ਮਹਿਲ ਕਲਾਂ, 06 ਜਨਵਰੀ (ਗੁਰਸੇਵਕ ਸੋਹੀ / ਅਵਤਾਰ ਸਿੰਘ ਰਾਏਸਰ ) ਮਹਿਲ ਕਲਾਂ ਵਿਖੇ ਸਮਾਜ ਸੇਵੀ ਸੰਸਥਾ ਲੋਕ ਭਲਾਈ ਵੈਲਫੇਅਰ ਸੁਸਾਇਟੀ ਵੱਲੋਂ ਇਸ ਵਾਰੀ ਲਗਾਤਾਰ ਪੰਜਵੀਂ ਲੋਹੜੀ ਮਨਾਈ ਜਾ ਰਹੀ ਇਹ ਸੰਸਥਾ ਲਗਾਤਾਰ ਪੰਜਾਬ ਵਿੱਚ ਸਮਾਜਿਕ ਭਲਾਈ ਅਤੇ ਨਸਿਆਂ ਨੂੰ ਲੈ ਕਿ ਲਗਾਤਾਰ ਕੰਮ ਕਰ ਰਹੀ ਹੈ ਇਸੇ ਲੜੀ ਤਹਿਤ ਮਹਿਲ ਕਲਾਂ ਵਿੱਖੇ ਬੇਟੀ ਬਚਾਓ, ਬੇਟੀ ਪੜਾਓ ਤਹਿਤ ਮਹਿਲ ਕਲਾਂ ਵਿੱਚ ਲਗਾਤਾਰ ਪੰਜਵੀਂ ਧੀਆਂ ਦੀ ਲੋਹੜੀ ਮਨਾਈ ਜਾ ਰਹੀ ਹੈ। ਇਸ ਲੋਹੜੀ ਦੇ ਮੌਕੇ ਤੇ ਇਲਾਕੇ ਵਿੱਚ ਨਵਜੰਮੀਆਂ ਧੀਆਂ ਦਾ ਸਨਮਾਨ ਕੀਤਾ ਜਾਂਦਾ ਹੈ ਅਤੇ ਇਲਾਕੇ ਵਿੱਚ ਹੋਰ ਵੀ ਨਾਮਵਰ ਧੀਆਂ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਜਾਂਦਾ ਹੈ। ਇਸ ਵੇਲ਼ੇ ਲੋਕ ਭਲਾਈ ਵੈਲਫੇਅਰ ਸੁਸਾਇਟੀ ਦੇ ਸੂਬਾ ਪ੍ਰਧਾਨ ਪਰਵਿੰਦਰ ਸਿੰਘ ਨੇ ਦੱਸਿਆ ਕਿ ਲਗਾਤਾਰ ਉਹ ਪੂਰੇ ਪੰਜਾਬ ਵਿੱਚ ਧੀਆਂ ਅਤੇ ਸਮਾਜ ਵਿੱਚ ਲੋੜਵੰਦਾਂ ਲਈ ਕੰਮ ਕਰ ਰਹੀ ਹੈ ਲਗਾਤਾਰ ਸਾਡੀ ਸੁਸਾਇਟੀ ਵੱਲੋਂ ਜੋ ਧੀਆਂ ਨਸੇ ਦੀ ਦਲਦਲ ਵਿੱਚ ਫਸ ਚੁੱਕੀਆਂ ਹਨ ਉਹਨਾਂ ਨੂੰ ਸੁਸਾਇਟੀ ਵੱਲੋਂ ਫ੍ਰੀ ਵਿੱਚ ਨਸ਼ਾ ਮੁਕਤ ਕਰਕੇ ਉਹਨਾਂ ਨੂੰ ਰੋਜ਼ਗਾਰ ਤੇ ਲਗਾਇਆ ਜਾ ਰਿਹਾ ਹੈ ਤਾਂ ਜੋ ਉਹ ਫਿਰ ਵਾਪਸ ਉਸ ਦਲਦਲ ਭਰੀ ਜਿੰਦਗੀ ਵਿੱਚ ਵਾਪਸ ਨਾ ਜਾਣ। ਉਹਨਾਂ ਨੇ ਕਿਹਾ ਕਿ ਲਗਾਤਾਰ ਪੰਜਵੀਂ ਧੀਆਂ ਦੀ ਲੋਹੜੀ ਸਾਡੀ ਟੀਮ ਵੱਲੋਂ ਮਹਿਲ ਕਲਾਂ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਪਾਰਕ ਦੇ ਵਿੱਚ ਮਨਾਈ ਜਾ ਰਹੀ ਹੈ। ਸਾਡੀ ਪੂਰੀ ਟੀਮ ਦਾ ਇੱਕ ਹੀ ਮਕਸਦ ਹੈ ਕਿ ਜਦ ਵੀ ਕਿਸੇ ਪਰਿਵਾਰ ਵਿੱਚ ਕੋਈ ਧੀ ਪੈਦਾ ਹੁੰਦੀ ਹੈ ਤਾ ਉਸ ਨੂੰ ਵੀ ਪੁੱਤਰਾਂ ਵਾਂਗ ਪਿਆਰ ਮਿਲੇ ਅਤੇ ਉਸ ਨੂੰ ਵੀ ਤਰੱਕੀਆਂ ਕਰਨ ਦਾ ਮੌਕਾ ਮਿਲੇ।
