ਹਠੂਰ,8,ਅਗਸਤ-(ਕੌਸ਼ਲ ਮੱਲ੍ਹਾ)-ਪਿਛਲੇ ਲੰਮੇ ਸਮੇਂ ਤੋ ਕਸਬਾ ਹਠੂਰ ਵਿਚ ਇੱਕ ਨੰਬੜਦਾਰ ਦੀ ਅਸਾਮੀ ਖਾਲੀ ਪਈ ਸੀ।ਇਸ ਅਸਾਮੀ ਨੂੰ ਅੱਜ ਮਾਲ ਵਿਭਾਗ ਵੱਲੋ ਮੇਹਰਦੀਪ ਸਿੰਘ ਹਠੂਰ ਨੂੰ ਨਵਾ ਨੰਬਰਦਾਰ ਨਿਯੁਕਤ ਕਰਕੇ ਭਰ ਦਿੱਤਾ ਹੈ।ਇਸ ਨਿਯੁਕਤੀ ਦੀ ਖੁਸੀ ਵਿਚ ਅੱਜ ਨੰਬਰਦਾਰ ਯੂਨੀਅਨ ਜਗਰਾਓ ਦੇ ਪ੍ਰਧਾਨ ਹਰਨੇਕ ਸਿੰਘ ਹਠੂਰ ਦੀ ਅਗਵਾਈ ਹੇਠ ਲੱਡੂ ਵੰਡੇ ਗਏ ਅਤੇ ਨਵ ਨਿਯੁਕਤ ਨੰਬੜਦਾਰ ਮੇਹਰਦੀਪ ਸਿੰਘ ਹਠੂਰ ਨੂੰ ਸਿਰਪਾਓ ਦੇ ਕੇ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ।ਇਸ ਮੌਕੇ ਪ੍ਰਧਾਨ ਹਰਨੇਕ ਸਿੰਘ ਹਠੂਰ ਨੇ ਕਿਹਾ ਕਿ ਨੰਬਰਦਾਰ ਯੂਨੀਅਨ ਨੂੰ ਸਮਾਜ ਸੇਵੀ ਕੰਮਾ ਵੱਧ ਚੱੜ੍ਹ ਕੇ ਭਾਗ ਲੈਣਾ ਚਾਹੀਦਾ ਹੈ।ਉਨ੍ਹਾ ਕਿਹਾ ਕਿ ਮੌਜੂਦਾ ਹਲਾਤਾ ਨੂੰ ਮੱਦੇਨਜਰ ਰੱਖਦਿਆ ਯੂਨੀਅਨ ਦਾ ਫੈਸਲਾ ਹੈ ਕਿ ਪਿੰਡਾ ਅਤੇ ਸਹਿਰਾ ਵਿਚ ਵੱਧ ਤੋ ਵੱਧ ਛਾਦਾਰ ਅਤੇ ਫਲਦਾਰ ਬੂਟੇ ਲਾਏ ਜਾਣ।ਉਨ੍ਹਾ ਕਿਹਾ ਕਿ ਸਾਨੂੰ ਇਮਾਨਦਾਰ ਵਿਅਕਤੀ ਦੀ ਖੁੱਲ੍ਹ ਕੇ ਮੱਦਦ ਕਰਨੀ ਚਾਹੀਦੀ ਹੈ ਅਤੇ ਗਲਤ ਅਨਸਰਾ ਤੋ ਕਿਨਾਰਾ ਕਰਨਾ ਚਾਹੀਦਾ ਹੈ।ਇਸ ਮੌਕੇ ਨਵ ਨਿਯੁਕਤ ਨੰਬਰਦਾਰ ਮੇਹਰਦੀਪ ਸਿੰਘ ਹਠੂਰ ਨੇ ਕਿਹਾ ਕਿ ਜੋ ਜਿਮੇਵਾਰੀ ਮੈਨੂੰ ਮਾਲ ਵਿਭਾਗ ਨੇ ਦਿੱਤੀ ਹੈ,ਮੈ ਇਸ ਜਿਮੇਵਾਰੀ ਨੂੰ ਇਮਾਨਦਾਰੀ ਅਤੇ ਵਫਾਦਾਰੀ ਨਾਲ ਨਿਭਾਵਾਗਾ। ਇਸ ਮੌਕੇ ਉਨ੍ਹਾ ਨਾਲ ਨੰਬਰਦਾਰ ਚਮਕੌਰ ਸਿੰਘ ਚਕਰ, ਨੰਬਰਦਾਰ ਜਗਜੀਤ ਸਿੰਘ ਮੱਲ੍ਹਾ,ਜਰਨੈਲ ਸਿੰਘ ਮੱਲ੍ਹਾ,ਮਨਦੀਪ ਸਿੰਘ ਭੰਮੀਪੁਰਾ,ਜਸਵੀਰ ਸਿੰਘ ਦੇਹੜਕਾ,ਸਤਨਾਮ ਸਿੰਘ,ਦਰਸਨ ਸਿੰਘ ਚਕਰ,ਚਮਕੌਰ ਸਿੰਘ ਯੂ ਐਸ ਏ,ਗੁਰਦੀਪ ਸਿੰਘ ਮੱਲ੍ਹਾ,ਸੁਖਵਿੰਦਰ ਸਿੰਘ ਹਠੂਰ,ਬਬਲਾ ਹਠੂਰ,ਜਸਪਾਲ ਸਿੰਘ ਮੱਲ੍ਹਾ,ਹਰਦੀਪ ਸਿੰਘ,ਗੁਰਜਿੰਦਰ ਸਿੰਘ ਗਰੇਵਾਲ,ਨਾਜਰ ਸਿੰਘ ਆਦਿ ਨੰਬਰਦਾਰ ਹਾਜ਼ਰ ਸਨ।
