ਗਲਵੱਕੜੀ ਪਾਈਏ ਦੋਸਤੋ ਰਲਮਿਲ ਪਿਆਰਾਂ ਦੀ।
ਕਦੇ ਕੋਈ ਰੁੱਤ ਨਹੀਂ ਹੁੰਦੀ ਹੈ ਤਕਰਾਰਾਂ ਦੀ।
ਨਫ਼ਰਤਾਂ ਵਾਲੇ ਬੀਜ ਨਹੀਂ ਬੀਜਣੇ ਚਾਹੀਦੇ,
ਭਰਪਾਈ ਨਹੀਂਓਂ ਹੋਣੀ ਪਈਆਂ ਦਰਾਰਾਂ ਦੀ।
ਮੁਸਲਿਮ ਹਿੰਦੂ ਸਿੱਖ ਈਸਾਈ ਭਾਈ ਭਾਈ ਨੇ,
ਰਲਮਿਲ ਸੰਘੀ ਘੁੱਟੀਏ ਆਓ ਗਦਾਰਾਂ ਦੀ।
ਗੁਰੂ ਸਾਹਿਬ ਰਿਸ਼ੀ ਮੁਨੀ ਪੁਰਖੇ ਸੱਭ ਸਮਝਾ ਗਏ ਨੇ,
ਪਹਿਲਾਂ ਸੰਤਾਪ ਬਹੁਤ ਹੀ ਝੱਲੀ ਪਈਆਂ ਮਾਰਾਂ ਦੀ।
ਚੰਦ ਕੁ ਸਿਰ ਫਿਰੇ ਜੋ ਵੰਡੀਆਂ ਪਾਉਂਦੇ ਨੇ,
ਕਰਦੇ ਜੋ ਸਪਲਾਈ ਨੇ ਹਥਿਆਰਾਂ ਦੀ।
ਦੱਦਾਹੂਰੀਆ ਸਾਂਝ ਭਿਆਲੀ ਰੱਖਣੀ ਸਦਾ ਹੀ ਕਾਇਮ ਆਪਾਂ,
ਦਿਲੋਂ ਭੁਲਾਈਏ ਨਫ਼ਰਤ ਪਈਆਂ ਖ਼ਾਰਾਂ ਦੀ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
