ਪਾ ਲੈ ਘੁੱਟ ਕੇ ਤੂੰ ਲੱਕ ਨੂੰ ਕਲਾਵਾ
ਬਟਾਲੇ ਵਾਲ਼ਾ ਰੋਡ ਆ ਗਿਆ
ਤੇਰੇ ਨਾਲ ਮੈਂ ਹੁਲਾਰੇ ਪਿਆ ਖਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ
ਕਦੋਂ ਦੀਆਂ ਟੁੱਟੀਆਂ ਨੇ ਸ਼ਹਿਰ ਦੀਆਂ ਸੜਕਾਂ
ਮਿੱਟੀ ਘੱਟਾ ਉੱਡੇ ਪੈਣ ਅੱਖਾਂ ਵਿੱਚ ਰੜਕਾਂ
ਨੀ ਲੱਗੇ ਝੱਟਕਾ ਬਰੇਕ ਜਦੋਂ ਲਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਟੋਇਆਂ ਵਿੱਚ ਵੱਜਨ ਤੋਂ ਕਿੰਨਾ ਕੁ ਮੈਂ ਬਚਦਾ
ਸਾਜ਼ ਤੋਂ ਬਿਨਾਂ ਹੀ ਇੱਥੇ,ਮੈਂ ਵੀ ਫਿਰਾਂ ਨੱਚਦਾ
ਪਿੱਛੇ ਬੈਠੀ ਨੂੰ ਮੈਂ ਤੈਨੂੰ ਵੀ ਨਚਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਸੜਕਾਂ ਤੇ ਡੂੰਘੇ ਕੁਝ ਇਹੋ ਜਿਹੇ ਟੋਏ ਨੀ
ਨੇਰ੍ਹੇ ਵਿੱਚ ਛੱਡੋ ਉਹ ਤਾਂ ਲੱਭਦੇ ਨਾ ਲੋਏ ਨੀ
ਖੱਬੇ ਜਾਂਦਾ-ਜਾਂਦਾ ਸੱਜੇ ਹੋਈ ਜਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਖੋਰੇ ਕਿਹੜੀ ਗੱਲੋਂ ਕੀਤੇ ਰੋਡ ਕਈ ਬੰਦ ਨੇ
ਯੂ ਟਰਨ ਲੈਂਦੇ ਜਿਹੜੇ ਹੁੰਦੇ ਬੜਾ ਤੰਗ ਨੇ
ਦੇ ਵੀਂ ਹੱਥ ਮੈਂ ਵੀ ਹੈਂਡਲ ਘੁੰਮਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਗਟਰ ਨੇ ਖੁੱਲ੍ਹੇ, ਖੜ੍ਹਾ ਸ਼ੜਕਾਂ ਤੇ ਪਾਣੀ ਏ
ਕਾਗ਼ਜ਼ਾਂ 'ਚ' ਲਿਖੀ ਹੋਈ ਝੂਠੀ ਜਿਹੀ ਕਹਾਣੀ ਏ
ਕਿਵੇਂ ਛੇਤੀ ਤੈਨੂੰ ਘਰ ਮੈਂ ਪਚਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਚੁੰਨੀ ਨਾਲ ਨੱਕ ਘੁੱਟ,ਲਾ ਨਾ ਬਹੁਤੀ ਦੇਰ ਨੀ
ਥਾਂ ਥਾਂ ਤੇ ਲੱਗੇ ਇੱਥੇ ਗੰਦਗੀ ਦੇ ਢੇਰ ਨੀ
ਮੈਂ ਵੀ ਮਾਸਕ ਨੂੰ ਮੂੰਹ ਤੇ ਚੜਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਨਸ਼ਿਆਂ ਵੀ ਕੀਤੇ 'ਜਾਨੂੰ' ਇਹਦੇ ਮਾੜੇ ਹਾਲ ਨੇ
ਰੋਕਨਾ ਏ ਜਿੰਨ੍ਹਾਂ ਓਵੀ ਰਲ਼ੇ ਹੋਏ ਨਾਲ ਨੇ
ਗੱਲਾਂ ਘਰ ਜਾ ਕੇ ਹੋਰ ਵੀ ਸੁਣਾਵਾਂ
ਬਟਾਲੇ ਵਾਲ਼ਾ ਰੋਡ ਆ ਗਿਆ-----
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-98153-20080
