ਜਗਰਾਉ 20 ਜੂਨ (ਅਮਿਤਖੰਨਾ)ਜਗਰਾਓਂ ਦੀ ਸਾਹਿਤ ਸਭਾ ਦੀ ਹੋਈ ਵਿਚ ਚੋਣ ਸਰਬਸੰਮਤੀ ਨਾਲ ਪੋ੍: ਕਰਮ ਸਿੰਘ ਸੰਧੂ ਪ੍ਰਧਾਨ ਬਣੇ। ਐਤਵਾਰ ਨੂੰ ਹੋਈ ਚੋਣ ਵਿਚ ਪ੍ਰਭਜੋਤ ਸੋਹੀ ਨੂੰ ਸਰਪ੍ਰਸਤ, ਪਿੰ੍ਸੀਪਲ ਦਲਜੀਤ ਕੌਰ ਹਠੂਰ ਨੂੰ ਸਕੱਤਰ, ਮੀਤ ਪ੍ਰਧਾਨ ਐੱਚਐੱਸ ਡਿੰਪਲ, ਖ਼ਜ਼ਾਨਚੀ ਅਵਤਾਰ ਜਗਰਾਓਂ, ਪੈੱ੍ਸ ਸਕੱਤਰ ਹਰਪ੍ਰਰੀਤ ਅਖਾੜਾ ਅਤੇ ਪੜਤਾਲ ਕਰਤਾ ਹਰਚੰਦ ਸਿੰਘ ਗਿੱਲ ਨੂੰ ਚੁਣਿਆ ਗਿਆ। ਇਸ ਸਮੇਂ ਨਵੇਂ ਪ੍ਰਧਾਨ ਪੋ੍: ਸੰਧੂ ਨੇ ਸਭਾ ਦੇ ਮੈਂਬਰਾਂ ਤੋਂ ਸਹਿਯੋਗ ਦੀ ਮੰਗ ਕਰਦਿਆਂ ਕਿਹਾ ਕਿ ਅਸੀਂ ਪੰਜਾਬੀ ਮਾਂ ਬੋਲੀ ਤੇ ਸਾਹਿਤ ਸਭਾ ਦੀ ਬਿਹਤਰੀ ਲਈ ਪੂਰੀ ਤਨਦੇਹੀ ਨਾਲ ਆਪਣੀ ਸਮਰੱਥਾ ਨਾਲ ਕੰਮ ਕਰਾਂਗੇ। ਉਨਾਂ੍ਹ ਸਭਾ ਦੇ ਸਮੂਹ ਮੈਂਬਰਾਂ ਦਾ ਨਵੀਂ ਟੀਮ 'ਚ ਵਿਸ਼ਵਾਸ ਕਰਨ ਲਈ ਧੰਨਵਾਦ ਕੀਤਾ। ਸਭਾ ਦੇ ਸਮੂਹ ਮੈਂਬਰਾਂ ਨੇ ਨਵੀਂ ਚੁਣੀ ਟੀਮ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਕਵੀ ਦਰਬਾਰ ਵਿੱਚ ਅਜੀਤ ਪਿਆਸਾ, ਹਰਬੰਸ ਸਿੰਘ ਅਖਾੜਾ, ਹਰਕੋਮਲ ਬਰਿਆਰ, ਹਰਚੰਦ ਗਿੱਲ, ਅਵਤਾਰ ਜਗਰਾਓਂ, ਈਸ਼ਰ ਸਿੰਘ ਮੌਜੀ, ਐੱਚਐੱਸ ਡਿੰਪਲ, ਭੁਪਿੰਦਰ ਧਾਲੀਵਾਲ, ਦਰਸ਼ਨ ਬੋਪਾਰਾਏ, ਦਵਿੰਦਰਜੀਤ, ਹਰਪ੍ਰਰੀਤ ਅਖਾੜਾ, ਨੇ ਕਵਿਤਾਵਾਂ ਸਾਂਝੀਆਂ ਕੀਤੀਆਂ।
