ਜਗਰਾਉਂ, 14 ਜਨਵਰੀ (ਬਲਦੇਵ ਸਿੰਘ,ਜਸਮੇਲ ਗ਼ਾਲਿਬ , ਬਲਵੀਰ ਬਾਠ ) ਅੱਜ ਨਾਨਕਸਰ ਠਾਠ ਕਲੇਰਾ ਵਿਖੇ ਸੰਤ ਮਹੰਤ ਬਾਬਾ ਪ੍ਰਤਾਪ ਸਿੰਘ ਜੀ ਦੀ ਨਿੱਘੀ ਯਾਦ ਚ ਉਨ੍ਹਾਂ ਦੀ ਨੌਵੀਂ ਬਰਸੀ ਮਨਾਈ ਗਈ । ਇਸ ਸਮੇਂ ਨਾਨਕਸਰ ਕਲੇਰਾਂ ਦੇ ਮਹਾਨ ਰਾਗੀ ਭਾਈ ਸਾਹਿਬ ਭਾਈ ਗੁਰਮੇਲ ਸਿੰਘ ਜੀ ਨੇ ਰਸ ਭਿੰਨਾ ਕੀਰਤਨ ਕਰਕੇ ਆਈਆਂ ਸੰਗਤਾਂ ਨੂੰ ਨਿਹਾਲ ਕੀਤਾ । ਭਾਈ ਸੰਤੋਖ ਸਿੰਘ ਜੀ ਮਲੇਰਕੋਟਲਾ, ਮਹੰਤ ਕੁਲਦੀਪ ਸਿੰਘ ਜੀ ਨਾਨਕਸਰ ਕਲੇਰਾਂ, ਭਾਈ ਗੁਰਮੁਖ ਸਿੰਘ ਜੀ ਫਗਵਾੜੇ ਵਾਲੇ, ਭਾਈ ਜਸਵਿੰਦਰ ਸਿੰਘ ਜੀ ਬੰਟੀ ਖੰਜਰਵਾਲ ਵਾਲਿਆ ਤੋ ਇਲਾਵਾ ਬੱਧਨੀ ਵਾਲੇ ਬਾਬਿਆਂ ਦੇ ਜਥੇ ਨੇ ਸੰਗਤਾਂ ਨੂੰ ਗੁਰੂ ਚਰਨਾਂ ਚ ਜੋੜ ਲਈ ਕੀਰਤਨ ਕੀਤਾ। ਇਸ ਸਮੇਂ ਮੁੱਖ ਪ੍ਰਬੰਧਕ ਸੇਵਾਦਾਰ ਸੰਤ ਮਹੰਤ ਹਰਬੰਸ ਸਿੰਘ ਜੀ ਨੇ ਦੱਸਿਆ ਕਿ ਪਿਛਲੇ ਸਮੇਂ ਤੋਂ ਚੱਲ ਰਹੀਆਂ ਲੜਿਆ ਦੇ 541 ਸ੍ਰੀ ਅਖੰਡ ਪਾਠ ਸਾਹਿਬ ਅਤੇ ਸ੍ਰੀ ਜਪੁਜੀ ਸਾਹਿਬ ਦੇ ਪਾਠਾਂ ਦੇ ਅੱਜ ਭੋਗ ਪਾਏ ਗਏ ਹਨ । ਇਸ ਸਮੇਂ ਭਾਈ ਰਣਜੀਤ ਸਿੰਘ ਜੀ, ਭਾਈ ਸਰਬਜੀਤ ਸਿੰਘ ਜੀ ਬੱਦੋਵਾਲ ,ਭਾਈ ਠਾਕਰ ਸਿੰਘ ਵਿਰਕ ,ਬਾਬਾ ਸੁਬੇਗ ਸਿੰਘ ਜੀ ਸੀਖਾ, ਭਾਈ ਪਵਨਜੀਤ ਸਿੰਘ ਗਰੇਵਾਲ , ਸੇਵਾਦਾਰ ਚਮਕੌਰ ਸਿੰਘ ਟੇਲਰ , ਰਵੀ ਗੱਬਰ ਲੁਧਿਆਣਾ , ਕੁਲਦੀਪ ਸਿੰਘ ਬੱਧਨੀ, ਹਰਵਿੰਦਰ ਸਿੰਘ ਅਗਵਾੜ ਲੋਪੋ, ਪ੍ਰਭਜੋਤ ਸਿੰਘ ਮੁਸ਼ਕਾਬਾਦ, ਮਹਿੰਦਰ ਸਿੰਘ ਕਨੇਡਾ, ਬਾਬਾ ਹਰਚੰਦ ਸਿੰਘ ਜੀ ਹੁਰਾਂ ਨੇ ਆਪਣੀਆਂ ਹਾਜ਼ਰੀਆਂ ਲਗਾਉਂਦਿਆਂ ਸੇਵਾਵਾਂ ਨਿਭਾਈਆਂ ਇਸ ਸਮੇਂ ਪਕੌੜਿਆਂ ਜਲੇਬੀਆਂ ਦਾ ਲੰਗਰ ਵੀ ਅਤੁੱਟ ਵਰਤਾਇਆ ਗਿਆ । ਬਾਬਾ ਹਰਬੰਸ ਸਿੰਘ ਜੀ ਨੇ ਆਈਆਂ ਸੰਗਤਾਂ ਅਤੇ ਸਮੂਹ ਰਾਗੀ ਜਥਿਆਂ ਦਾ ਧੰਨਵਾਦ ਕੀਤਾ।
