ਬਰਨਾਲਾ /ਮਹਿਲ ਕਲਾਂ 10 ਮਾਰਚ ( ਗੁਰਸੇਵਕ ਸੋਹੀ) ਹਲਕਾ ਮਹਿਲ ਕਲਾਂ ਦੇ ਅਧੀਨ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਗਹਿਲ ਦੇ ਮੁਖੀ ਸ੍ਰੀਮਤੀ ਸਰਬਜੀਤ ਕੌਰ ਜੀ ਦੀ ਅਗਵਾਈ ਵਿੱਚ 54 ਬੱਚਿਆਂ ਅਤੇ ਸਮੂਹ ਸਟਾਫ ਵੱਲੋਂ ਇੱਕ ਰੋਜ਼ਾ ਵਿੱਦਿਅਕ ਟੂਰ ਲਗਵਾਇਆ ਗਿਆ । ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਸਕੂਲ ਮੁੱਖੀ ਸ੍ਰੀਮਤੀ ਸਰਬਜੀਤ ਕੌਰ ਜੀ ਨੇ ਦੱਸਿਆ ਕਿ ਇਸ ਟੂਰ ਦੌਰਾਨ ਬੱਚਿਆਂ ਨੇ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਤਲਵੰਡੀ ਸਾਬੋ , ਕਿਲ੍ਹਾ ਮੁਬਾਰਕ ਬਠਿੰਡਾ , ਰੋਜ਼ ਗਾਰਡਨ ਅਤੇ ਥਰਮਲ ਝੀਲ ਆਦਿ ਥਾਵਾਂ ਦੇਖੀਆਂ ਅਤੇ ਇਹਨਾਂ ਦੇ ਇਤਿਹਾਸ ਨੂੰ ਜਾਣਿਆਂ । ਉਹਨਾਂ ਨੇ ਵਿੱਦਿਅਕ ਟੂਰ ਦੀ ਵਿਦਿਆਰਥੀ ਜੀਵਨ ਅਤੇ ਪੜ੍ਹਾਈ ਵਿੱਚ ਮਹੱਤਤਾ ਬਾਰੇ ਬੱਚਿਆਂ ਨੂੰ ਜਾਣੂੰ ਕਰਵਾਇਆ ।
