ਕਾਉਕੇ ਕਲਾਂ, 24 ਜਨਵਰੀ (ਜਸਵੰਤ ਸਿੰਘ ਸਹੋਤਾ)-ਆਸਟੇ੍ਰਲੀਆ ਦੀ ਰਾਜਧਾਨੀ ਕੈਨਬਰਾ ਵਿੱਚ ਸਿਖਾਂ ਨੂੰ ਹੈਲਮਟ ਤੋ ਰਾਹਤ ਮਿਲ ਗਈ ਹੈ ਜਿਸ ਸਬੰਧੀ ਸੜਕ ਸੁਰੱਖਿਆਂ ਵਿਭਾਗ ਨੇ ਰਸਮੀ ਐਲਾਨ ਕਰ ਦਿੱਤਾ ਹੈ।ਇਹ ਛੋਟ ਕੈਨਬਰਾ ਵਿਖੇ ਵਸੇ ਪੰਜਾਬੀ ਜਗਦੀਪ ਸਿੰਘ ਦੀ ਬਦੌਲਤ ਮਿਲੀ ਹੈ।ਸੜਕ ਸੁਰੱਖਿਆਂ ਮੰਤਰੀ ਸੈਨ ਰੈਟਨਬਰੀ ਨੇ ਨਿਯਮਾ ਵਿੱਚ ਤਬਦੀਲੀ ਕਰਦੇ ਹੋਏ ਕਿਹਾ ਕਿ ਕੈਨਬਰਾਂ ਵਿਖੇ ਵੱਖ ਵੱਖ ਧਰਮਾਂ ਦੇ ਲੋਕੀ ਵਸ ਰਹੇ ਹਨ ਜਿੰਨਾ ਦੀ ਸੁੱਰਖਿਆਂ ਯਕੀਨੀ ਤੇ ਭਰੋਸੇ ਲਈ ਇਹ ਫੈਸਲਾ ਕੀਤਾ ਗਿਆਂ ਹੈ।ਇਸ ਫੈਸਲੇ ਨਾਲ ਹੁਣ ਸਿੱਖ ਬਿਨਾ ਹੈਲਮਟ ਸੜਕਾ ਤੇ ਸਾਈਕਲ ਚਲਾ ਸਕਣਗੇ।ਜਗਦੀਪ ਸਿੰਘ ਖੁਦ ਸਾਈਕਲ ਚਲਾਉਣ ਦੇ ਆਦੀ ਹਨ ਜਿੰਨਾ ਨੇ ਇਸ ਫੈਸਲੇ ਲਈ ਸੰਘਰਸ ਕੀਤਾ ਹੈ।ਯੂ.ਐਸ.ਏ, ਤੋ ਗੁਰਪ੍ਰੀਤ ਸਿੰਘ ਸਿੱਧੂ ਜੋ ਕਿ ਪੰਜਾਬ ਤੋ ਯੂਥ ਵੈਲਫੇਅਰ ਕਲੱਬ ਦੌਧਰ ਦੇ ਪ੍ਰਧਾਨ ਵੀ ਹਨ ਨੇ ਇਸ ਫੈਸਲੇ ਦਾ ਸਵਾਗਤ ਕੀਤਾ ਹੈ।ਉਨਾ ਕਿਹਾ ਕਿ ਇਹ ਫੈਸਲਾ ਸਿੱਖ ਕੌਮ ਲਈ ਰਾਹਤ ਭਰਿਆ ਤੇ ਮਾਣ ਸਨਮਾਨ ਵਾਲਾ ਹੈ
