ਹਰ ਵਾਰ ਦੀ ਤਰ੍ਹਾਂ ਵਿਸਾਖੀ ਆਈ ਏ।
ਖੁਸ਼ੀਆਂ ਖੇੜੇ ਆਪਣੇ ਨਾਲ ਲਿਆਈ ਏ।।
ਉਂਝ ਵਿਸਿਖੀਓਂ ਪਹਿਲਾਂ ਕਣਕ ਹੈ ਵੱਢ ਲਈਦੀ।
ਭਰ ਭਰ ਟਰਾਲੀਆਂ ਮੰਡੀਆਂ ਦੇ ਵਿੱਚ ਛੱਡ ਲਈਦੀ।।
ਦਾਤੀਆਂ ਨਾਲ ਨਾ ਕੋਈ ਵੀ ਵਾਢੀ ਕਰਦਾ ਹੈ।
ਮਿੰਟੋ ਮਿੰਟੀ ਕੰਬਾਈਨ ਨਾਲ ਵੱਢ ਧਰਦਾ ਹੈ।।
ਵਿੜੀ ਸਿੜੀ ਨਾ ਮੰਗ ਹੀ ਕੋਈ ਪਾਉਂਦਾ ਹੈ।
ਕੋਈ ਸ਼ੱਕਰ ਘਿਓ ਨਾ ਵਾਢੀ ਵੇਲੇ ਰਲਾਉਂਦਾ ਹੈ।।
ਪਹਿਲਾਂ ਵਾਲੀਆਂ ਗੱਲਾਂ ਉੱਡ ਪੁੱਡ ਗਈਆਂ ਜੀ।
ਜੋ ਵੇਖ ਰਹੇ ਹਾਂ ਓਹੋ ਹੀ ਸੱਚ ਕਹੀਆਂ ਜੀ।।
ਵਿਸਾਖੀ ਵਾਲੇ ਮੇਲੇ ਵੀ ਅੱਜਕਲ੍ਹ ਭਰਦੇ ਨਾ।
ਹੋ ਗਏ ਸੋਹਲ ਸਰੀਰ ਵਿੱਚ ਗਰਮੀ ਦੇ ਸੜਦੇ ਨਾ।।
ਮਸ਼ੀਨੀ ਯੁੱਗ ਹੈ ਆਇਆ ਕ੍ਰਾਂਤੀ ਕਹਿੰਦੇ ਐ।
ਬੇਰੁਜ਼ਗਾਰੀ ਵੱਧਗੀ ਵਿਹਲੇ ਰਹਿੰਦੇ ਐ।।
ਸਮੇਂ ਨਾਲ ਹੈ ਢਲਣਾ ਕੰਨ੍ਹਾ ਪੈ ਚੱਲਿਆ।
ਦੱਦਾਹੂਰੀਆ ਸ਼ਰਮਾਂ ਸੱਚੀਆਂ ਕਹਿ ਚੱਲਿਆ।।
ਇਸੇ ਦਿਨ ਹੀ ਗੁਰੂ ਸਾਹਿਬ ਨੇ ਪੰਥ ਖਾਲਸਾ ਸਾਜਿਆ ਏ।
ਗੁਰੂ ਪੰਜ ਪਿਆਰਿਆਂ ਵਿੱਚ ਹੀ ਖੁਦ ਬਿਰਾਜਿਆ ਏ।।
ਖਾਲਸਾ ਮੇਰੋ ਰੂਪ ਖਾਸ ਗੁਰੂ ਜੀ ਕਹਿ ਗਏ ਨੇ।
ਖੱਟਣ ਵਾਲੇ ਸੱਭ ਕੁੱਝ ਖੱਟ ਕੇ ਲੈ ਗਏ ਨੇ।।
ਆਨੰਦਪੁਰ ਸਾਹਿਬ ਦੀ ਧਰਤੀ ਨੂੰ ਆਓ ਸਿਜਦਾ ਕਰੀਏ ਜੀ।
ਕਹੇ ਦੱਦਾਹੂਰੀਆ ਸੀਸ ਚਰਨਾਂ ਦੇ ਵਿੱਚ ਧਰੀਏ ਜੀ।।
ਬਾਜਾਂ ਵਾਲਾ ਪ੍ਰੀਤਮ ਗੁਰੂ ਜੀ ਸਾਡਾ ਸਰਬੰਸਦਾਨੀ ਏਂ।
ਰਹਿੰਦੀ ਦੁਨੀਆਂ ਤੀਕ ਭੁੱਲਣੀ ਨਹੀਂ ਕੁਰਬਾਨੀ ਏਂ।।
ਸਿੱਖੋ ਨਿਉਂ ਨਿਉਂ ਕਰੀਏ ਸਿਜਦਾ ਫਰਜ਼ ਅਸਾਡਾ ਏ।
ਜੀਹਨੇ ਕੌਮ ਦੀ ਖਾਤਰ ਦੁਸ਼ਮਣ ਨਾਲ ਲਿਆ ਆਢ੍ਹਾ ਏ।।
ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ ਸੱਭ ਨੂੰ ਲਾ ਗਏ ਜੀ।
ਦਸ ਗੁਰੂਆਂ ਦੀ ਜੋਤ ਇਹ ਸਭ ਸਮਝਾ ਗਏ ਜੀ।।
ਸਿੱਖ ਸੰਗਤਾਂ ਲਈ ਤੀਰਥ ਅਸਥਾਨ ਹੈ ਆਨੰਦਪੁਰ ਸਾਹਿਬ ਜੀ।
ਆਓ ਚੱਲ ਕੇ ਸੀਸ ਨਿਵਾਈਏ ਉਠਾਈਏ ਲਾਭ ਜੀ।।
ਬਾਣੀ ਪੜ੍ਹ ਕੇ ਜੀਵਨ ਸਫ਼ਲ ਬਣਾ ਲਈਏ।
ਬਾਣੇ ਨੂੰ ਵੀ ਸਿੰਘੋ ਸੱਭ ਆਪਣਾ ਲਈਏ।।
ਸਰਬ ਸਾਂਝੀ ਗੁਰਬਾਣੀ ਪੜ੍ਹੀਏ ਸੁਣੀਏ ਦਿਲੀਂ ਵਸਾਈਏ ਜੀ।
ਸਵਾਸ ਸਵਾਸ ਵਿੱਚ ਗੁਰੂ ਦਾ ਸ਼ੁਕਰ ਮਨਾਈਏ ਜੀ।।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
