ਲੁਧਿਆਣਾ, ਜਨਵਰੀ 2020-( ਸਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ )-
ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਜ਼ਿਲਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ ਦਫ਼ਤਰ, ਨੇੜੇ ਸੰਗੀਤ ਸਿਨੇਮਾ ਅਤੇ ਪ੍ਰਤਾਪ ਚੌਕ ਲੁਧਿਆਣਾ ਵਿਖੇ ਮਿਤੀ 28 ਫਰਵਰੀ ਨੂੰ ਸਵੇਰੇ 10 ਵਜੇ ਇੱਕ ਲੋਨ ਮੇਲਾ/ਪਲੇਸਮੈਂਟ ਕੈਂਪ/ਟੇਲੈਂਟ ਹੰਟ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਜਿਸ ਵਿੱਚ ਲੀਡ ਬੈਂਕ ਮੈਨੇਜਰ ਅਨਿਲ ਕੁਮਾਰ ਅਤੇ ਉਨਾਂ ਦੀ ਟੀਮ ਵੱਲੋਂਂ ਵੱਖ-ਵੱਖ ਸਵੈ-ਰੋਜ਼ਗਾਰ ਲੋਨ ਸੰਬੰਧੀ ਯੋਜਨਾਵਾਂ ਦਾ ਵਿਸਥਾਰ ਨਾਲ ਵੇਰਵਾ ਦਿੱਤਾ ਜਾਵੇਗਾ। ਕੁਝ ਬੈਂਕਾਂ ਵੱਲੋਂ ਮੌਕੇ 'ਤੇ ਸਵੈ-ਰੋਜ਼ਗਾਰ ਲੋਨ ਲੈਣ ਲਈ ਅਰਜੀਆਂ ਵੀ ਲਈਆਂ ਜਾਣਗੀਆਂ। ਨਵਦੀਪ ਸਿੰਘ ਡਿਪਟੀ ਸੀ. ਈ. ਓ. ਬਿਊਰੋ ਲੁਧਿਆਣਾ ਨੇ ਦੱਸਿਆ ਕਿ ਪਲੇਸਮੈਂਟ ਕੈਂਪ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ, ਆਈ. ਸੀ. ਆਈ. ਸੀ. ਆਈ., ਰੌਕਮੈਨ, ਐੱਚ. ਡੀ. ਐÎਫ. ਸੀ., ਸੰਧੂ ਆਟੋਮੋਬਾਈਲ ਅਤੇ ਰੈਬਰਿਮ ਰੋਜ਼ਗਾਰ ਇੰਡੀਆ ਆਦਿ ਕੰਪਨੀਆਂ ਵੱਲੋਂ ਭਾਗ ਲਿਆ ਜਾ ਰਿਹਾ ਹੈ, ਜਿਸ ਵਿੱਚ ਦਸਵੀਂ, ਬਾਰਵੀਂ, ਗਰੈਜੁਏਸ਼ਨ ਪਾਸ ਉਮੀਦਵਾਰ ਰੋਜ਼ਗਾਰ ਲੈਣ ਲਈ ਭਾਗ ਲੈ ਸਕਦੇ ਹਨ। ਉਨਾਂ ਸਵੈ-ਰੋਜ਼ਗਾਰ ਦੇ ਇਛੁੱਕ ਉਮੀਦਵਾਰਾਂ ਨੂੰ ਇਸ ਕੈਂਪ ਵਿੱਚ ਵੱਧ ਤੋਂ ਵੱਧ ਭਾਗ ਲੈਣ ਦੀ ਅਪੀਲ ਕੀਤੀ ਹੈ। ਉਨਾਂ ਦੱਸਿਆ ਕਿ ਇਸ ਮੌਕੇ ਹੋਣ ਵਾਲੇ ਟੇਲੈਂਟ ਹੰਟ ਦੀਆਂ ਗਤੀਵਿਧੀਆਂ ਗੀਤਕਾਰੀ, ਸਕਿੱਟ ਅਤੇ ਡਾਂਸ ਵਿੱਚ ਵੀ ਉਮੀਦਵਾਰ ਭਾਗ ਲੈ ਸਕਦੇ ਹਨ।
