1)
ਮੈਥੋਂ ਤਾਂ ਹੁਣ ਜੀ ਨੀ ਹੋਣਾ ।
ਘੁੱਟ ਗਮਾਂ ਦਾ ਪੀ ਨੀ ਹੋਣਾ ।
ਬੋਲਾਂ ਗਾ ਸੱਚ ਰੁਕਣਾ ਔਖਾ,
ਬੁੱਲਾਂ ਨੂੰ ਵੀ ਸੀਅ ਨੀ ਹੋਣਾ ।
ਉਦੋਂ ਆਏ ਤਾਂ ਕੀ ਆਏ,
ਤਨ ਵਿੱਚ ਸਾਹ ਜਦ ਹੀ ਨੀ ਹੋਣਾ ।
ਧੱਕੇ ਮੁੱਕੇਬਾਜ਼ੀ ਤਾਹਨੇ ਗਾਲਾਂ,
ਬਿਨਾਂ ਤੇਰੇ ਕੀ ਕੀ ਨੀ ਹੋਣਾ ।
ਲੱਭੋਗੇ ਜਦ ਅਸਲ ਪਤੇ ਤੇ,
"ਸ਼ਾਇਰ " ਉੱਥੇ ਵੀ ਨੀ ਹੋਣਾ ।
ਬਾਲੋਂਗੇ ਜਦ ਨਾਂ ਦਾ ਦੀਵਾ ,
ਥੋਡੇ ਘਰ ਵਿੱਚ ਸੀ ਨੀ ਹੋਣਾ ।
2)
ਤੇਰੇ ਬਾਝੋਂ ਖਰਦਾ ਹਾਂ ।
ਜੀਂਦਾ ਹਾਂ ਨਾ ਮਰਦਾ ਹਾਂ ।
ਖਤਾ ਕਿਸੇ ਦੀ ਕੋਈ ਨਾ
ਆਪਣੀ ਕੀਤੀ ਭਰਦਾ ਹਾਂ ।
ਅਕਲ ਤੋਂ ਕੰਮ ਲੀਤਾ ਨਾ
ਜਿੱਤੀ ਬਾਜ਼ੀ ਹਰਦਾ ਹਾਂ ।
ਕੋਈ ਕੀ ਕਹਿ ਸਕਦਾ ਏ
ਹੱਕ ਦੇ ਉੱਤੇ ਲੜਦਾ ਹਾਂ ।
ਸ਼ੋਰ ਮਚਾ ਨਾ ਸਕਦਾ ਮੈਂ
ਮਾਈ ਬਾਪ ਤੋਂ ਡਰਦਾ ਹਾਂ ।
"ਸ਼ਾਇਰ "ਤੇਰੇ ਪੱਤਰਾਂ ਤੇ
ਮੈਂ ਪੀ ਐਚ ਡੀ ਕਰਦਾ ਹਾਂ ।
ਜਸਵਿੰਦਰ ਸ਼ਾਇਰ "ਪਪਰਾਲਾ "
9996568220
