ਜਗਰਾਓ,ਹਠੂਰ,15,ਦਸੰਬਰ-(ਕੌਸ਼ਲ ਮੱਲ੍ਹਾ)-ਪਿੰਡ ਡੱਲਾ ਤੋ ਪਿੰਡ ਦੇਹੜਕਾ ਦੇ ਵਿਚਕਾਰ ਬਣੇ ਭੰਮੀਪੁਰਾ ਕਲਾਂ ਦੋ ਸਰਾਬ ਦੇ ਠੇਕੇ ਤੋ ਬੀਤੀ ਰਾਤ ਦੋ ਮੋਟਰਸਾਇਕਲ ਸਵਾਰਾ ਵੱਲੋ ਗੋਲੀਆ ਚਲਾ ਕੇ 77 ਹਜ਼ਾਰ ਰੁਪਏ ਦੀ ਲੱਟ-ਖੋਹ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਸਰਾਬ ਦੇ ਠੇਕੇ ਦੇ ਮਾਲਕ ਦੀਪਕ ਕੁਮਾਰ ਲੂੰਬਾ ਨੇ ਦੱਸਿਆ ਕਿ ਅਸੀ ਰੋਜਾਨਾ ਦੀ ਤਰ੍ਹਾ ਬੀਤੀ ਰਾਤ ਸਰਾਬ ਦੇ ਠੇਕਿਆ ਤੋ ਪੈਸੇ ਇਕੱਠੇ ਕਰ ਰਹੇ ਸੀ ਅਤੇ ਜਦੋ ਠੇਕਾ ਸਰਾਬ ਦੇਸੀ ਬਰਾਚ ਭੰਮੀਪੁਰਾ ਕਲਾਂ ਦੋ ਤੇ ਜਾ ਕੇ ਅਸੀ ਆਪਣੀ ਬਲੈਰੋ ਗੱਡੀ ਰੋਕੀ ਤਾਂ ਪਹਿਲਾ ਤੋ ਤਿਆਰ ਖੜ੍ਹੇ ਦੋ ਨਕਾਬਪੋਸ ਲੁਟੇਰਿਆਂ ਨੇ ਗੱਡੀ ਤੇ ਗੋਲੀਆ ਚਲਾਉਣੀਆ ਸੁਰੂ ਕਰ ਦਿੱਤੀਆ ਜਿਸ ਨਾਲ ਗੱਡੀ ਤੇ 5-6 ਗੋਲੀਆ ਲੱਗੀਆ ਅਤੇ ਸਾਡੇ ਤੋ 77 ਹਾਜ਼ਰ ਰੁਪਏ ਖੋਹ ਕੇ ਦੋਵੇ ਨਕਾਬਪੋਸ ਲਟੇਰੇ ਪਿੰਡ ਡੱਲਾ ਵੱਲ ਨੂੰ ਭੱਜ ਗਏ।ਜਿਸ ਦੀ ਅਸੀ ਸੂਚਨਾ ਤੁਰੰਤ ਪੁਲਿਸ ਥਾਣਾ ਹਠੂਰ ਨੂੰ ਦਿੱਤੀ ਅਤੇ ਕੁਝ ਹੀ ਮਿੰਟਾ ਵਿਚ ਪੁਲਿਸ ਥਾਣਾ ਹਠੂਰ ਦੀ ਟੀਮ ਅਤੇ ਡੀ ਐਸ ਪੀ ਰਾਏਕੋਟ ਨੇ ਮੌਕੇ ਤੇ ਪਹੁੰਚ ਕੇ ਤਫਤੀਸ ਸੁਰੂ ਕਰ ਦਿੱਤੀ।ਇਸ ਸਬੰਧੀ ਜਦੋ ਪੁਲਿਸ ਥਾਣਾ ਹਠੂਰ ਦੇ ਐਸ ਐਚ ਓ ਜਤਿੰਦਰ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਠੇਕੇ ਦੇ ਮਾਲਕ ਦੀਪਕ ਕੁਮਾਰ ਲੂੰਬਾ ਪੁੱਤਰ ਪਵਨ ਕੁਮਾਰ ਵਾਸੀ ਜਗਰਾਓ ਦੇ ਬਿਆਨਾ ਦੇ ਅਧਾਰ ਤੇ ਦੋ ਅਣਪਛਾਤੇ ਵਿਅਕਤੀਆ ਖਿਲਾਫ ਮੁਕੱਦਮਾ ਨੰਬਰ 126,ਧਾਰਾ 379,34 ਆਈ ਪੀ ਸੀ,25,54,59 ਤਹਿਤ ਥਾਣਾ ਹਠੂਰ ਵਿਖੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਇਲਾਕੇ ਵਿਚ ਲੱਗੇ ਸੀ ਸੀ ਟੀ ਵੀ ਕੈਮਰਿਆ ਦੀ ਫੁਟੇਜ ਚੈਕ ਕੀਤੀ ਜਾ ਰਹੀ ਹੈ ਤਾਂ ਜੋ ਲੁਟੇਰਿਆ ਨੂੰ ਜਲਦੀ ਕਾਬੂ ਕਰ ਲਿਆ ਜਾਵੇ।
ਫੋਟੋ ਕੈਪਸਨ:-ਬਲੈਰੋ ਗੱਡੀ ਵਿਚ ਲੱਗੀਆ ਗੋਲੀਆ ਦੇ ਨਿਸਾਨ।
