ਧਰਮ ਬਦਲੀ ਵਿਡੰਬਨਾ
ਇਕ ਦੂਸਰੇ ਦੇ ਧਰਮ ਨੂੰ ਠਿੱਬੀ ਲਾਉਣਾ,
ਉੱਚ ਤਕਨੀਕੀ ਤਰੀਕਿਆਂ ਨਾਲ ਬਣਿਆ ਦਸਤੂਰ।
ਅਮੀਰੀ-ਗਰੀਬੀ ਦਾ ਪਾੜਾ ਤੇ ਲੁਕੇ ਰਾਜਸੀ ਮਨੋਰਥ,
ਕਰਦੇ ਭੋਲੀ ਭਾਲੀ ਜਨਤਾ ਨੂੰ ਆਪਣਿਆਂ ਤੋਂ ਦੂਰ।
ਨਿਰ-ਸਵਾਰਥ ਦੂਸਰਿਆਂ ਲਈ ਮਿੱਟ ਜਾਣਾ,
ਸਿੱਖ ਧਰਮ ਦਾ ਇਤਿਹਾਸ ਹੈ ਕੁਰਬਾਨੀਆਂ ਦਾ।
ਹੋਂਦ ਵਿੱਚ ਆਉਣ ਤੋਂ ਲੈਕੇ ਅੱਜ ਤੱਕ,
ਜਿੱਤੇ ਦਿਲ ਸਭ ਨੂੰ ਨਾਲ ਲੈ ਕੇ,
ਪਾਜ ਉਘਾੜਿਆ ਬੇਈਮਾਨੀਆਂ ਦਾ।
ਇਸਾਈ ਪ੍ਰਚਾਰ ਦਾ ਜੋਰ ਰਿਹਾ ਪਹਿਲਾਂ ਪਿੰਡਾਂ ਵਿੱਚ,
ਹੁਣ ਕਸਬਿਆਂ ਤੇ ਸ਼ਹਿਰਾਂ ਚ ਵੀ ਦਬਾਓ ਬਣਾਉਣ ਲੱਗੇ।
ਚਰਚਾਂ ਦੀ ਗਿਣਤੀ ਵਧੀ ਵੱਡੀ ਮਾਤਰਾ ਵਿਚ,
ਆਰਥਿਕ ਪੱਖੋਂ ਪਛੜੇ ਲੋਕਾਂ ਨੂੰ ਭਰਮਾਉਣ ਲੱਗੇ
ਇਹਦੇ ਵਿੱਚ ਗਲਤੀ ਲੂੰਬੜ ਚਾਲਾਂ ਚੱਲਣ ਵਾਲੇ,
ਰਾਜਨੀਤਕਾਂ ਦੀ ਜਿਹੜੇ ਸਭ ਨੂੰ ਨਾਲ ਨਹੀਂ ਲੈਂਦੇ
ਟੀਮਾਂ ਬਣਾ ਰੱਖੀਆਂ ਨੇ ਸਮਰਪਿਤ ਤੇ ਪੇਸ਼ੇਵਰ
ਪ੍ਰਚਾਰਕਾਂ,ਬਾਉਂਸਰਾਂ ਸਮੇਤ,
ਗਾਇਕ,ਨਚਾਰ, ਲੇਖਕ, ਵੀਡੀਓ ਵਾਲੇ ਤੇ ਐਡੀਟਰ ਸਭ ਹਿੱਸਾ ਨੇ ਲੈਂਦੇ।
ਅਮਰਜੀਤ ਸਿੰਘ ਤੂਰ
ਪਿੰਡ ਕੁਲਬੁਰਛਾਂ ਜ਼ਿਲਾ ਪਟਿਆਲਾ
ਫੋਨ ਨੰਬਰ : 9878469639
