ਆਪ ਦੇ ਪੰਜਾਬ ‘ਚ ਸੱਤਾ ਹਾਸਿਲ ਦੇ ਸੁਪਨੇ ਨਹੀ ਪੂਰੇ ਹੋਣ ਵਾਲੇ - ਬੀਬੀ ਕਾਉਂਕੇ
ਕਾਉਕੇ ਕਲਾਂ/ਜਗਰਾਓਂ, ਫਰਵਰੀ 2020-(ਜਸਵੰਤ ਸਿੰਘ ਸਹੋਤਾ)-
ਭਾਜਪਾ ਪਾਰਟੀ ਦੀ ਪੰਜਾਬ ਕੌਸਲ ਮੈਂਬਰ ਤੇ ਜਿਲਾ ਲੁਧਿਆਣਾ ਦਿਹਾਤੀ ਦੀ ਵਾਈਸ ਪ੍ਰਧਾਨ ਬੀਬੀ ਸਵਰਨ ਕੌਰ ਕਾਉਂਕੇ ਨੇ ਬੀਤੇ ਦਿਨੀ ਰਮਨ ਅਰੋੜਾ ਦੇ ਆਪ ਪਾਰਟੀ ਵਿਚ ਸਾਮਿਲ ਹੋਣ ਆਪਣਾ ਤਰਕ ਪੇਸ ਕਰਦਿਆਂ ਕਿਹਾ ਕਿ ਇਸ ਨਾਲ ਪਾਰਟੀ ਨੂੰ ਕੋਈ ਫਰਕ ਨਹੀ ਪਵੇਗਾ ਤੇ ਜੋ ਵਰਕਰ ਆਪਣੀ ਪਾਰਟੀ ਦਾ ਨਹੀ ਬਣ ਸਕਿਆਂ ਉਹ ਨਵੇ ਥਾਂ ਜਾ ਕੇ ਨਵੀਂ ਪਾਰਟੀ ਦਾ ਕਿਵੇਂ ਬਣ ਸਕਦਾ ਹੈ।ਉਨਾ ਕਿਹਾ ਕਿ ਕੁਰਸੀ ਤੇ ਸੱਤਾ ਦਾ ਲਾਲਚੀ ਨੇਤਾ ਕਦੇ ਵੀ ਸੇਵਾ ਵਜੋ ਜਾਣੇ ਜਾਂਦੇ ਰਾਜਨੀਤੀ ਦੇ ਖੇਤਰ ਵਿਚ ਕਾਮਯਾਬ ਨਹੀ ਹੋ ਸਕਦਾ। ਦਿੱਲੀ ਵਿਧਾਨ ਸਭਾ ਚੋਣਾ ਵਿਚ ਪਾਰਟੀ ਨੂੰ ਮਿਲੀ ਹਾਰ ਤੇ ਉਨਾ ਕਿਹਾ ਕਿ ਪੰਜਾਬ ਸੂਬੇ ਵਿਚ ਆਪ ਦਾ ਕੋਈ ਆਧਾਰ ਨਹੀ ਹੈ ਤੇ ਆਪ ਦੇ ਪੰਜਾਬ ਵਿਚ ਸੱਤਾ ਹਾਸਿਲ ਕਰਨ ਦੇ ਮਨਸੂਬੇ ਕਾਮਯਾਬ ਨਹੀ ਹੋਣਗੇ।ਉਨਾ ਕਿਹਾ ਕਿ ਕੈਪਟਨ ਦੀ ਅਗਵਾਈ ਵਾਲੀ ਕਾਗਰਸ ਸਰਕਾਰ ਨੇ ਜੋ ਸੂਬੇ ਨੂੰ ਕੰਗਾਲੀ ਦੀ ਕਤਾਰ ਤੇ ਲਿਆ ਖੜਾ ਕੀਤਾ ਹੈ ਉਸ ਤੋ ਸਪਸਟ ਹੈ ਕਿ ਜਨਤਾ ਦਾ ਹੁਣ ਝੁਕਾਅ ਭਾਜਪਾ ਪਾਰਟੀ ਪ੍ਰਤੀ ਹੈ ।ਉਨਾ ਦਾਅਵਾ ਕੀਤਾ ਕਿ 2022 ਦੀਆ ਵਿਧਾਨ ਸਭਾ ਚੋਣਾ ਵਿਚ ਭਾਜਪਾ ਪਾਰਟੀ ਸਪੱਸਟ ਬਹੁਮਤ ਹਾਸਿਲ ਕਰੇਗੀ।
