ਕੁਦਰਤ,,, ਕੁਦਰਤ ਹੁੰਦੀ ਏ
ਕੁਦਰਤ ਨਾਲ ਹੁੰਦੀਆਂ ਅੜੀਆਂ ਨਾ
ਮੈਂ ਤੱਕਿਆ ਯਾਰ ਦੀ ਕੁਦਰਤ ਨੂੰ
ਅੱਖਾਂ ਯਾਰ ਦੇ ਨਾਲ ਹੀ ਲੜੀਆਂ ਨਾ
ਹਵਾ ਤੇ ਦਿਸ਼ਾ ਦੇਣੀ ਮਾਲਕ ਨੇ
ਤੇਰੇ ਚਾੜਿਆਂ ਗੁੱਡੀਆਂ ਚੜ੍ਹੀਆਂ ਨਾ
ਮੱਥੇ ਟੇਕਿਆਂ ਗੱਲ ਨਾ ਬਣਦੀ ਏ
ਜੇ ਗਿਆਨ ਕਿਤਾਬਾਂ ਪੜ੍ਹੀਆਂ ਨਾ
ਜੋ ਰੂਹਾਂ ਟੱਪ ਦਹਿਲੀਜ਼ ਗਈਆਂ
ਮੁੜ ਜਿਸਮ ਦੇ ਵਿਹੜੇ ਵੜੀਆਂ ਨਾ
ਜੇ ਪੈਸਾ ਹਰ ਮਸਲੇ ਦਾ ਹੱਲ ਹੁੰਦਾ
ਫਿਰ ਕਿਤੇ ਵੀ ਹੁੰਦੀਆਂ ਮੜ੍ਹੀਆਂ ਨਾ
ਮੰਗਦਾ ਸਬਰ 'ਰਮੇਸ਼'ਵੇ ਮਾਲਕ ਤੋਂ
'ਜਾਨੂੰ'ਆਉਂਦੀਆਂ ਔਖੀਆਂ ਘੜੀਆਂ ਨਾ
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-9815320080
