ਜਗਰਾਉ 13 ਜੂਨ (ਅਮਿਤਖੰਨਾ) ਮੁਹੱਲਾ ਪ੍ਰਤਾਪ ਨਗਰ ਰਾਮ ਮੰਦਰ ਦੇ ਨੇੜੇ ਬੱਚਿਆਂ ਵਲੋਂ ਅੱਤ ਦੀ ਪੈ ਰਹੀ ਗਰਮੀ ਤੋਂ ਨਿਜ਼ਾਤ ਦਿਵਾਉਣ ਵਾਸਤੇ ਰਾਹਗੀਰਾਂ ਲਈ ਠੰਢੇ-ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ। ਜੇਐਸ ਖੰਨਾ ਤੇ ਕੇਸ਼ਵ ਖੰਨਾ ਨੇ ਆਪਣੇ ਦੋਸਤਾਂ ਨਾਲ ਮਿਲ ਕੇ ਠੰਢੇ ਮਿੱਠੇ ਪਾਣੀ ਦੀ ਛਬੀਲ ਲਾਈ। ਜੇਐਸ ਖੰਨਾ ਨੇ ਕਿਹਾ ਕਿ ਸਕੂਲਾਂ 'ਚ ਛੁੱਟੀਆਂ ਹੋਣ ਕਾਰਨ ਉਸ ਨੇ ਆਪਣੇ ਦੋਸਤਾਂ ਨਾਲ ਠੰਢੇ ਮਿੱਠੇ ਪਾਣੀ ਦੀ ਛਬੀਲ ਲਗਾਉਣ ਦੀ ਸਲਾਹ ਕੀਤੀ ਤੇ ਅੱਜ ਸਾਰੇ ਦੋਸਤਾਂ ਨੇ ਮਿਲ ਕੇ ਛਬੀਲ ਲਗਾਈ।ਇਸ ਮੌਕੇ ਸੇਵਾ ਕਰਨ ਵਾਲਿਆਂ 'ਚ ਜੇਐਸ ਖੰਨਾ, ਕੇਸ਼ਵ ਖੰਨਾ, ਗੋਰਿਸ਼ ਟੰਡਨ , ਭਾਰਗਵ ਮਲਹੋਤਰਾ ਵੀ ਮੌਜੂਦ ਸਨ।
