ਕਪੂਰਥਲਾ, ਅਪੈ੍ਰਲ 2020 - (ਹਰਜੀਤ ਸਿੰਘ ਵਿਰਕ)-
ਸਿਵਲ ਸਰਜਨ ਕਪੂਰਥਲਾ ਡਾ. ਜਸਮੀਤ ਕੌਰ ਬਾਵਾ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਪੀ.ਐਚ.ਸੀ ਢਿੱਲਵਾਂ ਦੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਜਸਵਿੰਦਰ ਕੁਮਾਰੀ ਨੇ ਲੋਕਾਂ ਨੂੰ ਕੋਰਾਨਾਵਾਈਰਸ ਸੰਬੰਧੀ ਜਾਗਰੂਕ ਹੋਣ ਦੀ ਅਪੀਲ ਕੀਤੀ ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਇਸ ਸਮੇਂ ਸੋਸ਼ਲ ਮੀਡੀਆ ਰਾਹੀਂ ਕਰੋਨਾ ਵਾਈਰਸ ਸੰਬੰਧੀ ਫੈਲਾਈ ਜਾ ਰਹੀਂ ਅਫ਼ਵਾਹਾ ਤੋਂ ਸੁਚੇਤ ਰਹਿਣਾ ਚਾਹੀਦਾ ਹੈ ਜਿਵੇਂ ਕਿ ਪਿਛੇ ਦਿਨੀਂ ਲੋਕਾਂ ਵੱਲੋਂ ਇਹ ਜ਼ਿਕਰ ਕੀਤਾ ਜਾ ਰਿਹਾ ਹੈ ਕਿ ਕੋਵਿਡ ਦੀ ਦਵਾਈ ਜਾਂ ਵੈਕਸੀਨ ਬਣਾ ਦਿੱਤੀ ਗਈ ਹੈ ਉਨ੍ਹਾਂ ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਹ ਬਿਲਕੁਲ ਝੂਠ ਹੈ ਅਤੇ ਕੋਵਿਡ ਸੰਬੰਧੀ ਅਜੇ ਤੱਕ ਕੋਈ ਵੀ ਵੈਕਸੀਨ ਨਹੀਂ ਬਣਾਈ ਗਈ। ਫਿਲਹਾਲ ਕੋਵਿਡ ਤੋਂ ਬੱਚਣ ਲਈ ਏਕਾਂਤਵਾਸ ਹੀ ਸਭ ਤੋਂ ਵੱਡੀ ਦਵਾਈ ਹੈ। ਉਨ੍ਹਾਂ ਸਮੂਹ ਲੋਕਾਂ ਨੂੰ ਘਰਾਂ `ਚ ਰਹਿਣ ਦੀ ਅਪੀਲ ਕੀਤੀ ਅਤੇ ਬਿਨ੍ਹਾਂ ਕਾਰਣ ਘਰ ਤੋਂ ਬਾਹਰ ਆਉਣ ਲਈ ਸਖ਼ਤ ਮਨ੍ਹਾਂ ਕੀਤਾ। ਉਨ੍ਹਾਂ ਲੋਕਾਂ ਨੂੰ ਸਿਹਤਮੰਦ ਰਹਿਣ ਲਈ ਅਫ਼ਵਾਹਾ ਤੋਂ ਬੱਚਣ ਅਤੇ ਕੋਵਿਡ ਸੰਬੰਧੀ ਜਾਗਰੂਕ ਹੋਣ ਲਈ ਕਿਹਾ। ਇਸ ਦੇ ਨਾਲ ਹੀ ਉਨ੍ਹਾਂ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਕੋਵਿਡ ਸੰਬੰਧੀ ਰੋਜ਼ਾਨਾ ਕਿਨੇ ਮਰੀਜ਼ ਪੋਜ਼ੀਟਿਵ, ਕਿਨੇ ਠੀਕ ਹੋਏ ਅਤੇ ਪੰਜਾਬ ਭਰ `ਚ ਕੁਲ੍ਹ ਕਿਨਿਆ ਮੌਤਾਂ ਹੋਈਆਂ ਇਸ ਸੰਬੰਧੀ ਸਹੀ ਜਾਣਕਾਰੀ ਲੈਣ ਲਈ ਪੰਜਾਬ ਸਰਕਾਰ ਸਿਹਤ ਵਿਭਾਗ ਵੱਲੋਂ ਜਾਰੀ ਕੀਤੀ ਗਈ ਵੈਬਸਾਈਟ http://pbhealth.gov.in/ ਤੋਂ ਹੀ ਲੈਣ। ਲੋਕਾਂ ਵੱਲੋਂ ਬਿਨ੍ਹਾਂ ਤੱਥਾ ਅਧਾਰਤ ਕਹੇ ਜਾਣ `ਤੇ ਕਿ ਪੰਜਾਬ `ਚ ਇਨੇ ਮਰੀਜ਼ ਕੋਵੀਡ ਦਾ ਸ਼ਿਕਾਰ ਹਨ ਜਾਂ ਕੁਲ ਇਨੀਆਂ ਮੌਤਾਂ ਹੋ ਗਈਆਂ ਹਨ ਬਿਲਕੁੱਲ ਵੀ ਯਕੀਨ ਨਾ ਕਰਣ। ਉਨ੍ਹਾਂ ਦੱਸਇਆ ਕਿ ਕੋਵਿਡ ਸੰਬੰਧੀ ਵਧੇਰੇ ਜਾਣਕਾਰੀ ਲਈ ਵੀ ਸਿਹਤ ਵਿਭਾਗ ਦੀ ਵੈਬਸਾਈਟ ਵੇਖਣ ਜਾਂ ਸਮੇਂ ਸਮੇਂ ਸਿਰ ਸਿਹਤ ਵਿਭਾਗ ਵੱਲੋਂ ਜਾਰੀ ਕੀਤੀ ਜਾ ਰਹੀਆਂ ਹਦਾਇਤਾਂ ਦੀ ਪਾਲਣਾ ਕਰਨ ਲਈ ਕਿਹਾ। ਇਸ ਮੌਕੇ ਉਨ੍ਹਾਂ ਇਹ ਵੀ ਕਿਹਾ ਕਿ ਸਿਹਤ ਵਿਭਾਗ, ਪ੍ਰਸ਼ਾਸਨ `ਤੇ ਸਰਕਾਰ ਉਦੋਂ ਤੱਕ ਕੁਝ ਨਹੀਂ ਕਰ ਸਕਦੀ ਜਦੋਂ ਤੱਕ ਲੋਕ ਆਪਣਾ ਸਹਿਯੋਗ ਨਹੀਂ ਦੇਣਗੇ। ਲੋਕਾਂ ਦੇ ਘਰਾਂ `ਚ ਰਹਿਣ ਨਾਲ ਹੀ ਪਰਿਵਾਰ, ਸਮਾਜ `ਤੇ ਸਾਡਾ ਦੇਸ਼ ਸੁਰੱਖਿਅਤ ਰਹਿਗਾ। ਉਨ੍ਹਾਂ ਲੋਕਾਂ ਨੂੰ ਸਿਹਤ ਵਿਭਾਗ ਦਾ ਸਹਿਯੋਗ ਦੇਣ ਅਤੇ ਸ਼ਾਤੀਂ ਬਣਾਏ ਰੱਖਣ ਦੀ ਅਪੀਲ ਕੀਤੀ।
