ਖੰਨਾ, 03 ਮਾਰਚ (ਨਿਰਮਲ ਸਿੰਘ ਨਿੰਮਾ) ਬਾਰ ਐਸੋਸੀਏਸ਼ਨ ਖੰਨਾ ਵੱਲੋਂ ਸਿਵਿਲ ਕੋਰਟ ਕੰਪਲੈਕਸ ਖੰਨਾ ਵਿਖੇ ਸਰਬੱਤ ਦੇ ਭਲੇ ਲਈ ਸ੍ਰੀ ਸੁਖਮਨੀ ਸਾਹਿਬ ਜੀ ਦਾ ਪਾਠ ਕਰਵਾਇਆ ਗਿਆ, ਇਸ ਮੌਕੇ ਭਾਈ ਨਵਨੀਤ ਸਿੰਘ ਜੀ ਹਜ਼ੂਰੀ ਰਾਗੀ ਸ੍ਰੀ ਦਰਬਾਰ ਸਾਹਿਬ ਜੀ ਵੱਲੋਂ ਰਸਭਿੰਨਾ ਕੀਰਤਨ ਕਰਕੇ ਆਕਾਲ ਪੁਰਖ ਦੀ ਮਹਿੰਮਾ ਦਾ ਗੁਣਗਾਨ ਕੀਤਾ ਗਿਆ।
ਬਾਰ ਐਸੋਸੀਏਸ਼ਨ ਖੰਨਾ ਦੇ ਪ੍ਰਧਾਨ ਐਡਵੋਕੇਟ ਸੁਮਿਤ ਲੂਥਰਾ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸਮੂਹ ਬਾਰ ਐਸੋਸੀਏਸ਼ਨ ਖੰਨਾ ਵੱਲੋਂ ਸਰਬੱਤ ਦੇ ਭਲੇ ਲਈ ਸ੍ਰੀ ਸੁਖਮਨੀ ਸਾਹਿਬ ਜੀ ਦਾ ਪਾਠ ਅਤੇ ਕੀਰਤਨ ਦਰਬਾਰ ਸਜਾਇਆ ਗਿਆ, ਜਿਸ ਵਿੱਚ ਮਾਣਯੋਗ ਡਾ: ਸ੍ਰੀ ਮਨਦੀਪ ਮਿੱਤਲ (ਐਡੀਸ਼ਨਲ ਜ਼ਿਲ੍ਹਾ ਜੱਜ/ ਐਡੀਸ਼ਨਲ ਪ੍ਰਿੰਸੀਪਲ ਜੱਜ ਫੈਮਿਲੀ ਕੋਰਟ, ਖੰਨਾ), ਮੈਡਮ ਮਨੀ ਅਰੋੜਾ (ਐਡੀਸ਼ਨਲ ਸਿਵਿਲ ਜੱਜ ਸੀਨੀਅਰ ਡਿਵੀਜਨ/ਸਬ ਡਵੀਜ਼ਨਲ ਜੁਡੀਸ਼ਲ ਮੈਜਿਸਟ੍ਰੇਟ, ਖੰਨਾ ), ਮੈਡਮ ਮਹਿਮਾ ਭੁੱਲਰ (ਸਿਵਿਲ ਜੱਜ ਜੂਨੀਅਰ ਡਿਵੀਜ਼ਨ/ਜੁਡੀਸ਼ਲ ਮੈਜਿਸਟ੍ਰੇਟ ਫਸਟ ਕਲਾਸ), ਮੈਡਮ ਹਰਜਿੰਦਰ ਕੌਰ (ਸਿਵਿਲ ਜੱਜ ਜੂਨੀਅਰ ਡਿਵੀਜ਼ਨ/ਜੁਡੀਸ਼ਲ ਮੈਜਿਸਟ੍ਰੇਟ ਫਸਟ ਕਲਾਸ), ਸ੍ਰੀ ਦੀਪਕ ਸਿੰਘ ਸ਼ੀਨਾ (ਸਿਵਿਲ ਜੱਜ ਜੂਨੀਅਰ ਡਿਵੀਜ਼ਨ/ਜੁਡੀਸ਼ਲ ਮੈਜਿਸਟ੍ਰੇਟ ਫਸਟ ਕਲਾਸ), ਸ੍ਰੀ ਅਮਰਜੀਤ ਬੈਂਸ (ਏ. ਡੀ.ਸੀ. , ਖੰਨਾ)
ਮੈਡਮ ਮਨਜੀਤ ਕੌਰ (ਐਸ. ਡੀ. ਐਮ. , ਖੰਨਾ), ਸ੍ਰੀ ਨਵਦੀਪ ਭੋਗਲ (ਤਹਿਸੀਲਦਾਰ, ਖੰਨਾ) ਆਦਿ ਅਤੇ ਸਿਵਿਲ ਕੋਰਟ ਕੰਪਲੈਕਸ ਖੰਨਾ ਦੇ ਸਮੂਹ ਵਕੀਲ ਭਰਾਵਾਂ, ਨੇੜਲੇ ਕੋਰਟ ਕੰਪਲੈਕਸਾਂ ਦੇ ਸਮੂਹ ਵਕੀਲ ਭਰਾਵਾਂ ਅਤੇ ਖੰਨਾ ਸ਼ਹਿਰ ਦੀਆਂ ਸਮਾਜਿਕ ਸੰਸਥਾਵਾਂ ਦੇ ਨੁਮਾਇੰਦਿਆਂ ਤੇ ਸੰਗਤਾਂ ਨੇ ਉਚੇਚੇ ਤੌਰ ਤੇ ਹਾਜ਼ਰੀ ਲਗਵਾਈ, ਅਰਦਾਸ ਉਪਰੰਤ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ। ਇਸ ਧਾਰਮਿਕ ਸਮਾਗਮ ਮੌਕੇ ਨੌਜਵਾਨ ਵਰਗ ਦੇ ਐਡਵੋਕੇਟ ਰਾਜਵੀਰ ਸਿੰਘ, ਲਖਵੀਰ ਸਿੰਘ, ਗੁਰਵਿੰਦਰ ਸਿੰਘ ਚੀਮਾ ਅਤੇ ਹੋਰ ਸੇਵਾ ਕਰਦੇ ਨਜ਼ਰ ਆਏ।
ਜ਼ਿਕਰਯੋਗ ਹੈ ਕਿ ਕਿ ਇਸ ਮੌਕੇ ਭਾਈ ਘਨੱਈਆ ਜੀ ਸੇਵਾ ਸੋਸਾਇਟੀ ਵੱਲੋਂ ਉੱਘੇ ਸਮਾਜ ਸੇਵੀ ਨਿਰਮਲ ਸਿੰਘ ਨਿੰਮਾ ਦੀ ਅਗਵਾਈ ਵਿੱਚ ਜੋੜਾ ਘਰ ਦੀ ਸੇਵਾ ਨਿਭਾਈ ਗਈ ਅਤੇ ਭਾਈ ਘਨੱਈਆ ਜੀ ਸੇਵਾ ਸੋਸਾਇਟੀ ਖੰਨਾ ਦੀਆਂ ਸਮਾਜਿਕ ਗਤੀਵਿਧੀਆਂ ਨੂੰ ਦੇਖਦੇ ਹੋਏ ਸਤਿਕਾਰਯੋਗ ਸ੍ਰੀ ਅਮਨਜੀਤ ਬੈਂਸ ( ਏ. ਡੀ. ਸੀ. , ਖੰਨਾ) ਵੱਲੋਂ ਸਮੂਹ ਟੀਮ ਨੂੰ ਸਾਂਝੇ ਤੌਰ ਤੇ ਸ਼ਾਲ ਭੇਂਟ ਕਰ ਕੇ ਸਨਮਾਨਿਤ ਕੀਤਾ ਗਿਆ।
ਭਾਈ ਘਨੱਈਆ ਜੀ ਸੇਵਾ ਸੋਸਾਇਟੀ ਖੰਨਾ ਵੱਲੋਂ ਇਸ ਧਾਰਮਿਕ ਸਮਾਗਮ ਵਿੱਚ ਹਾਜ਼ਰੀ ਲਗਵਾਉਣ ਆਈਆਂ ਸਾਰੀਆਂ ਸਨਮਾਨਿਤ ਸ਼ਖ਼ਸੀਅਤਾਂ ਦੇ ਰੁੱਖ, ਵਾਤਾਵਰਣ, ਪਾਣੀ ਨੂੰ ਬਚਾਉਣ ਲਈ ਸ਼ੁਭ ਵਿਚਾਰ ਅਤੇ ਸੁਝਾਅ ਹਸਤਾਖਰ ਸਹਿਤ ਇੱਕ ਡਾਇਰੀ ਵਿੱਚ ਕਲ਼ਮ ਬੱਧ ਕਰਵਾਏ ਗਏ।
ਇਸ ਮੌਕੇ ਐਡਵੋਕੇਟ ਸੁਮਿਤ ਲੂਥਰਾ (ਪ੍ਰਧਾਨ ਬਾਰ ਐਸੋਸੀਏਸ਼ਨ ਖੰਨਾ), ਐਡਵੋਕੇਟ ਹਰਦੀਪ ਸਿੰਘ (ਵਾਇਸ ਪ੍ਰਧਾਨ), ਐਡਵੋਕੇਟ ਰਵੀ ਕੁਮਾਰ (ਜਨਰਲ ਸਕੱਤਰ), ਐਡਵੋਕੇਟ ਇਸ਼ਾਨ ਥੱਮਣ (ਜੁਆਇੰਟ ਸਕੱਤਰ), ਐਡਵੋਕੇਟ ਮਲਵਿੰਦਰ ਸਿੰਘ (ਫਾਈਨਾਂਸ ਸਕੱਤਰ), ਅਤੇ ਸਮੂਹ ਵਕੀਲ ਸਾਹਿਬਾਨ ਹਾਜ਼ਰ ਸਨ।
