ਸੱਜਣਾਂ ਵੇ ਵਤਨਾਂ ਵੱਲ ਵੀ ਪਾ ਲੈ ਕਦੇ ਫੇਰਾ ਵੇ।
ਹਰ ਵੇਲ਼ੇ ਹੀ ਮੈਨੂੰ ਚੇਤਾ ਰਹਿੰਦਾ ਤੇਰਾ ਵੇ।
ਨਾਜ਼ੁਕ ਦਿਲ ਤੋੜ ਕੇ ਸੱਜਣਾ ਕਿੱਥੇ ਤੁਰ ਚੱਲਿਓਂ?
ਤੇਰੀ ਸਹੁੰ ਤੇਰੇ ਬਾਝੋਂ ਦਿਲ ਨਹੀਂ ਲਗਦਾ ਮੇਰਾ ਵੇ।
ਝੂਠੇ ਵਾਅਦੇ ਕਰਕੇ ਦਿਲ ਨਾ ਸੱਜਣਾ ਤੋੜਿਆ ਕਰ,
ਪਹਿਲਾਂ ਹੀ ਮੇਰੇ ਪੱਲੇ ਹੈ ਦਰਦ ਬਥੇਰਾ ਵੇ।
ਤੜਪੀ ਜਾਵਾਂ ਹੁਣ ਤਾਂ ਜ਼ਿੰਦ ਵੀ ਮੇਰੀ ਨਿਕਲੇ ਨਾ,
ਬਣ ਗਿਆ ਹੈ ਇਹ ਦਿਲ ਹੁਣ ਦੁੱਖਾਂ ਦਾ ਡੇਰਾ ਵੇ।
ਪੁੱਛ "ਨਥੇਹੇ" ਆਕੇ "ਸੋਹਲ" ਕੋਲੋਂ ਕਦੇ ਦੁੱਖੜੇ ਵੇ,
ਹਰ ਵੇਲੇ ਬੱਸ ਤੇਰੀਆਂ ਯਾਦਾਂ ਪਾਈ ਰੱਖਣ ਘੇਰਾ ਵੇ।
ਲੇਖਕ
ਗੁਰਜੰਟ ਸਿੰਘ ਸੋਹਲ (ਨਥੇਹਾ)
+918968727272
