ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਇਥੋ ਥੋੜੀ ਦੂਰ ਸਿੱਧਵਾਂ ਬੇਟ ਸੜਕ ਤੇ ਇਕ ਬੇਕਾਬੂ ਕਾਰ ਦਰਖੱਤ ਵਿੱਚ ਜਾ ਵੱਜੀ ਜਿਸ ਕਾਰਨ ਦਾਦੇ-ਪੋਤੇ ਦੀ ਮੌਤ ਹੋ ਗਈ ਜਦਕਿ ਪਿਛਲੀ ਸੀਟ ਤੇ ਬੈਠੇ ਦੋ ਜਾਣ ਜ਼ਖਮੀ ਹੋ ਗਏ।ਜਾਣਕਾਰੀ ਅਨੁਸਾਰ ਪਿੰਡ ਬਾਰਨਹਾੜਾ ਵਾਸੀ ਮੋਹਨ ਸਿੰਘ ਪੱੁਤਰ ਮੁਖਤਿਆਰ ਸਿੰਘ ਆਪਣੀ ਨੂੰਹ ਨੂੰ ਪੋਤਿਆਂ ਨਾਲ ;ਚ ਉਸ ਦੇ ਪੇਕੇ ਪਿੰਡ ਗੋਰਾਹੂਰ ਛੱਡਣ ਜਾ ਰਿਹਾ ਸੀ।ਪਿੰਡ ਆਲੀਵਾਲ ਚੌਕ ਨੇੜੇ ਕਾਰ ਦਾ ਸੰਤੁਲਨ ਅਚਾਨਕ ਵਿਗੜ ਜਾਣ ਕਾਰਨ ਕਾਰ ਸੜਕ ਕੰਢੇ ਲੱਗੇ ਇਕ ਦਰਖੱਤ ਨਾਲ ਜਾ ਟਕਰਾਈ।ਹਦਾਸੇ ਵਿਚ ਕਾਰ ਚਲਾ ਰਹੇ ਮੋਹਨ ਸਿੰਘ ਅਤੇ ਉਨ੍ਹਾਂ ਦੇ 12 ਸਾਲਾਂ ਪੋਤੇ ਮਨਵੀਰ ਸਿੰਘ ਦੀ ਮੌਕੇ ਮੌਤ ਹੋ ਗਈ ਜਦਕਿ ਉਨ੍ਹਾਂ ਦੀ ਨੂੰਹ ਕਲਦੀਪ ਕੌਰ ਅਤੇ 9ਸਾਲਾਂ ਦੂਜਾ ਪੋਤਾ ਫਤਹਿਵੀਰ ਸਿੰਘ ਜ਼ਖਮੀ ਹੋ ਗਏ।ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਕਾਰ ਬੁਰੀ ਤਰ੍ਹਾਂ ਨੁਕਸਾਨੀ ਗਈ।ਇਕੱਠੇ ਹੋਏ ਲੋਕਾਂ ਨੇ ਜ਼ਖਮੀ ਕਲ਼ਦੀਪ ਕੋਰ ਅਤੇ ਉਸ ਦੇ ਫਤਹਿਵੀਰ ਸਿੰਘ ਨੂੰ ਇਲਾਜ ਲ਼ਈ ਡੀਐਮਸੀ ਹਸਪਤਾਲ ਭੇਜਿਆ ਜਦਕਿ ਲ਼ਾਸ਼ਾਂ ਪੋਸਟਮਾਰਟ ਉਪਰੰਤ ਪਰਿਵਾਰਕ ਮੈਬਰਾਂ ਨੂੰ ਸੌਪ ਦਿਤੀਆਂ ਗਈਆਂ।
