ਜਗਰਾਉਂ, 28 ਫ਼ਰਵਰੀ (ਗੁਰਕੀਰਤ ਜਗਰਾਉਂ )ਇਨਕਲਾਬੀ ਕੇਂਦਰ ਪੰਜਾਬ ਵਲੋਂ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਅਤੇ ਪੇੰਡੂ ਮਜਦੂਰ ਯੂਨੀਅਨ ਮਸ਼ਾਲ ਦੇ ਸਹਿਯੋਗ ਨਾਲ ਯੂਕਰੇਨ ਤੇ ਰੂਸੀ ਹਮਲੇ ਦੇ ਵਿਰੋਧ ਚ ਰੋਹ ਭਰਪੂਰ ਰੋਸ ਮਾਰਚ ਕੀਤਾ ਗਿਆ। ਸਥਾਨਕ ਬੱਸ ਸਟੈਂਡ ਤੇ ਇਨਕਲਾਬੀ ਕੇਂਦਰ ਪੰਜਾਬ ਦੇ ਜਰਨਲ ਸਕੱਤਰ ਕੰਵਲਜੀਤ ਖੰਨਾ ਅਤੇ ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਦੇ ਜਿਲਾ ਪ੍ਰਧਾਨ ਮਹਿੰਦਰ ਸਿੰਘ ਕਮਾਲਪੁਰਾ ਦੀ ਅਗਵਾਈ ਚ ਕੀਤਾ ਗਿਆ ਇਹ ਰੋਸ ਪ੍ਰਦਰਸ਼ਨ ਬੱਸ ਸਟੈਂਡ ਤੋਂ ਤਹਿਸੀਲ ਰੋਡ ਤੋਂ ਹੁੰਦਾ ਹੋਇਆ "ਮੁੱਖ ਚੋਂਕ ਚ ਪੰਹੁਚਿਆ। ਇਥੇ ਚੋਂਕ ਚ ਸੜਕ ਦੇ ਕਿਨਾਰੇ ਖੜ ਕੇ ਅੱਧੇ ਘੰਟੇ ਲਈ ਪ੍ਰਦਰਸ਼ਨਕਾਰੀਆਂ ਨੇ ਜੰਗ ਵਿਰੋਧੀ ਨਾਰੇ ਗੁੰਜਾਏ।"ਨਾ ਫੁੱਲ ਮਚਾ ਦੇਣਾ, ਕਿਤੇ ਨਾ ਬਾਰੂਦ ਸੁੱਟਿਓ, ਬੱਚਿਆਂ ਨੇ ਸਾਹ ਲੈਣਾ" "ਜੇ ਧਰਤੀ ਉਜਾੜੋਗੇ, ਨਾਨਕ ਰੋਵੇਗਾ= ਤੁਸੀਂ ਕਿੰਝ ਸਹਾਰੋਗੇ" "ਪਾਣੀ ਵਗਣ ਦਿਓ ਸੋਹਣਾ, ਜੇ ਨਦੀਆਂ ਲੁਹਾਣ ਹੋ ਗਈਆਂ =ਸਾਥੋਂ ਖੂਨ ਨਹੀਂ ਪੀ ਹੋਣਾ" ਨਿਹੱਕੀ ਜੰਗ ਬੰਦ ਕਰੋ""ਸਾਮਰਾਜੀ ਚੋਧਰ ਭੇੜ ਦਾ ਸ਼ਿਕਾਰ ਯੂਕਰੇਨ ਤੇ ਰੂਸੀ ਹਮਲੇ ਦਾ ਵਿਰੋਧ ਕਰੋ", ਨਾਟੋ ਗੁੱਟ ਮੁਰਦਾਬਾਦ",ਯੁਕਰੇਨ ਚ ਫਸੇ ਵਿਦੇਸ਼ੀਆਂ ਦੀ ਸੁਰੱਖਿਅਤ ਵਾਪਸੀ ਕਰਾਓ "ਦੀਆਂ ਟੂਕਾਂ ਵਾਲੇ ਬੈਨਰ ਚੁੱਕ ਕੇ ਕੀਤੇ ਇਸ ਰੋਸ ਮਾਰਚ ਨੇ ਵੱਡੀ ਪੱਧਰ ਤੇ ਆਮ ਜਨਤਾ ਦਾ ਧਿਆਨ ਖਿੱਚਿਆ।" ਇਸ ਸਮੇਂ ਗੁਰਪ੍ਰੀਤ ਸਿੰਘ ਸਿਧਵਾਂ, ਜਗਤਾਰ ਸਿੰਘ ਦੇਹੜਕਾ, ਇੰਦਰਜੀਤ ਸਿੰਘ ਧਾਲੀਵਾਲ ਨੇ ਯੂਕਰੇਨ ਦੇ ਲੋਕਾਂ ਨਾਲ ਮਨੁੱਖੀ ਹਮਦਰਦੀ ਦਾ ਇਜਹਾਰ ਕਰਦਿਆਂ ਵਿਸ਼ਵ ਭਾਈਚਾਰੇ ਨੂੰ ਇਸ ਸਾਮਰਾਜੀ ਜੰਗ ਖਿਲਾਫ ਇਕਜੁੱਟ ਹੋਣ ਦੀ ਅਪੀਲ ਕੀਤੀ। ਇਸ ਸਮੇਂ ਸੰਸਾਰ ਭਰ ਦੇ ਵਿਸ਼ੇਸ਼ਕਰ ਰੂਸੀ ਜਨਤਾ ਵਲੋਂ ਪੁਤਿਨ ਦੀ ਇਸ ਤਾਨਾਸ਼ਾਹੀ ਅਤੇ ਹਠਧਰਮੀ ਖਿਲਾਫ ਉਠੇ ਵਿਦਰੋਹ ਦੀ ਜੋਰਦਾਰ ਸਲਾਘਾਣ ਕਰਦਿਆਂ ਕਿਹਾ ਯੂਰੋਪ ਦੇ ਦੇਸ਼ਾਂ ਨੂੰ ਅਪਣੀ ਮੰਡੀ ਬਨਾਉਣ ਅਤੇ ਡਿਫੈਂਸ ਦਾ ਮਾਲ ਵੇਚਣ ਲਈ ਛੇੜੀ ਇਸ ਜੰਗ ਦੇ ਭਿਆਨਕ ਸਿੱਟੇ ਨਿਕਲਣਗੇ।ਜਰੂਰੀ ਵਸਤਾਂ ਦੀ ਕਿੱਲਤ ਅਤੇ ਲੱਕਤੋੜ ਮਹਿੰਗਾਈ ਨਾਲ ਲੋਕਾਂ ਦਾ ਕਚੂਮਰ ਨਿਕਲੇਗਾ। ਇਲਾਕੇ ਭਰ ਚੋਂ ਪੰਹੁਚੇ ਞਡੀ ਗਿਣਤੀ ਕਿਸਾਨਾਂ ਮਜਦੂਰਾਂ ਨੇ ਇਸ ਪ੍ਰਦਰਸ਼ਨ ਚ ਭਾਗ ਲਿਆ। ਇਸ ਸਮੇਂ ਧਰਮ ਸਿੰਘ ਸੂਜਾਪੁਰ, ਦੇਸਰਾਜ ਸਿੰਘ ਕਮਾਲ ਪੁਰਾ,ਬਲਦੇਵ ਸਿੰਘ ਮਾਣੂਕੇ,ਹਾਕਮ ਸਿੰਘ ਬਿੰਜਲ, ਦੇਵਿੰਦਰ ਸਿੰਘ ਗਾਲਬ,ਹਰਬੰਸ ਸਿੰਘ ਬਾਰਦੇਕੇ, ਠਾਣਾ ਸਿੰਘ ਸੂਜਾਪੁਰ ਜਸਵਿੰਦਰ ਸਿੰਘ ਭਮਾਲ, ਪਰਮਜੀਤ ਸਿੰਘ ਸੱਵਦੀ, ਪ੍ਰਵਾਰ ਸਿੰਘ ਗਾਲਬ, ਕਰਨੈਲ ਸਿੰਘ ਭੋਲਾ, ਮਦਨ ਸਿੰਘ ਆਦਿ ਹਾਜਰ ਸਨ।
