ਜਗਰਾਉਂ, 17 ਸਤੰਬਰ (ਮਨਜਿੰਦਰ ਗਿੱਲ ) ਅਜ ਪ੍ਰੈਸ ਨੋਟ ਜਾਰੀ ਕਰਦਿਆਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬਸਤਿਕਾਰ ਕਮੇਟੀ ਲੁਧਿਆਣਾ ਬਰਨਾਲਾ ਪ੍ਰਧਾਨ ਜਸਪ੍ਰੀਤ ਸਿੰਘ ਢੋਲਣ ਵਲੋਂ ਕਿਹਾ ਗਿਆ ਕਿ ਨਾਨਕਸਰ ਸੰਪਰਦਾ ਮੂਹਰੇ ਜੋ ਜਥੇਬੰਦੀਆਂ ਵੱਲੋਂ ਉਲੀਕਿਆ ਧਰਨਾ ਦੇਣ ਲਈ 18 ਤਰੀਕ ਦਾ ਸਮਾਂ ਮਿਥਿਆ ਗਿਆ ਹੈ ਉਸ ਸਬੰਧੀ ਲੁਧਿਆਣਾ ਬਰਨਾਲਾ ਜਿਲੇ ਦੇ ਆਗੂਆਂ ਵਲੋਂ ਅਸਹਿਮਤੀ ਪ੍ਰਗਟ ਕੀਤੀ ਗਈ ਹੈ । ਕਿਉਂਕਿ ਬਾਬਾ ਨੰਦ ਸਿੰਘ ਜੀ ਸਤਿਕਾਰਯੋਗ ਮਹਾਂਪੁਰਸ਼ ਹਨ,ਇਸ ਲਈ ਜਿਲਾ ਲੁਧਿਆਣਾ ਬਰਨਾਲਾ ਸਰਕਲ ਦੇ ਆਗੂਆਂ ਵਲੋਂ ਅਸਹਿਮਤੀ ਪ੍ਰਗਟ ਕੀਤੀ ਗਈ ਹੈ, ਅਤੇ ਕਿਹਾ ਗਿਆ ਹੈ ਕਿ ਸਮਾਂ ਮਿਥ ਕੇ ਸਮੂਹ ਆਗੂਆਂ ਵਲੋਂ ਵੱਡੀ ਪੱਧਰ ਵਿੱਚ ਆਉਣ ਵਾਲੇ ਸਮੇਂ ਵਿਚ ਐਸ,ਐਸ, ਪੀ, ਦਫਤਰ ਦਾ ਘਿਰਾਓ ਕੀਤਾ ਜਾਵੇਗਾ ਤਾਂ ਜੋ ਐਫ ਆਈ ਆਰ ਵਿੱਚ ਨਾਮਜ਼ਦ ਦੋਸ਼ੀ ਗ੍ਰਿਫਤਾਰ ਕੀਤੇ ਜਾਣ, ਅਤੇ ਰਹਿੰਦੇ ਸੰਪਰਦਾ ਦੇ ਮੁਖੀ ਪ੍ਰਬੰਧਕਾਂ ਨੂੰ ਐਫ ਆਈ ਆਰ ਵਿੱਚ ਨਾਮਜ਼ਦ ਕਰਵਾਇਆ ਜਾਵੇਗਾ । ਇਸ ਪ੍ਰੈਸ ਨੋਟ ਜਾਰੀ ਕਰਨ ਸਮੇਂ ਸੀਨੀਅਰ ਆਗੂ ਮੋਹਣ ਸਿੰਘ ਬੰਗਸੀਪੁਰ ਸਰਪ੍ਰਸਤ ਲੁਧਿਆਣਾ ਬਰਨਾਲਾ, ਗੁਰਮੀਤ ਸਿੰਘ ਬਰਸਾਲ, ਰਣਜੀਤ ਸਿੰਘ ਢੁੱਡੀਕੇ, ਬਾਘ ਸਿੰਘ ਡਾਂਗੀਆਂ,ਸੁਖਵਿੰਦਰ ਸਿੰਘ ਰਾਊਵਾਲ, ਲਾਡੀ ਸਿੰਘ ਅੱਬੂਪੁਰਾ, ਮੁਕੰਦ ਸਿੰਘ ਚੌਂਕੀਮਾਨ, ਬਲਵਿੰਦਰ ਸਿੰਘ ਡੱਲਾ, ਅਤੇ ਹੋਰ ਸਿੱਖ ਆਗੂ ਮੌਜੂਦ ਸਨ ।
