ਵਾਹਿਗੁਰੂ ਜੀ ਦੀ ਅਪਾਰ ਕਿਰਪਾ ਸਦਕਾ ਜਤਿੰਦਰ ਸਿੰਘ ਖਾਲਸਾ ਅਤੇ ਬੀਬੀ ਮਨਪ੍ਰੀਤ ਕੌਰ ਦੇ ਅਨੰਦ ਕਾਰਜ ਪੂਰਨ ਗੁਰਮਰਯਾਦਾ ਨਾਲ ਹੋਏ 

ਮਨਪ੍ਰੀਤ ਸਿੰਘ ਇਯਾਲੀ  ਅਤੇ ਅਮਨਜੀਤ ਸਿੰਘ ਖਹਿਰਾ ਨੇ ਗੁਰਸਿੱਖ ਜੋੜੇ ਨੂੰ ਦਿੱਤੀਆਂ ਵਧਾਈਆਂ

ਜਗਰਾਉਂ, ਜੁਲਾਈ 2020 - ( ਮਨਜਿੰਦਰ ਗਿੱਲ /ਸਿਮਰਨਜੀਤ ਸਿੰਘ ਅਖਾੜਾ)- 

ਪਿੰਡ ਬਰਸਾਲ ਦੇ ਵਾਸੀ ਜਤਿੰਦਰ ਸਿੰਘ ਖ਼ਾਲਸਾ ਦਾ ਅਨੰਦ ਕਾਰਜ ਬੀਬੀ ਮਨਪ੍ਰੀਤ ਕੌਰ ਜਗਰਾਉਂ ਨਾਲ ਸ਼ੇਰਪੁਰ ਕਲਾਂ ਦੇ ਗੁਰਦੁਆਰਾ ਸਾਹਿਬ ਵਿਖੇ ਪੂਰਨ ਗੁਰਮਰਯਾਦਾ ਅਨੁਸਾਰ ਹੋਇਆ ਜਿੱਥੇ ਸ਼ੁਰੂਆਤੀ ਪਲਾਂ ਵਿੱਚ ਰਾਗੀ ਜੱਥੇ ਵੱਲੋਂ ਸੰਗਤਾਂ ਨੂੰ ਗੁਰਬਾਣੀ ਦੇ ਕੀਰਤਨ ਸਰਵਨ ਕਰਵਾਏ ਗਏ ਉਪਰੰਤ ਕਥਾ ਵਾਚਕ ਭਾਈ ਅਵਤਾਰ ਸਿੰਘ ਮੁੱਲਾਂਪੁਰ ਵੱਲੋਂ ਗੁਰਸਿੱਖ ਜੋੜੇ ਨੂੰ ਵਿਆਹ ਦੇ ਸੰਕਲਪ ਬਾਰੇ ਜਾਣੂ ਕਰਵਾਇਆ ਗਿਆ। ਜਤਿੰਦਰ ਸਿੰਘ ਖਾਲਸਾ ਅਤੇ ਬੀਬੀ ਮਨਪ੍ਰੀਤ ਕੌਰ ਜੀ ਨੇ ਆਪਣੇ ਮਾਪਿਆਂ ਦੀ ਹਾਜਰੀ ਅੰਦਰ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅੱਗੇ ਅਨੰਦ ਕਾਰਜ ਦੀ ਮਨਜ਼ੂਰੀ ਦੀ ਅਰਦਾਸ ਆਪ ਕੀਤੀ। ਉਸ ਉਪਰੰਤ ਗੁਰੂ ਸਾਹਿਬ ਦੇ ਹੁਕਮ ਅਨੁਸਾਰ ਲਾਵਾਂ ਦਾ ਪਾਠ ਹੋਇਆ। ਅਨੰਦ ਕਾਰਜ ਸਮੇਂ ਹੋਰ ਸਮਾਜਿਕ ਦਿਖਾਵੇ ਤੋਂ ਬਹੁਤ ਸੁਚੱਜੇ ਢੰਗ ਨਾਲ ਪਾਸਾ ਵੱਟਿਆ ਗਿਆ । ਉਸ ਸਮੇਂ ਥੋੜ੍ਹੇ ਜਿਹੇ ਇਕੱਠ ਨੂੰ ਸੰਬੋਧਨ ਕਰਦੇ ਖ਼ੁਸ਼ੀ ਦਾ ਇਜ਼ਹਾਰ ਕਰਦੇ ਹੋਏ ਐਮ ਐਲ ਏ ਹਲਕਾ ਦਾਖਾ ਮਨਪ੍ਰੀਤ ਸਿੰਘ ਇਯਾਲੀ ਨੇ ਇਸ ਵਿਆਹ ਤੋਂ ਪ੍ਰੇਰਨਾ ਲੈ ਕੇ ਨੌਜਵਾਨਾਂ ਨੂੰ ਆਪਣੇ ਵਿਆਹ ਸੈਂਪਲ ਕਾਰਜਾਂ ਰਾਹੀਂ ਗੁਰਸਿਖ ਮਰਯਾਦਾ ਅਨੁਸਾਰ  ਕਰਨ ਦਾ ਸੁਨੇਹਾ ਦਿੱਤਾ ਉਸ ਸਮੇਂ ਆਪਣੀ ਨਾਨੀ ਦੀ ਭੂਆ ਦੇ ਪੜੋਤੇ(ਛੋਟੇ ਭਾਈ) ਦੇ ਵਿਆਹ ਵਿੱਚ ਪਹੁੰਚੇ ਅਮਨਜੀਤ ਸਿੰਘ ਖਹਿਰਾ ਨੇ ਪੂਰੇ ਪਰਿਵਾਰ ਨੂੰ  ਵਧਾਈ ਦਿੰਦੇ ਆਖਿਆ ਕਿ ਸਾਡੇ ਪਰਿਵਾਰ ਲਈ ਐੱਸ ਤੋਂ ਵੱਡੀ ਕੋਈ ਖ਼ੁਸ਼ੀ ਦੀ ਗੱਲ ਨਹੀਂ ਕਿ ਅੱਜ ਪੂਰਨ ਗੁਰਮਰਯਾਦਾ ਅਤੇ ਬਿਨਾਂ ਕਿਸੇ ਦਿਖਾਵੇ ਦੇ ਪਾਖੰਡਾਂ ਤੋਂ ਦੂਰ ਰਹਿ ਕੇ ਜੋ ਜਤਿੰਦਰ ਸਿੰਘ ਖਾਲਸਾ ਅਤੇ ਬੀਬੀ ਮਨਪ੍ਰੀਤ ਕੌਰ ਦਾ ਆਨੰਦ ਕਾਰਜ ਹੋਇਆ ਹੈ ਇਹ ਬਹੁਤ ਹੀ ਮਾਣ ਵਾਲੀ ਗੱਲ ਹੈ ਵਾਹਿਗੁਰੂ ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਇਨ੍ਹਾਂ ਦੇ ਸਿਰ ਦੇ ਉੱਪਰ ਮਿਹਰ ਭਰਿਆ ਹੱਥ ਰੱਖਣ ਅਤੇ ਇਨ੍ਹਾਂ ਦੀ ਸੋਚ ਨੂੰ ਅੱਗੇ ਤੋਰਦੇ ਹੋਇਆ ਪਰਿਵਾਰ  ਨੂੰ ਪੂਰਨ ਗੁਰਮਰਯਾਦਾ ਅੰਦਰ ਰਹਿ ਕੇ ਆਪਣਾ ਜੀਵਨ ਬਤੀਤ ਕਰਨ ਦਾ ਬਲ ਬਖਸ਼ਣ ।  

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਸੰਜੀਵ ਕੋਛੜ ਤੇ ਕਿਸਾਨ ਵਿੰਗ ਦੇ ਪ੍ਰਧਾਨ ਅਤੇ ਆਮ ਆਦਮੀ ਪਾਰਟੀ ਦੇ ਵਰਕਰ ਮਨਜਿੰਦਰ ਸਿੰਘ ਔਲਖ ਨੇ ਕਿ ਧਰਮਕੋਟ ਵਿਖੇ ਕੇਂਦਰ ਸਰਕਾਰ ਦੀਆਂ ਕਿਸਾਨ ਤੇ ਆਮ ਜਨਤਾ ਨਾਲ ਹੋ ਰਹੀਆਂ ਧੱਕੇਸ਼ਾਹੀਆਂ ਦੇ ਵਿਰੋਧ ਵਿੱੱਚ ਪਾਰਟੀ ਵੱਲੋ ਐਸਡੀਐਮ ਦਫਤਰ ਅੱਗੇ ਟਰੈਕਟਰਾਂ ਰਾਹੀ ਰਿੋਧ ਪ੍ਰਦਰਸ਼ਨਨ ਕੀਤਾ ਗਿਆ।ਇਸ ਸਮੇ ਕੋਛੜ ਅਤੇ ਔਲਖ ਨੇ ਕਿਹਾ ਕਿ ਕਿਸਾਨ ਵਿਰੋਧੀ ਆਰਡੀਨੈਸ ਕੇਂਦਰ ਸਰਕਾਰ ਕਿਸਾਨਾਂ,ਮਜ਼ਦੂਰਾਂ,ਤੇ ਅੜਾਤੀਆਂ ਨੂੰ ਖਤਮ ਕਰਨ ਲੱਗੀ ਹੈ ਸਾਡੀ ਪਾਰਟੀ ਇਸ ਮਾੜੇ ਕਾਨੂੰਨ ਦਾ ਵਿਰੋਧ ਕਰਦੀ ਹੈ।ਉਨ੍ਹਾਂ ਆਖਿਆ ਕਿ ਪੋਟਰੈਲ ਡੀਜ਼ਲ ਦੀ ਕੀਮਤ ਵਿੱਚ ਵਧਾ ਕਰਕੇ ਆਮ ਜਨਤਾ ਦਾ ਕਚੰੂਮਰ ਕੱਢ ਕੇ ਰੱਖ ਦਿੱਤਾ ਹੈ ਉਨ੍ਹਾਂ ਕਿਹਾ ਕਿ 2022 ਵਿੱਚ ਲੋਕ ਇਨ੍ਹਾਂ ਪਾਰਟੀਆਂ ਨੂੰ ਸਬਕ ਸਿਖਾਉਣਗੇ ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਕੇਂਦਰ ਦੀ ਸਰਕਾਰ ਲੋਕ ਮਾਰੂ ਨੀਤੀਆਂ ਆਪਣਾ ਚੱਕੀ ਹੈ ਪਰ ਇਨ੍ਹਾਂ ਲੋਕਾਂ ਮਾਰੂ ਨੀਤੀਆਂ ਦਾ ਵਿਰੋਧ ਆਮ ਆਦਮੀ ਪਾਰਟੀ ਤੇ ਕਿਸਾਨ ਜਥੇਬੰਦੀਆਂ ਵੱਲੋਂ ਸਾਂਝੇ ਤੌਰ ਤੇ ਕੀਤਾ ਜਾਵੇਗਾ ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੇ ਹਰ ਸਮੇਂ ਮੋਢੇ ਨਾਲ ਮੋਢਾ ਜੋੜ ਕੇ ਖੜੇ੍ਹ ਰਹਿਣਗੇ ਤੇ ਪੰਜਾਬ ਸਰਕਾਰ ਤੇ ਕੇਂਦਰ ਸਰਕਾਰ ਤੇ ਕੇਂਦਰ ਸਰਕਾਰ ਦੀਆਂ ਧੱਕੇਸ਼ਾਹੀਆਂ ਦਾ ਡੱਟ ਕੇ ਵਿਰੋਧ ਕਰਦੇ ਰਹਾਂਗੇ।ਇਸ ਸਮੇ ਰਾਜਾ ਨਵਦੇਵ ਸਿੰਘ ਵਾਈਸ ਪ੍ਰਧਾਨ,ਨਿਰਮਲ ਸਿੰਘ ਬਲਾਕ ਪ੍ਰਧਾਨ,ਮਨਪ੍ਰੀਤ ਸਿੰਘ ਕੰਨੀਆਂ ਸ਼ੋਸ਼ਲ ਮੀਡੀਆ ਦੇ ਬਲਾਕ ਪ੍ਰਧਾਨ,ਸਮਰ ਲੋਹਗੜ ਅਤੇ ਕਿਸਾਨ ਜੱਥੇਬੰਦੀਆਂ ਦੇ ਨੁਮਾਇਦੇ ਹਾਜ਼ਰ ਸਨ।

ਰੇਹੜੀ ਵਾਲਿਆਂ ਨੂੰ ਅਲਗ ਤੋਂ ਖੁਲੀ ਜਗਾਹ ਸ਼ਿਫਟ ਕੀਤਾ ਜਾਏਗਾ - ਡੀ ਐਸ ਪੀ 

ਜਗਰਾਓਂ , ਜੁਲਾਈ 2020 -(ਚਰਨਜੀਤ ਸਿੰਘ ਚੰਨ/ਮਨਜਿੰਦਰ ਗਿੱਲ)- ਕੁਝ ਦਿਨ ਪਹਿਲਾ ਡੀਐਸਪੀ ਸੁਖਪਾਲ ਸਿੰਘ ਵਲੋਂ ਟ੍ਰੈਫਿਕ ਸਮਸਿਆ ਦੇ ਹਲ ਲਈ ਉਪਰਾਲੇ ਕੀਤੇ ਜਾ ਰਹੇ ਹਨ। ਕਿਓਂਕਿ ਸ਼ਹਿਰ ਵਿਚ ਟ੍ਰੈਫਿਕ ਸਮਸਿਆ ਦਿਨੋਂ ਦਿਨ ਵੱਡੀ ਹੁੰਦੀ ਜਾ ਰਹੀ ਹੈ। ਇਸ ਸੰਬੰਧੀ ਕੁਝ ਦਿਨ ਪਹਿਲਾ ਡੀਐਸਪੀ ਵਲੋਂ ਸਮੂਹ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਗਈ ਸੀ ਕਿ ਦੁਕਾਨਾਂ ਬਾਹਰ ਸਾਮਾਨ ਨਾ ਲਗਾਇਆ ਜਾਵੇ ਤਾ ਜੋ ਟ੍ਰੈਫਿਕ ਵਿਚ ਵਿਘਨ ਨਾ ਪਵੇ।   ਅੱਜ ਵੀ ਡੀ ਐਸ ਪੀ ਸੁਖਪਾਲ ਸਿੰਘ ਵਲੋਂ ਪੁਲਿਸ ਪਾਰਟੀ ਸਮੇਤ ਸ਼ਹਿਰ ਦੇ ਵੱਖ ਵੱਖ ਬਾਜ਼ਾਰਾਂ ਵਿਚ ਜਾਕੇ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਕਿ ਆਪਣਾ ਸਾਮਾਨ ਅੰਦਰ ਹੀ ਰੱਖਿਆ ਜਾਵੇ ਤਾਂ ਜੋ ਟ੍ਰੈਫਿਕ ਸਮਸਿਆ ਨਾ ਹੋਵੇ। ਇਸ ਮੌਕੇ ਡੀ ਐਸ ਪੀ ਹੱਥ ਜੋੜਕੇ ਅਪੀਲ ਕਰਦੇ ਨਜਰ ਆਏ।  ਪੁਰਾਣੀ ਸਬਜ਼ੀ ਮੰਡੀ ਜਿਥੇ  ਕਿ ਕਾਫੀ ਰੇਹੜੀਆਂ ਲੱਗੀਆਂ  ਹੋਣ ਕਾਰਨ ਰਸ਼ ਰਹਿੰਦਾ ਹੈ ਓਥੇ ਰੇਹੜੀ ਵਾਲਿਆਂ ਨੂੰ ਡੀਐਸਪੀ ਵਲੋਂ ਸਫਾਈ ਰੱਖਣ ਅਤੇ ਟ੍ਰੈਫਿਕ ਵਿਚ ਵਿਘਨ ਨਾ ਪਾਉਣ ਬਾਰੇ ਕਿਹਾ ਗਿਆ। ਓਨਾ ਕਿਹਾ ਕਿ ਉਹ ਯੂਨੀਅਨ ਦੇ ਪ੍ਰਧਾਨ ਨਾਲ ਗੱਲ ਕਰਕੇ ਕਿਸੀ ਖੁੱਲੀ ਥਾਂ 'ਤੇ ਰੇਹੜੀਆਂ ਲਗਵਾਉਣ ਬਾਰੇ ਵਿਚਾਰ ਕਰਨਗੇ। ਇਸ ਮੌਕੇ ਡੀਐਸਪੀ ਸੁਖਪਾਲ ਸਿੰਘ ਨਾਲ ਟ੍ਰੈਫਿਕ ਇੰਚਾਰਜ ਸਤਪਾਲ ਸਿੰਘ ਵੀ ਮੌਜੂਦ ਸਨ। ਡੀ ਐੱਸ ਪੀ ਸੁਖਪਾਲ ਸਿੰਘ ਜੀ ਨੇ ਹਰ ਰੇਹੜੀ  ਵਾਲਿਆਂ ਅਤੇ ਦੁਕਾਨਦਾਰਾਂ  ਨੂੰ ਇੱਥੋਂ ਤੱਕ ਬੋਲ ਦਿੱਤਾ  ਕਿ ਮੇਰਾ ਨੰਬਰ ਲੈ ਲਓ ਜਦੋਂ ਕਿਸੇ ਨੂੰ ਕੋਈ ਪ੍ਰਾਬਲਮ ਆਉਂਦੀ ਹੈ ਤਾਂ ਮੈਨੂੰ ਫੋਨ ਕਰੋ । ਆਪਾਂ ਸਾਰਿਆਂ ਨੇ ਰਲ ਕੇ ਇਸ ਸ਼ਹਿਰ ਵਿਚੋਂ ਟ੍ਰੈਫ਼ਿਕ ਦੀ ਸਮੱਸਿਆ ਨੂੰ ਜੜ੍ਹ ਤੋਂ ਖਤਮ ਕਰਨ ਦੇ ਨਾਲ ਨਾਲ ਸ਼ਹਿਰ ਨੂੰ ਸਾਫ਼ ਅਤੇ ਸੁੰਦਰ ਵੀ ਬਣਾਉਣਾ ਹੈ । ਜੇਕਰ ਸ਼ਹਿਰ ਵਾਸੀ ਪੂਰੀ ਤਰ੍ਹਾਂ ਨਾਲ ਮੇਰਾ ਸਾਥ ਦੇਣ ਤਾਂ ਮੈਂ ਵਾਅਦਾ ਕਰਦਾ ਹਾਂ ਕਿ ਟ੍ਰੈਫਿਕ ਦੀ ਸਮੱਸਿਆ ਕੁਝ ਦਿਨਾਂ ਵਿੱਚ ਹੀ ਖ਼ਤਮ ਹੋ ਜਾਵੇਗੀ । ਉਨ੍ਹਾਂ ਕਿਹਾ ਕਿ ਇਸ ਸ਼ਹਿਰ ਦਾ ਹਰ ਇਕ ਵਾਸੀ ਮੇਰਾ ਪਰਿਵਾਰਕ ਮੈਂਬਰ ਹੈ ਅਤੇ ਮੈਂ ਹਰ ਰੁੱਸੇ ਹੋਏ ਨੂੰ ਮਨਾਉਣ ਜਾਣਦਾ ਹਾਂ । ਉਨ੍ਹਾਂ ਕਿਹਾ ਕਿ ਸ਼ਹਿਰ ਵਾਸੀ ਮੈਨੂੰ ਪੁਲਿਸ ਅਫਸਰ ਨਾ ਸਮਝਦੇ ਹੋਏ ਆਪਣੇ ਪਰਿਵਾਰ ਦਾ ਮੈਂਬਰ ਸਮਝਣ ਤੇ ਜਗਰਾਉਂ ਸ਼ਹਿਰ ਨੂੰ ਆਪਣਾ ਘਰ । 

ਵਿਭਾਗ ਨੇ ਸਰਕਾਰੀ ਸਕੂਲ ਦੀ ਪ੍ਰਿੰਸੀਪਲ ਨੂੰ ਸੌਂਪੀ ਜਾਂਚ

ਜਗਰਾਓਂ / ਜੁਲਾਈ 2020-(ਚਰਨਜੀਤ ਸਿੰਘ ਚੰਨ/ਮਨਜਿੰਦਰ ਗਿੱਲ)

 ਫਿਲਹਾਲ ਹੁਣ ਤਕ ਤਾਂ ਇਹ ਸੁਣਿਆ ਜਾਂਦਾ ਸੀ ਕਿ ਸਕੂਲਾਂ ਵਲੋਂ ਫੀਸਾਂ ਸੰਬੰਧੀ ਵਿਦਿਆਰਥੀਆਂ ਦੇ ਮਾਪਿਆਂ ਨੂੰ ਪ੍ਰੇਸ਼ਾਨ ਕੀਤਾ ਜਾਂਦਾ ਸੀ ਪਰ ਜਗਰਾਓਂ ਦੇ ਸਿੱਧਵਾਂ ਬੇਟ ਰੋਡ ਤੇ ਸਥਿਤ ਇਕ ਨਿਜੀ ਸਕੂਲ ਜੋਕਿ ਆਪਣੇ ਆਪ ਵਿਚ ਇਕ ਵਧੀਆ ਸਕੂਲ ਮੰਨਿਆ ਜਾਂਦਾ ਸੀ , ਦੀ ਪ੍ਰਿੰਸੀਪਲ ਵਲੋਂ ਆਪਣੇ ਸਕੂਲ ਦੀ ਅਧਿਆਪਿਕਾ ਨਾਲ ਹੀ ਮਾੜਾ ਬਰਤਾਵ ਕਰਨ ਅਤੇ ਉਸਦੀ ਤਨਖਾਹ ਨਾ ਦੇਣ ਦੀ ਖਬਰ ਸਾਹਮਣੇ ਆ ਰਹੀ ਹੈ। 

      ਇਸ ਸੰਬੰਧੀ ਐਂਟੀ ਕ੍ਰੁਪ੍ਸ਼ਨ ਫਾਊਂਡੇਸ਼ਨ ਆਫ ਇੰਡੀਆ ਦੇ ਆਗੂ ਕੁਲਵੰਤ ਸਹੋਤਾ ਨੇ ਦੱਸਿਆ ਕਿ ਸੰਸਥਾ ਕੋਲ ਸਿੱਧਵਾਂ ਬੇਟ ਰੋਡ 'ਤੇ ਸਥਿਤ ਇਕ ਨਿਜੀ ਸਕੂਲ ਦੀ ਅਧਿਆਪਿਕਾ ਜੀਵਨ ਜੋਤੀ ਨੇ ਸ਼ਿਕਾਇਤ ਦਿਤੀ ਸੀ ਕਿ ਉਹ ਪਿਛਲੇ ਕਈ ਵਰ੍ਹਿਆਂ ਤੋਂ ਸਕੂਲ ਵਿੱਚ ਪੜ੍ਹਾਉਣ ਦੀ ਜੋਬ ਕਰਦੀ ਸੀ ਅਤੇ ਉਸਦੇ ਬੱਚੇ ਵੀ ਸਕੂਲ ਵਿਚ ਹੀ ਪੜ੍ਹਦੇ ਸਨ  ਲੋਕ ਡਾਊਨ ਲੱਗੇ ਕਾਰਨ ਉਹ ਆਪਣੇ ਬੱਚਿਆਂ ਨੂੰ ਸਕੂਲ ਵਿਚ ਪੜ੍ਹਾਉਣ ਵਿਚ ਅਸਮਰਥ ਸੀ ਅਤੇ ਉਸਨੇ ਆਪਣੇ ਬੱਚੇ ਸਕੂਲ ਵਿਚੋਂ ਹਟਾ ਲਏ। ਜੋਤੀ ਮੁਤਾਬਿਕ ਇਸ ਕਾਰਨ ਸਕੂਲ ਵਾਲਿਆਂ ਨੇ ਉਸਤੋਂ ਧਕੇ ਨਾਲ ਇਸਤੀਫ਼ਾ ਲੈ ਲਿਆ ਪਰ ਲੋਕ ਡਾਊਨ ਦੌਰਾਨ ਵਿਦਿਆਰਥੀਆਂ ਨੂੰ ਪੜ੍ਹਾਉਣ ਦਾ ਕੰਮ ਲਿਆ ਜਾਂਦਾ ਰਿਹਾ। 

       ਅਧਿਆਪਿਕਾ ਜੀਵਨ ਜੋਤੀ ਅਨੁਸਾਰ ਇਸਤੀਫ਼ਾ ਪਹਿਲਾਂ ਲਿਆ ਹੋਣ ਕਾਰਨ ਉਸਦੀ ਤਨਖਾਹ ਦੇਣ ਤੋਂ ਮਨਾਂ  ਕਰ ਦਿੱਤਾ ਗਿਆ ਅਤੇ ਸਰੇਆਮ ਬੇਇਜਤੀ ਕਰਕੇ ਤਨਖਾਹ ਨਾ ਦੇਣ ਦੀ ਗੱਲ ਆਖੀ ਗਈ। ਅੱਜ ਇਸ ਸੰਬੰਧੀ ਵਿਭਾਗ ਵਲੋਂ ਸਰਕਾਰੀ ਸਕੂਲ ਲੜਕੀਆਂ ਦੀ ਪ੍ਰਿੰਸੀਪਲ ਦੀ ਮਾਮਲੇ ਦੀ ਜਾਂਚ ਕਰਨ ਦੀ  ਡਿਊਟੀ ਲਾਈ ਗਈ ਸੀ ਅਤੇ ਦੋਹਾਂ ਧਿਰਾਂ ਨੂੰ ਆਕੇ ਸਬੂਤ ਪੇਸ਼ ਕਰਨ ਲਈ ਕਿਹਾ ਗਿਆ ਸੀ।  ਆਪਣੀ ਸ਼ਿਕਾਇਤ ਵਿਚ ਜੀਵਨ ਜੋਤੀ ਨੇ ਦੱਸਿਆ ਕਿ ਪ੍ਰਿੰਸੀਪਲ ਵਲੋਂ ਉਸ ਨਾਲ ਘਟੀਆ ਵਿਹਾਰ ਕਰਦਿਆਂ ਉਸਦੀ ਤਨਖਾਹ ਰੋਕੀ ਗਈ ਹੈ। 

     ਇਸ ਸੰਬੰਧੀ ਸਰਕਾਰੀ ਸਕੂਲ ਲੜਕੀਆਂ ਦੀ ਪ੍ਰਿੰਸੀਪਲ ਨੇ ਦੱਸਿਆ ਕਿ ਓਨਾ ਵਲੋਂ ਦੋਹਾਂ ਧਿਰਾਂ ਵਲੋਂ ਪੇਸ਼ ਕੀਤੇ ਸਬੂਤ ਲੈ ਲਾਏ ਗਏ ਹਨ ਅਤੇ ਉਹ ਇਸਦੀ ਰਿਪੋਰਟ ਬਣਾਕੇ ਵਿਭਾਗ ਨੂੰ ਭੇਜ ਦੇਣਗੇ। ਇਸ ਸੰਬੰਧੀ ਐਂਟੀ ਕ੍ਰੁਪ੍ਸ਼ਨ ਫਾਊਂਡੇਸ਼ਨ ਆਫ ਇੰਡੀਆ ਦੇ ਆਗੂ ਕੁਲਵੰਤ ਸਹੋਤਾ ਨੇ ਦੱਸਿਆ ਕਿ ਸੰਸਥਾ ਵਲੋਂ ਇਸ ਸ਼ਿਕਾਇਤ ਦੀ ਵੀ ਪੜਤਾਲ ਕਾਰਵਾਈ ਜਾਵੇਗੀ ਕਿ ਤਨਖਾਹ ਕਾਗਜ ਵਿਚ ਜ਼ਿਆਦਾ ਪਰ ਅਧਿਆਪਕਾਂ ਨੂੰ ਦਿਤੀ ਘਟ ਜਾਂਦੀ ਹੈ।