ਚੰਡੀਗੜ,ਜੂਨ 2020 (ਇਕਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ)
ਪੰਜਾਬ ਚ ਕੋਰੋਨਾ ਕਾਰਨ ਇਕ ਹੋਰ ਵਿਅਕਤੀ ਦੀ ਮੌਤ ਹੋ ਗਈ ਹੈ।ਲੁਧਿਆਣਾ ਦੇ ਡੀਐੱਮਸੀ ਹਸਪਤਾਲ 'ਚ ਦਾਖਲ ਜਲੰਧਰ ਦੇ 64 ਸਾਲਾ ਬਜ਼ੁਰਗ ਨੇ ਮੰਗਲਵਾਰ ਦੇਰ ਰਾਤ ਕਰੀਬ ਇਕ ਵਜੇ ਦਮ ਤੋੜ ਦਿੱਤਾ। ਉਸ ਨੂੰ ਇਕ ਜੂਨ ਨੂੰ ਸਾਹ 'ਚ ਦਿੱਕਤ ਕਾਰਨ ਦਾਖਲ ਕਰਵਾਇਆ ਗਿਆ ਸੀ। ਉਸ ਦੀ ਤਬੀਅਤ ਲਗਾਤਾਰ ਵਿਗੜ ਰਹੀ ਸੀ। ਮਰੀਜ਼ ਨੂੰ ਸ਼ੂਗਰ ਦੀ ਸ਼ਿਕਾਇਤ ਵੀ ਸੀ। ਇਸ ਦੇ ਨਾਲ ਹੀ ਜਲੰਧਰ 'ਚ ਮਰਨ ਵਾਲਿਆਂ ਦੀ ਗਿਣਤੀ ਨੌਂ ਹੋ ਗਈ ਹੈ। ਸੂਬੇ 'ਚ ਮ੍ਰਿਤਕਾਂ ਦਾ ਅੰਕੜਾ 48 ਹੋ ਗਿਆ ਹੈ।
ਉੱਥੇ, ਬੁੱਧਵਾਰ ਨੂੰ ਸੂਬੇ 'ਚ 28 ਨਵੇਂ ਮਾਮਲੇ ਸਾਹਮਣੇ ਆਏ। ਸੂਬੇ 'ਚ ਹੁਣ ਕੁੱਲ 2454 ਮਰੀਜ਼ ਹੋ ਗਏ ਹਨ। ਹਾਲਾਂਕਿ, ਇਨ੍ਹਾਂ 'ਚੋਂ ਸਰਗਰਮ ਮਰੀਜ਼ ਸਿਰਫ਼ 378 ਹੀ ਹਨ। ਸੂਬੇ 'ਚ ਮਰੀਜ਼ਾਂ ਦੀ ਰਿਕਵਰੀ ਰੇਟ 84 ਫ਼ੀਸਦੀ ਦੇ ਕਰੀਬ ਹੈ। ਮੰਗਲਵਾਰ ਨੂੰ ਪਠਾਨਕੋਟ 'ਚ ਛੇ, ਮੋਹਾਲੀ 'ਚ ਸੱਤ, ਹੁਸ਼ਿਆਰਪੁਰ ਤੇ ਫਰੀਦਕੋਟ 'ਚ ਤਿੰਨ-ਤਿੰਨ, ਮੁਕਤਸਰ, ਪਟਿਆਲਾ ਤੇ ਅੰਮ੍ਰਿਤਸਰ 'ਚ ਦੋ-ਦੋ ਅਤੇ ਫਾਜ਼ਿਲਕਾ 'ਚ ਇਕ ਕੇਸ ਸਾਹਮਣੇ ਆਇਆ।
