ਕਰਕੇ ਮੁੱਛਾਂ ਕੁੰਢੀਆਂ ਅਫਸਰ ਪੰਜਾਬ ਦੇ,
ਕਲਮ-ਛੋੜ ਹੜਤਾਲ ਤੇ ਕੰਮ ਠੱਪ ਕੀਤੇ ਸਰਕਾਰ ਦੇ।
ਰਿਪੋਰਟ ਮਿਲਣ ਤੇ ਦਬਕਾ ਮਾਰਿਆ ਭਗਵੰਤ ਮਾਨ ਨੇ,
ਵਾਹਣੀਂ ਪਾ ਦਿੱਤੇ ਅਫਸਰ ਸਿਰਕੱਢ ਪੱਤਰਕਾਰ ਨੇ ।
ਕੁਝ ਅਫਸਰਾਂ ਸਕੀਮ ਬਣਾਈ ਹੜਤਾਲ ਦੀ,
ਬਾਕੀ ਦਿਆਂ ਯੁਗਤ ਲਾਈ ਵਗਦੀ ਗੰਗਾ ਚ ਨਹਾ ਲਈਏ ਇਕ ਵਾਰੀ ਤਾਂ ਇਨਕਲਾਬ ਜ਼ਿੰਦਾਬਾਦ ਹੋਗੀ,
ਝੱਗ ਵਾਂਗੂੰ ਬਹਿ ਗਈ ਜੁੰਡਲੀ,ਕਿਤੇ ਦਾਲ-ਫੁਲਕਾ ਨਾ ਗੰਵਾ ਬਹੀਏ ।
ਹੌਲੀ ਹੌਲੀ ਭੇਤ ਖੁਲ੍ਹ ਜਾਊ, ਕਾਲੀ ਭੇਡ ਦਾ,
ਕੌਣ ਹੈ ਖੇਤ ਨੂੰ ਅੱਗ ਲਾਉਣ ਵਾਲਾ ।
ਆਪਣੀਆਂ ਕੀਤੀਆਂ ਦੀਆਂ ਭੁਗਤ ਰਿਹਾ ,
ਹੁਣ ਕੋਈ ਨਾ ਰਿਹਾ ਉਹਦੇ ਨਾਲ ਹੱਥ ਮਿਲਾਉਣ ਵਾਲਾ।
ਗ਼ਲਤ ਸੋਚਵਾਲੇ ਮਾੜੇ ਹਾਲਾਤ ਦਾ ਸ਼ੋਸ਼ਾ ਛੱਡ ਕੇ
ਦੁਨੀਆਂ ਸਾਹਮਣੇ ਪੰਜਾਬ ਦੀ ਮਿੱਟੀ ਪੱਟ ਰਹੇ।
ਉਹਨਾਂ ਆਪੇ ਹੀ ਇਸ ਥੱਲੇ ਦੱਬ ਜਾਣਾ ,
ਚਾਹੁਣ ਜਿਹੜੇ ਚੰਗੇ ਭਲੇ ਬੰਦੇ ਦੀ ਪੱਤ ਨਾ ਰਹੇ।
ਅਮਰਜੀਤ ਸਿੰਘ ਤੂਰ
ਪਿੰਡ ਕੁਲਬੁਰਛਾਂ ਜ਼ਿਲਾ ਪਟਿਆਲਾ
ਫੋਨ ਨੰਬਰ : 9878469639
