ਧਰਤੀ ਆਪਣੇ ਆਪ ਵਿੱਚ ਇੱਕ ਖਾਸ ਗ੍ਰਹਿ ਹੈ। ਜੀਵਨ ਦੀ ਹੋਂਦ ਸਿਰਫ ਇਸੇ ਗ੍ਰਹਿ ਉੱਤੇ ਹੀ ਸੰਭਵ ਹੈ। ਕਈ ਸਦੀਆਂ ਤੋਂ ਮਨੁੱਖ ਨੇ ਇਸ ਧਰਤੀ ਉੱਤੇ ਰਾਜ ਕੀਤਾ ਹੈ ਅਤੇ ਆਪਣੇ ਕੁਝ ਸਵਾਰਥਾਂ ਕਰਕੇ ਉਸਨੇ ਆਪਣੇ ਇਸ ਘਰ ਨੂੰ ਕਾਫੀ ਹੱਦ ਤੱਕ ਤਬਾਹ ਕਰਕੇ ਰੱਖ ਦਿੱਤਾ ਹੈ।ਮਸ਼ੀਨੀਕਰਨ ਦੇ ਇਸ ਯੁੱਗ ਵਿੱਚ ਧਰਤੀ ਉੱਤੋਂ ਕਈ ਕਰੋੜਾਂ ਦਰਖਤਾਂ ਨੂੰ ਕੱਟ ਦਿੱਤਾ ਗਿਆ ਅਤੇ ਇਸਦੇ ਦੁਸ਼ਪਰਿਣਾਮ ਜਾਣੇ ਬਿਨਾ ਮਨੁੱਖ ਨੇ ਹਲੇ ਵੀ ਇਹ ਸਭ ਜਾਰੀ ਰੱਖਿਆ ਹੈ।ਕੁਝ ਕੁਦਰਤੀ ਕਾਰਨ ਵੀ ਇਸ ਲਈ ਜਿੰਮੇਵਾਰ ਹੁੰਦੇ ਹਨ ਜਿਵੇਂ ਜੰਗਲਾਂ ਦੀ ਅੱਗ, ਭੂਚਾਲ, ਹੜ, ਸੁਨਾਮੀ ਆਦਿਙ ਪਰ ਜੇ ਰੁੱਖ ਆਪਣੀਆਂ ਜੜਾਂ ਉੱਤੇ ਕਾਇਮ ਰਹਿੰਦੇ ਹਨ ਫੇਰ ਸਭ ਕੁਝ ਸਹਿ ਹੋ ਜਾਂਦਾ ਹੈ। ਪਰ ਹੁਣ ਰੁੱਖ ਘਟਦੇ ਜਾ ਰਹੇ ਹਨ, ਜੜਾਂ ਤੱਕ ਪਾਣੀ ਨਹੀਂ ਪਹੁੰਚਦਾ ਅਤੇ ਆਪਦਾ ਹੋਰ ਜ਼ਿਆਦਾ ਨੁਕਸਾਨ ਕਰਦੀ ਹੈ। ਹਰ ਇੱਕ ਸਿੱਕੇ ਦੇ ਦੋ ਪਹਿਲੂ ਹੁੰਦੇ ਹਨ, ਜਿੱਥੇ ਇੱਕ ਤਬਕਾ ਵਿਨਾਸ਼ ਵੱਲ ਅੱਗੇ ਵੱਧ ਰਿਹਾ ਹੈ ਉਥੇ ਹੀ ਦੂਜਾ ਕੁਝ ਉਸਾਰੂ ਕਰਕੇ ਇਸ ਹੋ ਰਹੇ ਵਿਨਾਸ਼ ਦੀ ਰਫਤਾਰ ਨੂੰ ਠੱਲ ਪਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।ਪਟਿਆਲੇ ਜਿਲੇ ਤੋਂ ਇੱਕ ਸੰਸਥਾ ਮਾਨਵਤਾ ਅਤੇ ਕੁਦਰਤ (ਅੰਗਰੇਜ਼ੀ ਅਨੁਵਾਦ "ਹਿਉਮੈਨੀਤੀ ਐਂਡ ਨੇਚਰ) 2021 ਤੋਂ ਸਮਾਜ ਸੁਧਾਰਿਕ ਵੱਜੋਂ ਕੰਮ ਬੜੀ ਲਗਨ ਨਾਲ ਕੰਮ ਕਰਦੀ ਆ ਰਹੀ ਹੈ। ਇਸ ਸੰਸਥਾ ਦਾ ਮੁੱਖ ਉਦੇਸ਼ ਵੱਧ ਤੋਂ ਵੱਧ ਪੇੜ ਲਾਉਣਾ ਅਤੇ ਲੋਕਾਂ ਨੂੰ ਪੇੜ ਲਾਉਣ ਬਾਰੇ ਜਾਗਰੂਕ ਕਰਨਾ ਹੈ। ਸੰਸਥਾ ਦੇ ਮੋਢੀ ਹਰਚਰਨ ਸਿੰਘ ਨਿਥਾਵਾਂ ਨਿਸ਼ਕਾਮ ਸੇਵਾ ਭਾਵ ਨਾਲ ਆਪਣੇ ਉਦੇਸ਼ ਨੂੰ ਸਾਰਥਕ ਕਰਨ ਵਿੱਚ ਲੱਗੇ ਹੋਏ ਹਨ।ਆਪਣੇ ਇਸ ਮਿਸ਼ਨ ਬਾਰੇ ਓਹਨਾ ਨੇ ਦੱਸਿਆ ਕਿ ਸਮਾਜ ਵਿੱਚ ਇੱਕ ਬਹੁਤ ਵੱਡੀ ਗਿਣਤੀ ਵਿੱਚ ਲੋਕਾਂ ਵਿੱਚ ਰੁੱਖਾਂ ਨੂੰ ਲੈ ਕੇ ਜਾਗਰੂਕਤਾ ਦੀ ਕਮੀ ਆਈ ਹੈ। ਹਰ ਕੋਈ ਖਾਲੀ ਪਈ ਜ਼ਮੀਨ ਨੂੰ ਵੇਚ ਕੇ ਇਮਾਰਤਾਂ ਦੀ ਉਸਾਰੀ ਕਰਾਉਣ ਵਿੱਚ ਲੱਗਾ ਹੈਙ ਇਸੇ ਤਰਾਂ ਹੋਲੀ ਹੋਲੀ ਕਰਦੇ ਖੇਤੀ ਲਾਇਕ ਜ਼ਮੀਨਾਂ ਵੀ ਵਿਕਦੀਆਂ ਗਈਆਂ ਅਤੇ ਪਾਣੀ ਦਾ ਸਤਰ ਹੋਰ ਡੂੰਘਾ ਹੁੰਦਾ ਗਿਆਙ ਜੇ ਅੱਜ ਦੀ ਪੀੜੀ ਨੇ ਸਮਾਂ ਰਹਿੰਦਿਆਂ ਕੁਝ ਨਾ ਕੀਤਾ ਤਾਂ ਬਹੁਤ ਦੇਰ ਚੁੱਕੀ ਹੋਵੇਗੀ।ਇਸੇ ਉਪਰਾਲੇ ਨੂੰ ਸੇਧ ਦੇਣ ਲਈ ਉਹ ਸਕੂਲਾਂ, ਕਾਲਜਾਂ ਚ ਜਾ ਕੇ ਵਿਿਦਆਰਥੀਆਂ ਨੂੰ ਸਚੇਤ ਕਰਦੇ ਹਨ ਕਿ ਰੁੱਖਾਂ ਦੀ ਸੰਭਾਲ ਕਿਓਂ ਜ਼ਰੂਰੀ ਹੈਙ ਆਪਣੇ ਸੋਸ਼ਲ ਮਾਧਿਅਮ ਨਾਲ ਉਹ ਲੋਕਾਂ ਨੂੰ ਪ੍ਰੇਰਿਤ ਕਰਦੇ ਰਹਿੰਦੇ ਹਨ ਕਿ ਉਹ ਵੱਧ ਤੋਂ ਵੱਧ ਰੁੱਖ ਲਗਾਉਣ ਚ ਯੋਗਦਾਨ ਪਾਉਣ।ਮਾਨਵਤਾ ਅਤੇ ਕੁਦਰਤ ਸੰਸਥਾ ਤਨ, ਮਨ ਅਤੇ ਧਨ ਤੋਂ ਆਪਣੇ ਇਸ ਮਿੱਠੇ ਹੋਏ ਟੀਚੇ ਨੂੰ ਪੂਰਾ ਕਰਨ ਲੱਗੀ ਹੈ। ਤਕਰੀਬਨ ਹਰ ਰੋਜ਼ ਹੀ ਸੈਂਕੜੇ ਬੂਟਿਆਂ ਨੂੰ ਸੰਸਥਾ ਵੱਲੋਂ ਦਾਨ ਕਰ ਦਿੱਤਾ ਜਾਂਦਾ ਹੈ। ਆਪਣੇ ਇਸ ਯਤਨ ਸਦਕਾ ਹਰਚਰਨ ਨਿਥਾਵਾਂ ਨੂੰ ਕਈ ਸਮਾਜਿਕ ਜਥੇਬੰਦੀਆਂ ਅਤੇ ਕਈ ਸਰਕਾਰੀ ਅਦਾਰਿਆਂ ਵਲੋਂ ਸਨਮਾਨਿਤ ਵੀ ਕੀਤਾ ਜਾ ਚੁੱਕਾ ਹੈ। ਇਹ ਗ੍ਰਹਿ ਸੱਭ ਦਾ ਸਾਂਝਾ ਹੈ ਫਿਰ ਕੁਝ ਕੁ ਹੀ ਲੋਕ ਕਿਓਂ ਇਸਦੀ ਸਾਂਭ ਸੰਭਾਲ ਦਾ ਬੀੜਾ ਚੁੱਕਣ। ਕਮੀ ਸਿਰਫ ਅਤੇ ਸਿਰਫ ਜਾਗਰੂਕਤਾ ਫੈਲਾਉਣ ਦੀ ਹੈ। ਮਾਨਵਤਾ ਅਤੇ ਕੁਦਰਤ ਵੱਲੋਂ ਚਲਾਈ ਜਾ ਰਹੀ ਇਸ ਮੁਹਿੰਮ ਦਾ ਹਿੱਸਾ ਬਣਕੇ ਇੱਕ ਸਾਰਥਕ ਕਦਮ ਵਧਾਇਆ ਜਾ ਸਕਦਾ ਹੈ ।
ਹਰਜਿੰਦਰ ਸਿੰਘ
