ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਕਸਬਾ ਧਰਮਕੋਟ ਦੇ ਕੋਲ ਪੈਦੇ ਇਕ ਇਲਾਕੇ ਵਿਚ ਸੜਕ ਹਾਦਸੇ 'ਚ 25 ਸਾਲ ਦੇ ਨੌਜਵਾਨ ਦੀ ਮੌਤ ਹੋ ਗਈ।ਘਟਨਾ ਦੇ ਇਕ ਦਿਨ ਬਾਅਦ ਮ੍ਰਿਤਕ ਨੌਜਵਾਨ ਦਾ ਨਿਕਾਹ ਹੋਣਾ ਵਾਲਾ ਸੀ ਚੌਕੀ ਕਿਸ਼ਨਪੁਰਾ ਦੇ ਹੌਲਦਾਰ ਮੰਗਲਰਾਮ ਨੇ ਦੱਸਿਆ ਕਿ ਕਿਸ਼ਨਪੁਰਾ ਕਲਾਂ ਵਾਸੀ ਸਦੀਕ ਮੁਹਮੰਦ 25 ਸਾਲ ਜੋ ਕਿ ਪਲੰਬਰ ਦਾ ਕੰਮ ਕਰਦਾ ਸੀ ਅਤੇ ਸ਼ੁੱਕਰਵਾਰ ਦੀ ਸਵੇਰੇ 19 ਵਜੇ ਉਹ ਇੰਦਗੜ੍ਹ ਵਿਖੇ ਇਕ ਧਾਰਮਿਕ ਸਥਾਨ ਤੋ ਮੱਥਾ ਟੇਕ ਕੇ ਆਪਣੇ ਮੋਟਰਸਾਈਕਲ ਤੇ ਆਪਣੇ ਪਿੰਡ ਘਰ ਜਾ ਰਿਹਾ ਸੀ ਤੇ ਇਸ ਦੌਰਾਨ ਉਸ ਦੇ ਰਸਤੇ ਵਿਚ ਸੜਕ ਦੇ ਵਿਚਕਾਰ ਇਕ ਲਵਾਰਿਸ ਕੱੁਤਾ ਉਸ ਦੇ ਮੋਟਰਸਾਈਕਲ ਦੇ ਅੱਗੇ ਆਉਣ ਨਾਲ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਿਆ।ਜਿਸਦੀ ਇਲਾਜ ਦੌਰਾਨ ਮੌਤ ਹੋ ਗਈ।ਜਾਂਚ ਅਧਿਕਾਰੀ ਨੇ ਦਸਿਆ ਕਿ ਮ੍ਰਿਤਕ ਸਦੀਕ ਮਹੰੁਮਦ ਦੀ ਭੈਣ ਦਾ ਇਕ ਹਫਤੇ ਪਹਿਲਾ ਨਿਕਾਹ ਹੋਇਆ ਸੀ ਤੇ ਸ਼ਨੀਵਾਰ ਨੂੰ ਉਸ ਦਾ ਜਿਲ੍ਹਾ ਬਰਨਾਲਾ ਵਿਖੇ ਨਿਕਾਹ ਹੋਣ ਵਾਲਾ ਸੀ ਅਤੇ ਸ਼ੱੁਕਰਵਾਰ ਨੂੰ ਉਸ ਨਾਲ ਹਾਦਸਾ ਵਾਪਰ ਗਿਆ ਤੇ ਖੁਸ਼ੀਆਂ ਗਮ ਵਿਚ ਬਦਲੀਆਂ ਗਈਆਂ। ਪੁਲਿਸ ਨੇ ਮ੍ਰਿਤਕ ਦੇ ਪਿਤ ਗਨੀ ਮੁਹਮੰਦ ਦੇ ਬਿਆਨ ਤੇ ਧਾਰਾ 174 ਦੇ ਤਹਿਤ ਕਰਵਾਈ ਕਰਦੇ ਹੋਏ ਸਿਵਲ ਹਸਪਤਾਲ ਮੋਗਾ 'ਚੋ ਲਾਸ਼ ਦਾ ਪੋਸਰਮਾਰਟ ਕਰਵਾ ਕੇ ਲਾਸ਼ ਪਰਿਵਾਰ ਦੇ ਹਵਾਲੇ ਕਰ ਦਿੱਤੀ ਹੈ।
