸ਼ੇਰ ਸਿੰਘ ਦੇ ਪਰਿਵਾਰ ਵਲੋਂ ਅੱਜ ਐਸ.ਪੀ.ਜਸਵਿੰਦਰ ਸਿੰਘ ਜੀ ਦੇ ਪੇਸ਼ ਹੋ ਕੇ ਇਨਸਾਫ ਦੀ ਮੰਗ ਕੀਤੀ ਗਈ।' ਹੁਣ ਭਾਵੇਂ 14 ਕੇਸਾਂ ਵਾਲੇ ਸਰਪੰਚ ਸਾਬ ਮੂੰਹੋ ਮਾਰੀ ਬੜਕ ਨੂੰ ਮੁੱਕਰ ਜਾਣ ਪਰ ਇਸ ਘਟਨਾ ਨੂੰ ਦੇਖ ਪਤਾ ਚੱਲਦਾ ਹੈ ਕੇ ਛੋਟੇ ਮੋਟੇ ਗਲਤ ਕੱਮਾ ਤੋਂ ਲੈ ਕੇ ਵੱਡੇ ਅਪਰਾਧ ਤੱਕ ਕਿਵੇਂ ਲੀਡਰਾਂ ਅਤੇ ਪੁਲਿਸ ਦੀ ਮਿਲੀ ਭੁਗਤ ਨਾਲ ਹੀ ਹੁੰਦੇ ਹਨ....