ਤੂੰ ਸੋਹਣਾ ਤੇ ਸੱਚਾ ਦਿਲ ਦਾ ਏਂ
ਤੇਰੇ ਵਰਗਾ ਹੋਣਾ ਨਹੀਂ ਆਉਂਦਾ
ਕਾਹਨੂੰ ਰੁੱਸ-ਰੁੱਸ ਯਾਰਾ ਬਹਿਨਾ ਏ
ਸਾਨੂੰ ਰੁੱਸਿਆ ਮਨਾਉਣਾ ਨਹੀਂ ਆਉਂਦਾ ।।
ਸਾਨੂੰ ਪਿਆਰਾ ਸਾਰੇ ਜੱਗ ਤੋਂ ਏਂ
ਸਾਨੂੰ ਪਿਆਰਾ ਸੱਚੇ ਰੱਬ ਤੋਂ ਏਂ
ਅਸੀਂ ਬੇ-ਅਕਲੇ,ਬੇ-ਸਮਝੇ ਹਾਂ
ਸਾਨੂੰ ਪਿਆਰ ਜਿਤਾਉਣਾ ਨਹੀਂ ਆਉਂਦਾ
ਕਾਹਨੂੰ ਰੁੱਸ-ਰੁੱਸ,,,,,,,,,,।।
ਤੇਰੇ ਬਾਝੋਂ ਨੈਣ ਉਦਾਸੇ ਵੇ
ਮੈਨੂੰ ਚੰਗੇ ਨਾ ਲੱਗਦੇ ਹਾਸੇ ਵੇ
ਬੈਠੇ ਚੁੱਪ-ਚੁੱਪ ਪੱਥਰ ਹੋ ਗਏ ਹਾਂ
ਅੱਖੀਆਂ ਨੂੰ ਰੋਣਾ ਨਹੀਂ ਆਉਂਦਾ
ਕਾਹਨੂੰ ਰੁੱਸ-ਰੁੱਸ,,,,,,,,,,।।
ਜਿੰਦ ਰਾਹਾਂ ਤੱਕਦੀ ਹਾਰ ਗਈ
ਤੇਰੀ ਬੇ-ਪ੍ਰਵਾਹੀ ਮਾਰ ਗਈ
ਤੂੰ ਕੀ ਜਾਣੇ ਉਸ ਦਿਨ ਦਾ ਵੇ
ਅੱਖੀਆਂ ਨੂੰ ਸੌਣਾ ਨਹੀਂ ਆਉਂਦਾ
ਕਾਹਨੂੰ ਰੁੱਸ-ਰੁੱਸ,,,,,,,,,,।।
'ਰਮੇਸ਼' ਤੋਂ ਤੇਰੀ ਦੂਰੀ ਵੇ
'ਜਾਨੂੰ' ਮਰਜੀ ਜਾਂ ਮਜਬੂਰੀ ਏ
ਜਿੱਦ ਕਰਦਾ ਪੁੱਛਦਾ ਨਿੱਤ ਚੰਦਰਾ
ਸਾਨੂੰ ਦਿਲ ਸਮਝਾਉਣਾ ਨਹੀਂ ਆਉਂਦਾ
ਕਾਹਨੂੰ ਰੁੱਸ-ਰੁੱਸ,,,,,,,,,,।।
ਲੇਖਕ- ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-9815320080
