ਹਠੂਰ,2,ਸਤੰਬਰ-(ਕੌਸ਼ਲ ਮੱਲ੍ਹਾ)-5ਜੈਬ ਬਾਕਸਿੰਗ ਅਕੈਡਮੀ ਚਕਰ ਦਾ ਹੋਣਹਾਰ ਮੱੁਕੇਬਾਜ਼ ਸੰਦੀਪ ਸਿੰਘ ਚਕਰ ਪ੍ਰੋਫੈਸ਼ਨਲ ਬਾਕਸਿੰਗ ਵਿੱਚ ਗੌਲਣਯੋਗ ਪੈੜਾਂ ਪਾ ਰਿਹਾ ਹੈ।ਪਿਛਲੇ ਦਿਨੀਂ 'ਆਇਰਨ ਫਿਸਟ ਬਾਕਸਿੰਗ ਕਲੱਬ', ਦਿੱਲੀ ਵੱਲੋਂ ਕਰਵਾਈ ਗਈ 'ਅਬੌਕਸ ਫਾਈਟ ਨਾਈਟ' ਵਿੱਚ ਸੁਪਰ ਫਲਾਈ ਭਾਰ ਵਰਗ ਵਿੱਚ ਸੰਦੀਪ ਸਿੰਘ ਚਕਰ ਨੇ ਭਵਾਨੀ (ਹਰਿਆਣਾ) ਦੇ ਮੱੁਕੇਬਾਜ਼ ਸ਼ੁਭਮ ਯਾਦਵ ਨੂੰ ਹਰਾ ਕੇ ਚਕਰ ਅਤੇ ਪੰਜਾਬ ਦੇ ਮਾਣ ਵਿੱਚ ਵਾਧਾ ਕੀਤਾ।ਸੰਦੀਪ ਚਕਰ ਦੀ ਇਹ ਚੌਥੀ ਫਾਈਟ ਸੀ।ਉਸ ਦੀ ਇਸ ਜਿੱਤ ਨੇ ਚਕਰ ਦੇ ਮੱੁਕੇਬਾਜ਼ਾਂ ਨੂੰ ਹੋਰ ਵੀ ਉਤਸ਼ਾਹਿਤ ਕੀਤਾ ਹੈ।ਅੱਜ 5ਜੈਬ ਬਾਕਸਿੰਗ ਅਕੈਡਮੀ ਦੇ ਸੰਚਾਲਕ ਪਿੰ੍ਰ. ਬਲਵੰਤ ਸਿੰਘ ਸੰਧੂ ਨੇ ਕਿਹਾ ਕਿ ਚਕਰ ਦੇ ਮੱੁਕੇਬਾਜ਼ ਐਮਚਿਓਰ ਮੱੁਕੇਬਾਜ਼ੀ ਦੇ ਨਾਲ-ਨਾਲ ਪ੍ਰੋਫੈਸ਼ਨਲ ਮੱੁਕੇਬਾਜ਼ੀ ਵਿੱਚ ਵੀ ਆਪਣੇ ਜੌਹਰ ਦਿਖਾ ਰਹੇ ਹਨ।ਜਿੱਤ ਕੇ ਪਰਤੇ ਸੰਦੀਪ ਸਿੰਘ ਚਕਰ ਦਾ ਅਕੈਡਮੀ ਦੇ ਪ੍ਰਬੰਧਕਾਂ ਵੱਲੋ ਵਿਸ਼ੇਸ ਸਨਮਾਨ ਕੀਤਾ ਗਿਆ ਅਤੇ ਸੰਦੀਪ ਚਕਰ ਨੇ ਖੇਡਾਂ ਦਾ ਵਧੀਆ ਮਾਹੌਲ ਦੇਣ ਲਈ ਅਕੈਡਮੀ ਦੇ ਪ੍ਰਬੰਧਕਾਂ ਦੇ ਨਾਲ-ਨਾਲ ਸਮੂਹ ਪਿੰਡ ਵਾਸੀਆਂ ਦਾ ਵੀ ਧੰਨਵਾਦ ਕੀਤਾ।ਇਸ ਮੌਕੇ ਜਸਕਿਰਨਪ੍ਰੀਤ ਸਿੰਘ ਜਿਮੀ, ਅਮਿਤ ਕੁਮਾਰ, ਅਮਨਦੀਪ ਸਿੰਘ, ਹਰਵਿੰਦਰ ਸਿੰਘ, ਜਸਪ੍ਰੀਤ ਸਿੰਘ, ਲਖਵਿੰਦਰ ਸਿੰਘ, ਖਿਡਾਰੀ ਅਤੇ ਨੌਜਵਾਨ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:-ਸੰਦੀਪ ਚਕਰ ਨੂੰ ਸਨਮਾਨਿਤ ਕਰਦੇ ਹੋਏ ਪਿੰ੍ਰ. ਬਲਵੰਤ ਸਿੰਘ ਸੰਧੂ ਅਤੇ ਹੋਰ।
