ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਇਥੋ ਥੋੜੀ ਦੂਰ ਪਿੰਡ ਗਾਲਿਬ ਕਲਾਂ ਦੇ ਸਰਪੰਚ ਸਿਕੰਦਰ ਸਿੰਘ ਪੈਚ ਅਤੇ ਸਮੱੁਚੀ ਪੰਚਾਇਤ ਨੇ ਨਸ਼ਿਆ ਦੇ ਖਿਲਾਫ ਅਤੇ ਸਮੱਗਲਰਾਂ ਖਿਲਾਫ ਮੁਹਿੰਮ ਛੇੜ ਦਿੱਤੀ ਹੈ।ਇਸ ਸਮੇ ਸਰਪੰਚ ਸਿਕੰਦਰ ਸਿੰਘ ਨੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪਿਛਲੇ ਦਿਨੀ ਤਿੰਨ ਜਿੁਲ੍ਹਆਂ ਵਿੱਚ ਜ਼ਹਿਰੀਲੀ ਸ਼ਰਾਬ ਨਾਲ ਵਾਪਰੇ ਦੁਖਾਂਤਨੇ ਸਾਰਿਆਂ ਦੇ ਮਨ ਨੂੰ ਝੰਜੋੜ ਕਿ ਰੱਖ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਪਿੰਡ ਵਿੱਚ ਨਸ਼ਾਂ ਫੈਲਾਉਣ ਵਾਲੇ ਤਸ਼ਕਰਾਂ ਨੂੰ ਰੋਕਣ ਲਈ ਪੰਚਾਇਤ ਵਲੋ ਵਿਸ਼ੇਸ਼ ਉਪਰਲੇ ਕੀਤੇ ਗਏ ਹਨ ਪਰ ਬਾਹਰਲੇ ਪਿੰਡਾਂ ਤੋ ਕੁਝ ਸਮੱਗਲਰ ਰੋਜ਼ਾਨਾ ਦੇਸੀ ਸ਼ਰਾਬ, ਚਿੱਟਾ,ਤੇ ਹੋਰ ਨਸ਼ੇ ਸ਼ਰੇਆਮ ਵੇਚੇ ਜਾ ਰਹੇ ਹਨ।ਪੁਲਿਸ ਪ੍ਰਸ਼ਾਸਨ ਨੂੰ ਉਨ੍ਹਾਂ ਖਿਲਾਫ ਸਖਤ ਕਾਰਵਾਈ ਕਰਨ ਲਈ ਜਿੱਥੇ ਪੰਚਾਇਤ ਸਹਿਯੋਗ ਦੇਵੇਗੀ ਉਥੇ ਪਿੰਡ ਦੇ ਕਿਸੇ ਨਸ਼ਾਂ ਵੇਚਣ ਵਾਲੇ ਜਾਂ ਨਸ਼ਿਆਂ ਵਿੱਚ ਫੜੇ ੳਸਕਰਾਂ ਦੀ ਪੈਰਵਾਈ ਨਹੀ ਕਰੇਗੀ।ਸਰਪੰਚ ਨੇ ਕਿਹਾ ਜੇਕਰ ਕੋਈ ਵੀ ਪਿੰਡ ਵਿੱਚ ਕੋਈ ਵੀ ਨਸ਼ਾ ਵੇਚਦਾ ਫੜ੍ਹਿਆ ਜਾਦਾ ਹੈ ਤਾਂ ਉਸਦੇ ਖਿਲਾਫ ਪੁਲਿਸ ਪ੍ਰਸ਼ਾਸਨ ਸਖਤ ਕਰਵਾਈਲਈ ਪੂਰੀ ਖੱੁਲ ਦਿੱਤੀ ਜਾਂਦੀ ਹੈ ਤੇ ਪੰਚਾਇਤ ਵਲੋ ਪੁਲਿਸ ਪ੍ਰਸ਼ਾਸਨ ਨੂੰ ਅਪੀਲ ਉਨ੍ਹਾਂ ਦੀਆਂ ਜਾਇਦਾਦਾ ਨੂੰ ਕੁਰਕ ਕਰਕੇ ਸਜਾਵਾਂ ਦਿੱਤੀਆਂ ਜਾਣ ਤਾਂ ਕਿ ਨਸ਼ਿਆਂ ਨੰੁ ਜੜੋ ਖਤਮ ਕੀਤਾ ਜਾ ਸਕੇ।
