ਲੰਡਨ, ਅਗਸਤ 2020 -( ਅਮਨਜੀਤ ਸਿੰਘ ਖਹਿਰਾ)- ਈਲਿੰਗ ਕੌਸਲ 'ਚ ਡਿਉਟੀ ਕਰਨ ਵਾਲੀ 25 ਸਾਲਾ ਜੈਸਿਕਾ ਕੰਗ 'ਮਿਸ ਲੰਡਨ 2020' ਚੁਣੀ ਗਈ ਹੈ । ਲੰਡਨ ਦੇ ਤਾਜ 51 ਬਕਿੰਘਮ ਗੇਟ ਹੋਟਲ 'ਚ ਜੈਸਿਕਾ ਦੀ 'ਮਿਸ ਲੰਡਨ 2020' ਵਜੋਂ ਤਾਜਪੋਸ਼ੀ ਕੀਤੀ ਗਈ । ਜਦ ਕਿ ਕੋਰੋਨਾ ਵਾਇਰਸ ਦੇ ਕਾਰਨ ਇਸ ਮੁਕਾਬਲੇ ਦੇ ਪਹਿਲੇ ਪੜਾਵਾਂ ਦੇ ਮੁਕਾਬਲੇ ਲਈ ਹਿੱਸਾ ਲੈ ਰਹੀਆਂ ਪ੍ਰਤੀਯੋਗੀਆਂ ਵਲੋਂ ਆਪਣੇ ਹੁਨਰਾਂ ਦਾ ਪ੍ਰਦਰਸ਼ਨ ਆਨਲਾਈਨ ਵੀਡੀਓ ਰਾਹੀਂ ਕੀਤਾ ਗਿਆ । ਇਸ ਮੁਕਾਬਲੇ ਦਾ ਨਤੀਜਾ ਭਾਵੇਂ ਪਹਿਲਾਂ ਆ ਚੁੱਕਾ ਸੀ ਪਰ ਇਸ ਦੀ ਤਾਜਪੋਸ਼ੀ ਹੁਣ ਕੀਤੀ ਗਈ ਹੈ । ਮਿਸ ਲੰਡਨ ਬਣਨ ਤੋਂ ਬਾਦ ਜੈਸਿਕਾ ਹੁਣ ਮਿਸ ਇੰਗਲੈਂਡ ਮੁਕਾਬਲੇ 'ਚ ਹਿੱਸਾ ਲਵੇਗੀ ।
