ਬੀਤ ਚੁੱਕੇ ਸਮਿਆਂ ਦੇ ਸੁੰਦਰ ਪੈਰਾਂ ਵਿੱਚ ।
ਯਾਦਾਂ ਦੀ ਝਾਂਜਰ ਹੈ ਪਰ ਝਣਕਾਰ ਨਹੀਂ ।
ਜੇਕਰ ਤੂੰ ਜਾਣਾ ਚਾਹੁੰਦਾ ਏ ਤਾਂ ਫੇਰ ਜਾ
ਸੱਜਣ ਜਾਂਦੇ ਛੱਡ ਕੇ ਅੱਧ ਵਿਚਕਾਰ ਨਹੀਂ ।
ਗ਼ਮਾਂ ਤੋਂ ਬਿਨਾਂ ਜ਼ਿੰਦਗਾਨੀ ਜਿੰਦਗਾਨੀ ਨੀ
ਸੁੰਦਰ ਫੁੱਲਾਂ ਨਾਲ ਜੇ ਕਰ ਖਾਰ ਨਹੀਂ ।
ਤਨਹਾਈ ਹੈ ਫੁੱਲ ਖਿੱਲੇ ਨੇ ਬਗੀਚੇ ਚ ਵਥੇਰੇ
ਕੀਮਤ ਨਹੀਂ ਫੁੱਲਾਂ ਦੀ ਨੇੜੇ ਜੇ ਦਿਲਦਾਰ ਨਹੀਂ ।
ਸੇਜ ਕੰਡਿਆਂ ਦੀ ਬਹਿ ਗਿਆ ਮੈਂ ਡਾਹ ਕੇ
ਕਿਉਂਕਿ ਮੇਰੇ ਲਈ ਦੁਨੀਆਂ ਤੇ ਪਿਆਰ ਨਹੀਂ ।
ਮੰਨਿਆ ਕੀ ਬੰਦੇ ਦਾ ਬੰਦੇ ਬਿਨਾਂ ਨਹੀਂ ਸਰਦਾ
ਪਰ ਔਰਤ ਤੋਂ ਵਗੈਰ ਤਾਂ ਸੰਸਾਰ ਨਹੀਂ ।
ਇਸ਼ਕ ਦਾ ਦਰਿਆਂ ਸਮੁੰਦਰ ਤੋਂ ਲੱਖਾਂ ਡੂੰਘਾਂ
ਬਿਨਾਂ ਚੱਪੂਆਂ ਤੋਂ ਹੁੰਦਾ ਪਾਰ ਨਹੀਂ ।
ਸੁੰਨੀ ਸੁੰਨੀ ਪਈ ਏ ਅੱਜ ਇਹ ਮਹਿਫਿਲ
ਕਿਉਂਕਿ ਇਸ ਮਹਿਫਿਲ ਚ "ਸ਼ਾਇਰ "ਨਹੀਂ ।
2) ਕਬਰਾਂ ਦੇ ਵਿੱਚ
ਛੁੱਪ ਛੁੱਪ ਕੇ ਮੈਨੂੰ ਰੋਣ ਦੀ ਆਦਤ ਪੈ ਗਈ ।
ਬੁੱਲਾਂ ਤੋਂ ਮੇਰੇ ਪਲ ਵਿੱਚ ਉਹ ਹਾਸੇ ਲੈ ਗਈ ।
ਸ਼ਰੇਆਮ ਰੋਵਾਂ ਤਾਂ ਲੋਕੀਂ ਖਿੜ ਖਿੜ ਹੱਸਦੇ ਨੇ
ਚੋਰੀ ਚੋਰੀ ਰੋਵਾਂ ਤਾਂ ਲੋਕੀਂ ਪਾਗਲ ਦੱਸਦੇ ਨੇ ।
ਉਹਦੀ ਯਾਦ ਚ ਮੁੱਦਤਾਂ ਤੋਂ ਮੈਂ ਸੋਇਆ ਨਹੀਂ ।
ਲੋਕੀਂ ਸਮਝਣ ਮੈਂ ਉਹਦੀ ਯਾਦ ਚ ਰੋਇਆ ਨਹੀਂ ।
ਤੂੰ ਮੇਰੇ ਜ਼ਜ਼ਬਾਤਾਂ ਦੀ ਕਦਰ ਕਰੀ ਨਾ ਕੋਈ ।
ਮੇਰੀ ਕੱਲੀ ਕੱਲੀ ਅੱਖ ਗ਼ਮਾਂ ਦੇ ਹੰਝੂ ਰੋਈ ।
ਤੇਰੇ ਕੋਲੋਂ ਵੱਖ ਹੋ ਕੇ ਮੈਥੋਂ ਰਿਹਾ ਨਹੀਂ ਜਾਂਦਾ ।
ਦਰਦ ਦਿਲ ਦਾ ਕਿਸੇ ਨੂੰ ਕਿਹਾ ਨਹੀਂ ਜਾਂਦਾ ।
ਸੱਚੀ ਮਿਸਾਲ ਬਣ ਜਾਣਾ ਸਾਡਾ ਪਿਆਰ ।
ਕਬਰਾਂ ਦੇ ਵਿੱਚ ਡੇਰਾ ਲਾ ਲਾਇਆ"ਸ਼ਾਇਰ "
ਜਸਵਿੰਦਰ ਸ਼ਾਇਰ "ਪਪਰਾਲਾ "
9996568220
