ਹਠੂਰ,25,ਅਗਸਤ-(ਕੌਸ਼ਲ ਮੱਲ੍ਹਾ)-ਨਾਨਕਸਰ ਤੋ ਕਾਉਕੇ ਕਲਾਂ ਦੇ ਵਿਚਕਾਰ ਪੈਂਦੇ ਹੀਰਾ ਐਨੀਮਲਜ ਹਸਪਤਾਲ ਸੁਸਾਇਟੀ ਦੇ ਡਰਾਇਵਰ ਕੁਲਵੰਤ ਸਿੰਘ ਦਾ ਬੀਤੀ ਰਾਤ ਲੁਟੇੇਰੇ ਮੋਟਰਸਾਇਕਲ ਖੋਹ ਕੇ ਫਰਾਰ ਹੋ ਗਏ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਡਰਾਇਵਰ ਕੁਲਵੰਤ ਸਿੰਘ ਨੇ ਦੱਸਿਆਂ ਕਿ ਉਹ ਰੋਜਾਨਾ ਦੀ ਤਰ੍ਹਾਂ ਬੀਤੀ ਰਾਤ 9 ਵਜੇ ਦੇ ਕਰੀਬ ਹੀਰਾ ਐਨੀਮਲਜ ਹਸਪਤਾਲ ਤੋ ਆਪਣੇ ਪਿੰਡ ਦੇਹੜਕਾ ਨੂੰ ਮੋਟਰਸਾਇਕਲ ਤੇ ਵਾਪਸ ਆ ਰਿਹਾ ਸੀ ਜਦੋ ਉਹ ਕਾਉਂਕੇ ਖੋਸਾ ਤੋ ਪਿੰਡ ਡੱਲਾ ਰੋਡ ਤੇ ਪਹੁੰਚਾ ਤਾਂ ਤਿੰਨ ਨਕਾਬਪੋਸ ਲੁਟੇਰਿਆ ਨੇ ਉਸ ਨੂੰ ਘੇਰ ਲਿਆ ਜਿੰਨਾਂ ਦੇ ਹੱਥਾਂ ਵਿੱਚ ਕ੍ਰਿਪਾਨਾਂ ਅਤੇ ਮਾਰੂ ਹਥਿਆਰ ਫੜ੍ਹੇ ਹੋਏ ਹੋਣ ਕਾਰਨ ਉਹ ਘਬਰਾ ਗਿਆ ਤੇ ਉਸ ਨੇ ਆਪਣਾ ਸਪਲੈਂਡਰ ਪਲੱਸ ਪੀਬੀ 10 ਓਂ-2155 ਮੋਟਰ ਸਾਈਕਲ ਸੜਕ ਤੇ ਸੱੁਟ ਕੇ ਪਿੱਛੇ ਨੂੰ ਭੱਜ ਆਇਆ ਤੇ ਉਕੱਤ ਨਕਾਬਪੋਸ ਲੁਟੇਰਿਆ ਨੇ ਉਸ ਦਾ ਪਿੱਛਾ ਵੀ ਕੀਤਾ ਪਰ ਮੈਂ ਭੱਜਣ ਵਿੱਚ ਸਫਲ ਹੋ ਗਿਆ।ਜਿਸ ਤੋ ਬਾਅਦ ਤਿੰਨੇ ਲੁਟੇਰੇ ਉਸ ਦਾ ਮੋਟਰਸਾਇਕਲ ਲੈ ਕੇ ਫਰਾਰ ਹੋ ਗਏ।ਉਨ੍ਹਾ ਦੱਸਿਆ ਇਸ ਘਟਨਾ ਸਬੰਧੀ ਪੁਲਿਸ ਥਾਣਾ ਹਠੂਰ ਨੂੰ ਸੂਚਿਤ ਕਰ ਦਿੱਤਾ ਹੈ।ਇਸ ਸਬੰਧੀ ਜਦੋ ਥਾਣਾ ਹਠੂਰ ਦੇ ਇੰਚਾਰਜ ਹਰਦੀਪ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਡਰਾਇਵਰ ਕੁਲਵੰਤ ਸਿੰਘ ਨੇ ਸਾਨੂੰ ਲਿਖਤੀ ਰੂਪ ਵਿਚ ਕੋਈ ਵੀ ਦਰਖਾਸਤ ਨਹੀ ਦਿੱਤੀ।
ਫੋਟੋ ਕੈਪਸ਼ਨ:–ਡਰਾਇਵਰ ਕੁਲਵੰਤ ਸਿੰਘ ਘਟਨਾ ਸਬੰਧੀ ਜਾਣਕਾਰੀ ਦਿੰਦਾ ਹੋਇਆ।
