ਉਹਨਾਂ ਯੋਧਿਆਂ ਨੂੰ ਅਸਾਂ ਸਲਾਮ ਕੀਤਾ
ਜਿੰਨ੍ਹਾ ਖੁਦ ਨੂੰ ਦੇਸ਼ ਲਈ ਕੁਰਬਾਨ ਕੀਤਾ
ਲਾਜ ਰੱਖ ਲਈ ਉਹਨਾਂ ਆਪਣਿਆਂ ਦੀ
ਯੁੱਧ ਦਾ ਗੋਰਿਆਂ ਖ਼ਿਲਾਫ਼ ਐਲਾਨ ਕੀਤਾ
ਖਾਤਰ ਵਤਨ ਦੀ ਜੂਝੇ ਨੇ ਖਤਰਿਆਂ ਨਾਲ
ਖ਼ਾਤਮਾ ਵੈਰੀਆਂ ਦਾ ਵਿੱਚ ਮੈਦਾਨ ਕੀਤਾ
ਦੇਣ ਉਹਨਾਂ ਦੀ ਕਦੇ ਨੀ ਅਸੀਂ ਦੇ ਸਕਦੇ
ਦੇਸ਼ ਵਾਸੀਆਂ ਉਹਨਾਂ ਤੇ ਸਦਾ ਮਾਣ ਕੀਤਾ
ਕੜੀ ਗੁਲਾਮੀ ਦੀ ਨੂੰ ਉਹਨਾਂ ਤੋਂੜਿਆ ਏ
ਉਹਨਾਂ ਜੋ ਵੀ ਕੀਤਾ ਛਾਤੀ ਤਾਣ ਕੀਤਾ
ਜਿਉਂਦੇ ਰਹਿਣਗੇ ਵਿੱਚ ਦਿਲਾਂ ਦੇ ਸਾਰੇ
ਜਿਨ੍ਹਾਂ ਦੇਸ਼ ਲਈ ਕਰਮ ਮਹਾਨ ਕੀਤਾ
ਵਤਨਵੀਰ ਜ਼ਖ਼ਮੀ
