ਮੁੱਲਾਂਪੁਰ ਦਾਖਾ 08 ਮਾਰਚ (ਸਤਵਿੰਦਰ ਸਿੰਘ ਗਿੱਲ) ਪਿਛਲੇ ਦਿਨੀਂ ਸਥਾਨਕ ਕਸਬੇ ਅੰਦਰ ਲੁਧਿਆਣਾ-ਫਿਰੋਜਪੁਰ ਰੋਡ ’ਤੇ ਸਥਿਤ ਸ਼ਰਾਬ ਦੇ ਠੇਕੇ ਦੇ ਕਰਿੰਦਿਆ ਪਾਸੋਂ ਤੇਜ਼ਦਾਰ ਹਥਿਆਰਾ ਦੀ ਨੋਕ ’ਤੇ 40 ਹਜਾਰ ਰੁਪਏ ਦੀ ਲੁੱਟ ਕੀਤੀ ਸੀ, ਜਿਹੜੇ ਪੁਲਿਸ ਨਾਲ ਅੱਖਮਚੋਲੀ ਖੇਡ ਰਹੇ ਸਨ, ਆਖਰ ਪੁਲਿਸ ਦੇ ਅੜਿਕੇ ਚੜ੍ਹ ਹੀ ਗਏ। ਥਾਣਾ ਦਾਖਾ ਦੀ ਪੁਲਿਸ ਨੇ ਇਨ੍ਹਾਂ ਖਿਲਾਫ ਮੁਕੱਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਥਾਣਾ ਮੁਖੀ ਜਸਵੀਰ ਸਿੰਘ ਤੂਰ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਪੁਲਿਸ ਨੂੰ ਇਤਲਾਹ ਮਿਲੀ ਸੀ ਕਿ ਸ਼ਰਾਬ ਦਾ ਠੇਕਾ ਲੁੱਟਣ ਵਾਲੇ ਕਥਿਤ ਦੋਸ਼ੀ ਰਕਬਾ ਰੋਡ ਨੇੜੇ ਅਨਾਜ ਮੰਡੀ ਦੇ ਪਿਛਲੇ ਪਾਸੇ ਇੱਕ ਕਲੋਨੀ ਵਿੱਚ ਖੜ੍ਹੇ ਹਨ। ਜੇਕਰ ਪੁਲਿਸ ਇਨ੍ਹਾਂ ਤੇ ਹੁਣ ਛਾਪੇਮਾਰੀ ਕਰੇ ਤਾਂ ਕਾਬੂ ਆ ਸਕਦੇ ਹਨ। ਮੌਕੇ ਤੇ ਏ.ਐੱਸ.ਆਈ ਬਲਜੀਤ ਸਿੰਘ ਨੇ ਆਪਣੀ ਪੁਲਿਸ ਪਾਰਟੀ ਨਾਲ ਜਦ ਛਾਪੇਮਾਰੀ ਕੀਤੀ ਤਾਂ ਤਿਨ ਵਿਅਕਤੀ ਤੇਜ਼ਧਾਰ ਹਥਿਆਰਾ ਲੈੱਸ ਹੋ ਕੇ ਖੜ੍ਹ੍ਰੇ ਸਨ ਜੋ ਕਿ ਪੁਲਸ ਪਾਰਟੀ ਨੂੰ ਦੇਖ ਕੇ ਭੱਜਣ ਲੱਗੇ, ਜੱਦੋ-ਜਹਿਦ ਕਰਕੇ ਇਨ੍ਹਾਂ ਨੂੰ ਕਾਬੂ ਕੀਤਾ ਜਿਨ੍ਹਾਂ ਦੀ ਪਛਾਣ ਗੁਰਦੀਪ ਸਿੰਘ ਪੁੱਤਰ ਮਨਦੀਪ ਸਿੰਘ ਵਜੀ ਬੋਪਾਰਾਏ ਕਲਾ, ਚਮਕੌਰ ਸਿੰਘ ਪੁੱਤਰ ਮਲਕੀਤ ਸਿੰਘ ਵਾਸੀ ਐਤੀਆਣਾ ਅਤੇ ਵਰਿੰਦਰ ਸਿੰਘ ਪੁੱਤਰ ਲੈਟ ਹਰਜਿੰਦਰ ਸਿੰਘ ਵਾਸੀ ਸਰੀਹ ਥਾਣਾ ਡੇਹਲੋ (ਲੁਧਿਆਣਾ) ਨੂੰ ਕਾਬੂ ਕੀਤਾ ਹੈ। ਇਨ੍ਹਾਂ ਪਾਸੋਂ ਖੰਡੇ ਨੁਮਾ ਤੇਜ਼ ਹਥਿਆਰ, ਦਾਹ, ਕਿਰਚ ਅਤੇ ਮੋਟਰਸਾਈਕਲ ਪਲੈਟੀਨਾ ਬਰਾਮਦ ਹੋਇਆ ਹੈ, ਬਾਕੀ ਪੁੱਛਗਿੱਛ ਜਾਰੀ ਹੈ।
ਏ.ਐੱਸ.ਆਈ ਬਲਜੀਤ ਸਿੰਘ ਨੇ ਦੱਸਿਆ ਕਿ ਮਨੀਸ ਤਿਵਾੜੀ ਪੁੱਤਰ ਲਾਲ ਬਾਬੂ ਤਿਵਾੜੀ ਵਾਸੀ ਗਲੀ ਨੰਬਰ 10 ਰਾਏਕੋਟ ਨੇ ਪੁਲਿਸ ਨੂੰ ਦੱਸਿਆ ਕਿ ਸੀ ਉਹ ਸ਼ਹਿਰ ਅੰਦਰ N.K. Wine ਦੁਕਾਨ ਚਲਾਉਦਾ ਹੈ, ਨਿਹੰਗਾਂ ਦੇ ਬਾਣੇ ’ਚ ਲੁਟੇਰਿਆ ਨੇ ਠੇਕੇ ਉੱਪਰ ਕੰਮ ਕਰਦੇ ਕਰਿੰਦਿਆ ਕੋਲੋ 40 ਹਜਾਰ ਦੀ ਨਕਦੀ ਲੁੱਟ ਲਈ ਸੀ ਜਿਸ ’ਤੇ ਕਾਰਵਾਈ ਕਰਦਿਆ ਪੁਲਿਸ ਨੂੰ ਸਫਲਤਾ ਹਾਸਲ ਹੋਈ ਹੈ। ਕਾਬੂ ਕੀਤੇ ਮੁਲਜਮਾਂ ਖਿਲਾਫ ਮੁਕੱਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
