ਰਾਸਣ ਚੱਕਣ ਨੂੰ ਲੈਕੇ ਬਲਾਕ ਸਿੱਧਵਾ ਬੇਟ ਦੀਆਂ ਆਂਗਣਵਾੜੀ ਵਰਕਰਾਂ ਅਤੇ ਸੀਡੀਪੀਓ ਕੁਲਵਿੰਦਰ ਜੋਸੀ ਹੋਈਆਂ ਆਹਮੋ ਸਾਹਮਣੇ,ਗੱਲ ਵਧੀ ਤੂੰ ਤੜੱਕ ਤੱਕ
ਜੇਕਰ ਸੀਡੀਪੀਓ ਨੇ ਸਾਡੀਆਂ ਮੰਗਾ ਵੱਲ ਨਾ ਦਿੱਤਾ ਧਿਆਨ ਤਾਂ ਪੀ ਓ ਦਫਤਰ ਲੁਧਿਆਣਾ ਦਾ ਘਰਾਂ ਕੀਤਾ ਜਾਵੇਗਾ
ਜਗਰਾਉਂ / ਸਿੱਧਵਾਂ ਬੇਟ ( ਮਨਜੀਤ ਸਿੰਘ ਲੀਲਾਂ ਆਲ ਪੰਜਾਬ ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਦੀ ਕੌਮੀ ਪ੍ਰਧਾਨ ਬੀਬੀ ਹਰਗੋਬਿੰਦ ਕੌਰ ਜੀ ਦੀ ਭਰਪੂਰ ਅਗਵਾਈ ਹੇਠ ਜਿਲ੍ਹਾ ਪ੍ਰਧਾਨ ਗੁਰਅੰਮ੍ਰਿਤ ਕੌਰ ਲੀਹਾਂ ਅਤੇ ਬਲਾਕ ਪ੍ਰਧਾਨ ਬੀਬੀ ਮਨਜੀਤ ਕੌਰ ਢਿੱਲੋਂ ਦੀ ਰਹਿਨੁਮਾਈ ਚ ਸੀਡੀਪੀਓ ਦਫਤਰ ਸਿੱਧਵਾ ਬੇਟ ਅੱਗੇ ਆਪਣੀਆਂ ਹੱਕੀ ਮੰਗਾ ਨੂੰ ਲੈਕੇ ਰੋਸ਼ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਸਮੇਂ ਸੀਡੀਪੀਓ ਮੈਡਮ ਕੁਲਵਿੰਦਰ ਜੋਸ਼ੀ ਖਿਲਾਫ ਨਾਅਰੇਬਾਜ਼ੀ ਕਰਦੇ ਹੋਏ ਵੱਡੀ ਗਿਣਤੀ ਚ ਇੱਕਤਰ ਹੋਈਆ ਆਂਗਣਵਾੜੀ ਵਰਕਰਾ ਨੇ ਸੀਡੀਪੀਓ ਮੁਰਦਾਬਾਦ ਦੇ ਨਾਅਰੇ ਲਗਾਉਦਿਆ ਖੂਬ ਹੰਗਾਮਾਂ ਕੀਤਾ । ਇਸ ਸਮੇਂ ਕੌਮੀ ਪ੍ਰਧਾਨ ਹਰਗੋਬਿੰਦ ਕੌਰ ਨੇ ਪੱਤਰਕਾਰਾ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਭੇਜਿਆ ਜਾ ਰਿਹਾ ਰਾਸਣ ਸਾਨੂੰ ਆਪਣੇ ਸਾਧਨਾ ਤੇ ਆਪ ਖਰਚ ਕਰਕੇ ਚੁੱਕਣ ਲਈ ਮਜਬੂਰ ਕਰਨ ਵਾਲੀ ਸੀਡੀਪੀਓ ਮੈਡਮ ਕੁਲਵਿੰਦਰ ਕੌਰ ਧੱਕੇਸ਼ਾਹੀ ਕਰ ਰਹੀ ਹੈ । ਉਹਨਾ ਕਿਹਾ ਕਿ ਪੰਜਾਬ ਸਰਕਾਰ ਦੇ ਆਦੇਸ਼ ਹਨ ਕਿ ਭੇਜੇ ਗਏ ਰਾਸ਼ਣ ਨੂੰ ਆਂਗਣਵਾੜੀ ਸੈਂਟਰਾਂ ਤੱਕ ਪਹੁੰਚਣ ਲਈ ਭੇਜੇ ਕਿਰਾਏ ਜਰੀਏ ਸੀਡੀਪੀਓ ਖੁਦ ਰਾਸ਼ਣ ਆਗਣਵਾੜੀ ਸੈਂਟਰਾਂ ਚ ਭੇਜੇਗੀ ਪਰ ਇੱਥੇ ਸਭ ਕੁੱਝ ਉਲਟ ਕਰ ਰਹੀ ਹੈ ਸੀਡੀਪੀਓ ਮੈਡਮ ਕੁਲਵਿੰਦਰ ਜੋਸ਼ੀ,ਇਸ ਸਮੇਂ ਉਹਨਾ ਦੱਸਿਆ ਕਿ ਆਂਗਣਵੜੀ ਵਰਕਰਾਂ ਨੂੰ ਲਗਭਗ 3-4 ਮਹੀਨੇ ਤੋਂ ਆਪਣਾ ਬਣਦਾ ਮਾਣਭੱਤਾ ਤੱਕ ਨਹੀ ਮਿਲਿਆ ਜਿਸ ਕਰਕੇ ਉਹਨਾਂ ਦੇ ਆਪਣੇ ਚੁਲ੍ਹੇ ਠੰਡੇ ਪਏ ਹਨ ਫੇਰ ਇਸ ਸਰਕਾਰ ਵੱਲੋਂ ਭੇਜਿਆ ਰਾਸਣ ਕਿਸ ਤਰਾਂ ਆਪਣੇ ਜੇਬ ਖਰਚੇ ਨਾਲ ਆਂਗਣਵਾੜੀਆਂ ਤੱਕ ਲੈਕੇ ਜਾਣਗੀਆ । ਇਸ ਸਮੇਂ ਉਹਨਾਂ ਕਿਹਾ ਕਿ ਜੇਕਰ ਸੀਡੀਪੀਓ ਨੇ ਆਪਣੀਆਂ ਆਦਤਾਂ ਨਾ ਤਿਆਗੀਆ ਤਾਂ ਅਸੀ ਵੱਡੀ ਗਿਣਤੀ ਇੱਕਤਰ ਹੋਕੇ ਆਂਗਣਵਾੜੀ ਵਰਕਰਾਂ ਅਤੇ ਹੈਲਪਰਾਂ ਪੀ ਓ ਦਫਤਰ ਲੁਧਿਆਣਾ ਦਾ ਘਿਰਾਓ ਕਰਾਂਗੀਆਂ । ਇਸ ਸਮੇਂ ਇੰਨਾ ਦੇ ਨਾਲ ਮੀਤ ਪ੍ਰਧਾਨ ਹਰਭਿੰਦਰ ਕੌਰ ਰਸੂਲਪੁਰ, ਪ੍ਰੈਸ਼ ਸਕੱਤਰ ਸਰਬਜੀਤ ਕੌਰ ਵਿਰਕ,ਸਰਕਲ ਪ੍ਰਧਾਨ ਪਰਮਜੀਤ ਕੌਰ ਬੁਜਰਗ, ਅਮਰਜੀਤ ਕੌਰ ਬਣੀਏਵਾਲ,ਜਸਵੀਰ ਕੌਰ ਬਲੀਪੁਰ,ਖੁਸ਼ਵਿੰਦਰ ਕੌਰ,ਭੁਪਿੰਦਰ ਕੌਰ ਅਤੇ ਆਲ ਆਂਗਣਵਾੜੀ ਵਰਕਰ ਯੂਨੀਅਨ ਦੀਆਂ ਮੈਂਬਰ ਬੀਬੀ ਹਾਜਰ ਸਨ ।
ਕੈਪਸ਼ਨ-ਆਲ ਪੰਜਾਬ ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਦੀ ਕੌਮੀ ਪ੍ਰਧਾਨ ਬੀਬੀ ਹਰਗੋਬਿੰਦ ਕੌਰ ਦੀ ਅਗਵਾਈ ਚ ਸੀਡੀਪੀਓ ਦਫਤਰ ਸਿੱਧਵਾ ਬੇਟ ਵਿਖੇ ਧਰਨਾ ਪ੍ਰਦਰਸ਼ਨ ਕਰਦੀਆਂ ਆਗਣਵਾੜੀ ਵਰਕਰਾਂ
