ਮੈਂ ਹਾਂ ਮਾਂ ਦੇ ਕਰਕੇ, ਮਾਂ ਮੇਰੇ ਕਰਕੇ ਹੀ ਮਾਂ ਹੋਈ,
ਉਹ ਸਦਾ ਰਹੇਗੀ ਮੇਰੇ ਦਿਲ ਲਈ ਸਤਿਕਾਰਿਤ,
ਘੁੱਪ ਹਨੇਰ ਅਤੇ ਵਗਦੀਆਂ ਲੋਆਂ ਵਿੱਚ ਠੰਡੀ ਛਾਂ ਹੋਈ।
ਮੈਂ ਹਾਂ ਮਾਂ ਦੇ ਕਰਕੇ,,,,,
ਕੌਣ ਮਾਫ ਕਰ ਸਕਦਾ ਹੈ ਕੋਈ ਗੁਨਾਹ ਸਾਰੇ ਦੇ ਸਾਰੇ,
ਹਰ ਵਾਰ ਜੋ ਦੇਵੇ ਮੌਕੇ ਜਿੱਤਣ ਦੇ, ਬੇਸ਼ੱਕ ਰਹੇ ਹਾਰੇ ਦੇ ਹਾਰੇ
ਮੈਂ ਮਾਂ ਲਈ ਚਿੰਤਿਤ ਰਿਹਾ ਸਦਾ, ਇਹ ਜਾਣ ਬਚੀ ਤਾਂ ਹੋਈ।
ਮੈਂ ਹਾਂ ਮਾਂ ਦੇ ਕਰਕੇ,,,,,
ਪਤਾ ਲੱਗਦਾ ਸਭ ਨੂੰ ਮਗਰਲੇ ਪੱਖ ਇਹ, ਮਾਂ - ਬਾਪ ਸਹੀ ਸੀ,
ਫਿਰ ਲੱਗਦੀ ਹਰ ਗੱਲ ਸੱਚੀ , ਜੋ ਬਚਪਨ ਵਿੱਚ ਕਹੀ ਸੀ,
ਹੋ ਜਾਂਦਾ ਹੈ ਮਨ ਮੁਤਾਬਕ ਹੀ ਇੱਥੇ, ਕੇ ਭੁੱਲ ਅਚਾਨਕ ਜਾਂ ਹੋਈ।
ਮੈਂ ਹਾਂ ਮਾਂ ਦੇ ਕਰਕੇ,,,,,
ਸਾਰੇ ਗੁਨਾਹ ਛੋਟੇ ਹੋ ਸਕਦੇ ਨੇ, ਮਾਂ ਦਾ ਦਿਲ ਦੁਖਾਉਣ ਤੋਂ ਬਿਨਾਂ
ਸਭ ਸ਼ੁੱਭ ਕਰਮ ਵਿਅਰਥ ਹਨ, ਰੁੱਸੀ ਮਾਂ ਨੂੰ ਮਨਾਉਣ ਤੋਂ ਬਿਨਾਂ,
ਖਾਲਸਾ ਫਿਰ ਹੀ ਖਾਲਸਾ ਹੈ, ਜੇ ਮਾਂ ਵੱਲੋਂ ਮਾਫੀ ਦੀ ਹਾਂ ਹੋਈ।
ਮੈਂ ਹਾਂ ਮਾਂ ਦੇ ਕਰਕੇ,,,,,
ਕੁਲਦੀਪ ਸਿੰਘ ਦਾਉਧਰ
