ਜਗਰਾਓਂ 24 ਨਵੰਬਰ (ਅਮਿਤ ਖੰਨਾ) ਵਿਧਾਨ ਸਭਾ ਚੋਣ ਹਲਕਾ ਦਾਖਾ ਲਈ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸੰਧੂ ਦੀ ਚੋਣ ਮੁਹਿੰਮ ਦੇ ਇੰਚਾਰਜ ਕਾਂਗਰਸ ਦੇ ਲੁਧਿਆਣਾ ਦਿਹਾਤੀ ਪ੍ਰਧਾਨ ਕਰਨਜੀਤ ਸਿੰਘ ਸੋਨੀ ਗਾਲਿਬ ਵਲੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸੰਧੂ ਅਤੇ ਹੋਰ ਆਗੂਆਂ ਨਾਲ ਚੋਣ ਪ੍ਰਚਾਰ ਨੂੰ ਉਸਾਰੂ ਬਣਾਉਣ ਲਈ ਮੀਟਿੰਗ ਕੀਤੀ ੍ਟ ਕੈਪਟਨ ਸੰਦੀਪ ਸੰਧੂ ਨਾਲ ਬੰਦ ਕਮਰਾ ਮੀਟਿੰਗ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਸਮੇਂ ਜ਼ਿਲ੍ਹਾ ਪ੍ਰਧਾਨ ਸੋਨੀ ਗਾਲਿਬ ਨੇ ਕਿਹਾ ਕਿ ਉਹ ਆਪਣੇ ਆਗੂ ਕੈਪਟਨ ਸੰਦੀਪ ਸੰਧੂ ਵਲੋਂ ਵਿਕਾਸ ਨੂੰ ਲੈ ਕੇ ਪਿਛਲੇ 2 ਸਾਲ ਦਾ ਰਿਪੋਰਟ ਕਾਰਡ ਲੋਕਾਂ ਵਿਚ ਲੈ ਕੇ ਜਾਣਗੇ ੍ਟ ਉਨ੍ਹਾਂ ਕਿਹਾ ਕਿ ਹਲਕਾ ਦਾਖਾ ਦੇ 112 ਪਿੰਡਾਂ 'ਚ ਪਿਛਲੇ ਦੋ ਸਾਲ ਜਿੱਥੇ ਤੇਜ਼ੀ ਨਾਲ ਤੇਸੀ-ਕਰੰਡੀ ਖੜਕਦੀ ਰਹੀ, ਖੂਬ ਵਿਕਾਸ ਹੋਇਆ, ਉਥੇ ਮੁੱਲਾਂਪੁਰ-ਦਾਖਾ ਨਗਰ ਕੌਂਸਲ ਦੀ ਹਦੂਦ ਦੇ ਕੁੱਲ ਮੁਹੱਲਿਆਂ ਵਿਚ ਵਿਕਾਸ ਦੇ ਨਾਲ ਸ਼ਹਿਰ 'ਚ ਬਹੁ-ਕਰੋੜੀ ਲਾਗਤ ਵਾਲੇ ਬੱਸ ਸਟੈਂਡ, ਫਾਇਰ ਸਟੇਸ਼ਨ, ਸੀਨੀਅਰ ਸਿਟੀਜ਼ਨ ਹੋਮ, ਦਾਣਾ ਮੰਡੀ ਅੰਦਰ ਬਰਸਾਤੀ ਪਾਣੀ ਸੀਵਰੇਜ ਪ੍ਰਾਜੈਕਟ, ਸਵੱਦੀ ਆਈ.ਟੀ.ਆਈ, ਕੁੱਲ ਇਕ ਦਰਜਨ ਵੱਡੇ ਪ੍ਰਾਜੈਕਟ ਜੋ ਪਾਸ ਹੋਏ ਤੇ ਬਣੇ, ਬਾਰੇ ਵੋਟਰਾਂ ਨੂੰ ਜਾਣੂੰ ਕਰਵਾਵਾਂਗੇ ੍ਟ ਸੋਨੀ ਗਾਲਿਬ ਨੇ ਕਿਹਾ ਕਿ ਵਿਕਾਸ ਬਦਲੇ ਵੋਟ ਹੀ ਸਾਡੇ ਉਮੀਦਵਾਰ ਕੈਪਟਨ ਦਾ ਏਜੰਡਾ ਹੋਵੇਗਾ ੍ਟ ਕੈਪਟਨ ਸੰਦੀਪ ਸੰਧੂ ਦੀ ਚੋਣ ਮੁਹਿੰਮ ਉਸਾਰੂ ਬਣਾਉਣ ਲਈ ਚੇਅਰਮੈਨ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ, ਸਰਪੰਚ ਲਛਮਣ ਸਿੰਘ, ਅਮਰਜੀਤ ਸਿੰਘ, ਬਲਦੇਵ ਸਿੰਘ, ਯੂਥ ਆਗੂ ਪਿੰਦਰ ਪਮਾਲੀ ਤੇ ਹੋਰਨਾਂ ਵਲੋਂ ਕਮਾਨ ਸੰਭਾਲੀ ਹੋਈ ਹੈ ੍ਟ
