ਅਲੋਰ ਸੇਤਾਰ /ਮਲੇਸ਼ੀਆ,ਅਗਸਤ 2020-(ਏਜੰਸੀ )ਪਤੀ ਦੀ ਚਾਕੂ ਮਾਰ ਕੇ ਹੱਤਿਆ ਕਰਨ ਦੇ ਦੋਸ਼ਾਂ ਹੇਠ ਘਿਰੀ ਬ੍ਰਿਟਿਸ਼ ਮਹਿਲਾ ਸਾਮੰਥਾ ਜੋਨਸ (51) ਨੂੰ ਸ਼ਜਾ-ਏ-ਮੌਤ ਤੋਂ ਰਾਹਤ ਮਿਲ ਗਈ ਅਤੇ ਅਦਾਲਤ ਨੇ ਉਸ ਨੂੰ ਸਿਰਫ਼ 42 ਮਹੀਨਿਆਂ ਦੀ ਸਜ਼ਾ ਸੁਣਾਈ। ਵਕੀਲ ਸੰਗੀਤ ਕੌਰ ਦਿਓ ਨੇ ਦੱਸਿਆ ਕਿ ਅਟਾਰਨੀ ਜਨਰਲ ਦੇ ਦਫ਼ਤਰ ’ਚ ਅਪੀਲ ਕੀਤੇ ਜਾਣ ਮਗਰੋਂ ਉਸ ਦੀ ਸਜ਼ਾ ਘਟਾਈ ਗਈ। ਅਦਾਲਤ ਨੇ ਮੰਨਿਆ ਕਿ ਉਸ ਨੇ ਬਿਨਾਂ ਕਿਸੇ ਇਰਾਦੇ ਦੇ ਪਤੀ ਦੀ ਹੱਤਿਆ ਕੀਤੀ ਹੈ। ਉਸ ਨੂੰ 10 ਹਜ਼ਾਰ ਰਿੰਗਿਟ (2368 ਡਾਲਰ) ਦਾ ਜੁਰਮਾਨਾ ਵੀ ਕੀਤਾ ਗਿਆ ਹੈ।
