ਖਾਲੀ ਖਾਨੇ,ਖਾਨੇ ਦੇ ਵਿੱਚ
ਗੱਲ ਮੈਂ ਪਾਉਣੀ ਚਾਹੁੰਦਾ ਹਾਂ
ਮੂੰਹ ਛੋਟਾ ਗੱਲ ਵੱਡੀ
ਪਰ ਸਮਝਾਉਣੀ ਚਾਹੁੰਦਾ ਹਾਂ।।
ਮੈਂ ਤੇ ਮੈਂ ਵਿੱਚ ਚੋਣਾਂ ਕਰੀਏ
ਆਪਣੇ ਅੰਦਰ ਵੋਟਾਂ ਪਾਈਏ
ਆਪਣੀ ਅਕਲ ਦੀ ਕੁਰਸੀ ਉੱਤੇ
ਸੂਝਵਾਨ ਇਨਸਾਨ ਬਿਠਾਈਏ।।
ਮੂੰਹ ਹਨ੍ਹੇਰੇ ਲਾ ਸਪੀਕਰ
ਜਿਹੜੇ ਮੈਨੂੰ ਸੌਣ ਨਹੀਂ ਦਿੰਦੇ
ਮੈਨੂੰ ਕਹਿੰਦੇ ਰੱਬ ਮਲਾਈਏ
ਆਪਣੇ ਨੇੜੇ ਆਉਣ ਨਹੀਂ ਦਿੰਦੇ।।
ਰੱਬ ਨੂੰ ਬੰਦਿਆ ਨੌਕਰ ਸਮਝੇਂ
ਨਾਲ ਤੂੰ ਖੜਕੇ ਕਰੇਂ ਗਰਾਈਂਆਂ
ਸੋਹਣੀ ਗੱਡੀ, ਰੱਬ ਦੇ ਪੱਠੇ
ਪਿੱਛੇ-ਪਿੱਛੇ ਭੇਡਾਂ ਆਈਆਂ।।
ਤੂੰ ਦਰ-ਦਰ ਜਾ ਕੇ ਲੱਭਦਾ ਏਂ
ਪਰ ਚੈਣ ਤਾਂ ਘਰ ਵਿੱਚ ਮਿਲਦਾ ਏ
ਮੱਥਾ ਆਪਣੇ ਬੂਹੇ ਟੇਕਿਆ ਕਰ
ਕਿਉਂ ਹੋਰ ਕਿਤੇ ਜਾ ਵਿਲਦਾ ਏਂ।।
ਬਾਹਰ ਚੀਖ-ਚਿਹਾੜਾ ਇਹਨਾਂ
ਨਾ ਸੁਣੀ ਆਵਾਜ਼ ਮੈਂ ਅੰਦਰ ਦੀ
ਓਵੀ ਰੱਬ ਦੀ ਅੱਖ ਤੋਂ ਓਹਲੇ
ਜੋ ਪੋੜੀ ਬੈਠੇ ਮੰਦਿਰ ਦੀ।।
ਰਮੇਸ਼ ਵੇ ਦਿਲ ਦਾ ਦਰਦ ਨਾ ਮਿਟਿਆ
ਜੀਉਂਦੀ ਜਾਨੇ ਨਰਕ ਹੰਢਾਵਾਂ
ਮਰਨ ਪਿੱਛੋਂ ਜੇ ਮਿਲਦਾ ਜਾਨੂੰ
ਐਸੇ ਸਵਰਗ ਨੂੰ ਚੁੱਲ੍ਹੇ ਡਾਵਾਂ।।
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-98153-20080
