1947 ਦੀ ਪੁਰਾਣੀ ਮਸਜ਼ਿਦ ਨੂੰ ਮੁਸਲਿਮ ਭਰਾਵਾਂ ਨਾਲ ਮਿਲ ਕੇ ਬਣਾ ਦਿੱਤੀ ਨਵੀਂ ਮਸਜਿਦ-- ਮੁਸਲਿਮ ਭਰਾਵਾਂ ਨੇ ਕੀਤਾ ਸਿੱਖ ਭਾਈਚਾਰੇ ਦਾ ਧੰਨਵਾਦ---ਮੁਫ਼ਤੀ-ਏ-ਆਜਮ ਪੰਜਾਬ ਨੇ ਕੀਤਾ ਉਦਘਟਨ
ਬਰਨਾਲਾ/ਮਹਿਲ ਕਲਾਂ 03 ਮਾਰਚ (ਗੁਰਸੇਵਕ ਸਿੰਘ ਸੋਹੀ)- ਹਿੰਦੂ ਮੁਸਲਿਮ ਸਿੱਖ ਇਸਾਈ, ਆਪਸ ਦੇ ਵਿਚ ਭਾਈ ਭਾਈ ਦੀ ਸਾਂਝੀ ਵਾਰਲਤਾ ਦਾ ਸੁਨੇਹਾ ਦਿੰਦੇ ਹੋਏ ਅੱਜ ਹਲਕਾ ਮਹਿਲ ਕਲਾਂ ਦੇ ਪਿੰਡ ਬਾਹਮਣੀਆਂ ਦੀ ਗਰਾਮ ਪੰਚਾਇਤ ਅਤੇ ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਸਮੇਤ ਸਮੂਹ ਪਿੰਡ ਵਾਸੀਆਂ ਨੇ ਪਿੰਡ ਦੇ ਮੁਸਲਿਮ ਭਰਾਵਾਂ ਨੂੰ ਇੱਕ ਮਸਜਿਦ ਬਣਾ ਕੇ ਦਿੱਤੀ ਅਤੇ ਆਪਸੀ ਭਾਈਚਾਰੇ ਦਾ ਸੰਦੇਸ਼ ਦਿੱਤਾ । ਇਸ ਛੋਟੇ ਜਿਹੇ ਪਿੰਡ ਦੇ ਲੋਕਾਂ ਦੀ ਇਸ ਦਰਿਆ ਦਿਲੀ ਦਾ ਸ਼ੁਕਰਾਨਾ ਪੰਜਾਬ ਭਰ ਤੋਂ ਆਏ ਮੁਸਲਿਮ ਭਾਈਚਾਰੇ ਨੇ ਕੀਤਾ । ਇਸ ਮੌਕੇ ਮੁਸਲਿਮ ਭਾਈਚਾਰੇ ਦੇ ਆਗੂਆਂ ਨੇ ਪਿੰਡ ਦੇ ਲੋਕਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸੇ ਤਰਾ ਹੀ ਪੂਰੇ ਭਾਰਤ ਦੇ ਲੋਕ ,ਧਰਮ ਅਤੇ ਜਾਤ ਪਾਤ ਦੇ ਭੇਦ ਮਿਟਾ ਕੇ ਪਿਆਰ ਸਤਿਕਾਰ ਨਾਲ ਰਹਿਣਾ ਚਾਹੁੰਦੇ ਹਨ, ਪਰ ਸਾਡੇ ਕੁੱਝ ਸਿਆਸੀ ਆਗੂ ਸਾਨੂੰ ਪਾੜਨਾ ਚਾਹੁੰਦੇ ਹਨ । ਇਸ ਮੌਕੇ ਡਾਕਟਰ ਮਿੱਠੂ ਮੁਹੰਮਦ ਮਹਿਲ ਕਲਾਂ ਨੇ ਕਿਹਾ ਕਿ ਮੈ ਇਸ ਪਿੰਡ ਦੇ ਲੋਕਾਂ ਨੂੰ ਸਲਾਮ ਕਰਦਾ ਹਾਂ, ਜਿਨ੍ਹਾਂ ਨੇ ਇੰਨਸਾਨੀਅਤ ਜ਼ਿੰਦਾ ਰੱਖੀ ਹੈ, ਕਿਉਂਕਿ 1947 ਤੋਂ ਪੂਰੇ 76 ਸਾਲਾਂ ਦੇ ਲੰਬੇ ਵਕਫੇ ਬਾਅਦ ਅੱਜ ਪਹਿਲੀ ਅਜਾਨ ਅਤੇ ਪਹਿਲੀ ਨਾਮਾਜ ,ਪੰਜਾਬ ਦੇ ਸਰਕਾਰੀ ਮੁਫ਼ਤੀ ਆਜਮ ਹਜਰਤ ਮੌਲਾਨਾ ਮੁਫ਼ਤੀ ਇਰਤਿਕਾ ਉਲ ਹਸਨ ਕੰਧਾਲਵੀ ਵੱਲੋਂ ਅਦਾ ਕਰਵਾਈ ਗਈ। ਉਹਨਾਂ ਕਿਹਾ ਕਿ ਮੈ ਸਾਰੇ ਮੁਸਲਿਮ ਸਮਾਜ਼ ਵੱਲੋਂ ਪਿੰਡ ਬਾਹਮਣੀਆਂ ਦੇ ਲੋਕਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦਾ ਹਾਂ। ਸਿੱਖ ਭਾਈਚਾਰੇ ਵਲੋਂ ਬੋਲਦਿਆਂ ਸਰਦਾਰ ਬਲਦੇਵ ਸਿੰਘ ਨੇ ਕਿਹਾ ਕਿ ਅੱਜ ਇਤਿਹਾਸ ਦੇ ਸੁਨਹਿਰੇ ਪੰਨਿਆਂ ਤੇ ਲਿਖਿਆ ਗਿਆ ਹੈ ਕਿ ਇਸ ਪਿੰਡ ਨੇ ਆਪਸੀ ਭਾਈਚਾਰਕ ਅਤੇ ਇਨਸਾਨੀਅਤ ਦੀ ਮਿਸਾਲ ਪੇਸ਼ ਕਰਕੇ, ਸਿੱਖ ਮੁਸਲਿਮ ਸਾਂਝਾ ਨੂੰ ਹੋਰ ਮਜ਼ਬੂਤ ਕੀਤਾ ਹੈ। ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਮੁਹੰਮਦ ਅਨਵਾਰ, ਕਾਰੀ ਮੁਹੰਮਦ ਕਸਿਫ਼, ਮੁਹੰਮਦ ਉੱਮਰ, ਹਾਫ਼ਿਜ਼ ਮਹੰਮਦ ਸ਼ਹਿਜਾਦ, ਕਾਰੀ ਮੁਹੰਮਦ ਉਸਮਾਨ, ਹਾਫ਼ਿਜ਼ ਅੱਬੂਬਕਰ, ਮੁਫ਼ਤੀ ਏ ਆਜ਼ਮ ਪੰਜਾਬ ਇਰਤਾਇਕ ਉਲ਼ ਹਸਨ ਸਾਹਿਬ ਕਾਧਲਵੀ ਮਾਲੇਰਕੋਟਲਾ , ਡਾ ਮਿੱਠੂ ਮੁਹੰਮਦ ਮਹਿਲ ਕਲਾਂ, ਡਾ ਦਿਲਸ਼ਾਦ ਜਮਾਲਪੁਰੀ, ਹਾਜੀ ਫਜ਼ਲ ਮੁਹੱਮਦ ਮਹਿਲ ਖੁਰਦ, ਫਕੀਰ ਮੁਹੱਮਦ ਨਿਹਾਲੂਵਾਲ, ਇਕਬਾਲ ਖ਼ਾਨ , ਜਾਵੇਦ ਖਾਂ , ਮੇਜਰ ਖਾਨ ਬਾਹਮਣੀਆਂ, ਮੁਹੰਮਦ ਮੁਰਸਲੀਨ ਬੱਸੀਆਂ, ਦਿਲਸ਼ਾਦ ਨਿਹਾਲੂਵਾਲ, ਕਾਕੂ ਖਾਨ, ਮੇਹਰਦੀਨ ਪੰਡੋਰੀ, ਸੁਹੇਲ ਖਾਨ, ਇਰਫਾਨ ਖਾਨ ਬਰਮੀ, ਮੁਹੱਮਦ ਸਾਹਿਲ ਲੱਸਾਬਦੀ, ਅਤੇ ਬੂਟਾ ਸਿੰਘ, ਪ੍ਰਧਾਨ ਸੁਖਦੇਵ ਸਿੰਘ ਸੇਬੀ, ਸਰਪੰਚ ਜਸਵਿੰਦਰ ਸਿੰਘ, ਬਲਜਿੰਦਰਜੀਤ ਸਿੰਘ,ਬਾਬਾ ਗੁਰਜੰਟ ਸਿੰਘ,ਬਾਬਾ ਗੁਰਨਾਮ ਸਿੰਘ, ਨਾਜਰ ਸਿੰਘ, ਜਗਦੇਵ ਸਿੰਘ, ਮੁਹਿੰਦਰ ਸਿੰਘ ਮਹਿਲ ਕਲਾਂ,ਮਲਕੀਤ ਸਿੰਘ ਮਹਿਲ ਖੁਰਦ, ਮੁਖਤਿਆਰ ਸਿੰਘ ਛਾਪਾ, ਬਲਦੇਵ ਸਿੰਘ ਗੰਗੋਹਰ, ਸ੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਆਗੂਆਂ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਲੋਕ ਮੌਜੂਦ ਸਨ।
