ਇੱਕ ਮੌਕਾ ਕੇਜਰੀਵਾਲ ਨੂੰ ਪੰਜਾਬ ਵਾਸੀ ਦੇਣਗੇ - ਰਾਏਕੋਟ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਹਾਕਮ ਸਿੰਘ ਠੇਕੇਦਾਰ
ਰਾਏਕੋਟ , 29 ਜਨਵਰੀ (ਜਗਰੂਪ ਸਿੰਘ ਸੁਧਾਰ ) ਆਮ ਆਦਮੀ ਪਾਰਟੀ ਹਲਕਾ ਰਾਏਕੋਟ ਤੋਂ ਉਮੀਦਵਾਰ ਹਾਕਮ ਸਿੰਘ ਠੇਕੇਦਾਰ ਵੱਲੋਂ ਵੱਖ ਵੱਖ ਪਿੰਡਾ ਚ ਜਾਕੇ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਲਈ ਪ੍ਰਚਾਰ ਕੀਤਾ। ਇਸ ਮੌਕੇ ਲੋਕਾਂ ਨੂੰ ਸੰਬੋਧਨ ਹੁੰਦਿਆਂ ਓਹਨਾ ਨੇ ਆਖਿਆ ਕਿ ਰਵਾਇਤੀ ਪਾਰਟੀਆਂ ਅਕਾਲੀ ਦਲ ਅਤੇ ਕਾਂਗਰਸ ਨੇ ਪੰਜਾਬ ਨੂੰ ਲੁੱਟਣ ਅਤੇ ਕੁੱਟਣ ਚ ਕੋਈ ਕਮੀਂ ਨਹੀਂ ਛੱਡੀ। ਕੈਪਟਨ ਅਮਰਿੰਦਰ ਸਿੰਘ ਅਤੇ ਚੰਨੀ ਤੇ ਵਰਦਿਆਂ ਓਹਨਾ ਆਖਿਆ ਕੇ ਗੁਟਕਾ ਸਾਹਿਬ ਦੀਆਂ ਝੂਠੀਆਂ ਸੌਹਾਂ ਖਾਕੇ ਕੈਪਟਨ ਨੇ ਪੰਜਾਬ ਦੇ ਲੋਕਾਂ ਨਾਲ ਧ੍ਰੋਹ ਕੀਤਾ ਹੈ। ਪੌਣੇ ਪੰਜ ਸਾਲ਼ ਬਾਅਦ ਕੈਪਟਨ ਨੂੰ ਹਟਾ ਕੇ ਮੁੱਖਮੰਤਰੀ ਬਣੇ ਚੰਨੀ ਨੇ ਸਿਰਫ ਐਲਾਨ ਹੀ ਕੀਤੇ ਨੇ ਕੀਤਾ ਕੁਛ ਵੀ ਨਹੀਂ। ਦੁੱਜੇ ਪਾਸੇ ਆਮ ਆਦਮੀ ਪਾਰਟੀ ਦੀ ਦਿੱਲੀ ਸਰਕਾਰ ਦੀ ਤਰੀਫ ਕਰਦਿਆਂ ਆਖਿਆ ਕਿ ਜੋ ਵਾਅਦੇ ਅਰਵਿੰਦ ਕੇਜਰੀਵਾਲ ਵੱਲੋਂ ਕੀਤੇ ਗਏ ਸੀ ਉਹ ਸਾਰੇ ਦੇ ਸਾਰੇ ਹੀ ਪੂਰੇ ਕੀਤੇ ਅਤੇ ਸਿੱਖਿਆ ਅਤੇ ਸਿਹਤ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਕਰੜੇ ਕਦਮ ਚੁੱਕੇ ਅਤੇ ਕ੍ਰਾਂਤੀਕਾਰੀ ਬਦਲਾਅ ਕੀਤਾ। ਪੰਜਾਬ ਚ ਵੀ ਉਹ ਦਿੱਲੀ ਮਾਡਲ ਦੀ ਤਰ੍ਹਾ ਕੇਜਰੀਵਾਲ ਜੀ ਵੱਲੋਂ ਦਿੱਤੀਆਂ ਸਾਰੀਆਂ ਹੀ ਗ੍ਰੰਟੀਆਂ ਤੁਰੰਤ ਲਾਗੂ ਕੀਤੀਆਂ ਜਾਣ ਗਈਆਂ। ਇੱਕ ਮੌਕਾ ਕੇਜਰੀਵਾਲ ਨੂੰ ਦੇਣ ਦੀ ਅਪੀਲ ਕਰਦਿਆਂ ਓਹਨਾ ਆਖਿਆ ਕਿ ਪੰਜਾਬ ਦੀਆਂ ਜਿੰਨੀਆਂ ਵੀ ਪਾਰਟੀਆਂ ਨੇ ਓਹਨਾ ਸਾਰਿਆਂ ਦਾ ਜ਼ੋਰ ਆਮ ਆਦਮੀ ਪਾਰਟੀ ਨੂੰ ਹਰਾਉਣ ਵਿਚ ਲੱਗਿਆਂ ਹੋਇਆ ਹੈ। ਲੋਕਾਂ ਵੱਲੋਂ ਪੁੱਛੇ ਸਵਾਲ ਕੀ ਫ੍ਰੀ ਸਹੂਲਤਾਂ ਦੇਣ ਲਈ ਪੈਸਾ ਕਿੱਥੋਂ ਆਵੇਗਾ ਦਾ ਜਵਾਬ ਦਿੰਦਿਆਂ ਓਹਨਾ ਆਖਿਆ ਕੇ ਪੰਜਾਬ ਚ ਚੱਲ ਰਹੇ ਮਾਫੀਆ ਰਾਜ ਨੂੰ ਖਤਮ ਕਰਾਂਗੇ ਅਤੇ ਪੰਜਾਬ ਦਾ ਖਜ਼ਾਨਾ ਭਰਾਂਗੇ। ਅਖੀਰ ਚ ਲੋਕਾਂ ਨੂੰ ਵੱਧ ਵੱਧ ਆਮ ਆਦਮੀ ਪਾਰਟੀ ਨੂੰ ਵੋਟ ਪਾਉਣ ਲਈ ਅਪੀਲ ਕਰਦਿਆ ਆਖਿਆ ਕੇ ਇੱਕ ਮੌਕਾ ਕੇਜਰੀਵਾਲ ਨੂੰ ਦਈਏ ਅਤੇ ਪੰਜਾਬ ਨੂੰ ਦੁਬਾਰਾ ਰੰਗਲਾ ਪੰਜਾਬ ਬਣਾਈਏ। ਇਸ ਸਮੇਂ ਉਨ੍ਹਾਂ ਨਾਲ ਗੁਰਮਿੰਦਰ ਤੂਰ ,ਗੁਰਪਾਲ ਜੰਡ,ਵਰਿੰਦਰ ਸਿੰਘ,ਜਗਵੀਰ ਸਿੱਧੂ,ਹਰਭਜਨ ਸਿੰਘ,ਸੱਘੜ ਸਿੰਘ,ਹਰੀ ਸਿੰਘ ਸਿੱਧੂ,ਜਸਕਰਨ ਸਿੰਘ, ਬਿੰਦਾ, ਬਿੱਕੀ, ਜੱਸੀ, ਗਗਨਾ ਸਿੱਧੂ, ਖੇਮ ਧਾਲੀਵਾਲ, ਚਮਕੌਰ ਸਿੰਘ, ਬਹਾਦਰ ਸਿੰਘ , ਦੀਪਾ ਬੈਟਰੀਆਂ ਵਾਲਾ, ਬਲਦੇਵ ਸਿੰਘ, ਮੁਖਤਿਆਰ ਸਿੰਘ, ਜਗਤਾਰ ਸਿੰਘ, ਯਾਦਵਿੰਦਰ ਸਿੰਘ ਸੇਖੋਂ,ਜਸਵਿੰਦਰ ਸਿੰਘ ਹੈਪੀ ਬੇਅੰਤ ਸਿੰਘ ਭਜਨ ਸਿੰਘ ਪਨੇਸਰ ਆਦਿ ਮੌਜੂਦ ਸਨ
