ਬੁਰਾ ਕਰੀਏ ਕਿਸੇ ਦਾ,ਹੁੰਦੈ ਆਪਦਾ ਵੀ,
ਇਹਦੇ ਵਿੱਚ ਨਾ ਕੋਈ,ਦੋ ਰਾਇ ਵੀਰੋ।
ਮਾੜਾ ਕਰਨ ਲੱਗੇ ਜਰਾ ਕੁ ਸੋਚ ਲਈਏ,
ਰੱਖੀਏ ਮਨ ਵਿੱਚ ਖੁਦਾ ਦਾ ਭੈਅ ਵੀਰੋ।
ਮਾੜੇ ਕੰਮਾਂ ਦਾ ਨਤੀਜਾ ਮਾੜਾ ਨਿਕਲਦਾ ਹੈ,
ਹੱਥੀਂ ਆਵੇ ਨਾ ਚੰਗੀ ਕੋਈ ਸ਼ੈਅ ਵੀਰੋ।
ਮਿਠਤ ਹਲੀਮੀ ਗਹਿਣੇ ਦੋਵੇਂ ਸੰਭਾਲ ਲਈਏ,
ਕਿਸੇ ਜਾਣਾ ਕੁੱਝ ਨਾ, ਇਥੋਂ ਹੋਰ ਲੈ ਵੀਰੋ।
ਅਨਮੋਲ ਜੀਵਨ ਇਹ ਮਿਲਿਆ ਹੈ ਇੱਕ ਵਾਰੀ।
ਆਓ ਲੇਖੇ ਇਹੇ ਲੁਕਾਈ ਦੇ ਲਾ ਜਾਈਏ।
ਇਨਸਾਨੀਅਤ ਕਾਇਮ ਰੱਖ,ਹਊਮੇ ਨੂੰ ਮਾਰ ਕੇ ਤੇ,
ਦੱਦਾਹੂਰੀਆ ਪੂਰਨੇ ਨਵੇਂ ਹੀ ਪਾ ਜਾਈਏ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
