ਜਗਰਾਉਂ(ਰਾਣਾ ਸ਼ੇਖਦੌਲਤ) ਪੀਰ ਬਾਬਾ ਮੋਹਕਮਦੀਨ ਦੀ ਦਰਗਾਹ ਤੇ ਲੱਗਦਾ ਪ੍ਰਸਿੱਧ ਰੌਸ਼ਨੀ ਮੇਲੇ,ਚ ਸੰਗਤਾਂ ਦੂਰੋਂ ਦੂਰੋਂ ਆ ਰਹੀਆਂ ਹਨ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਇਹ ਮੇਲਾ ਡਿਸ਼ਪੋਜਲ ਰੋਡ ਉਪੱਰ ਚੱਲ ਰਿਹਾ ਹੈ।ਲੋਕਾਂ ਦੇ ਮਨੋਰੰਜਨ ਲਈ ਇੱਥੇ ਦਰਜਨਾਂ ਵਿੱਚ ਵੱਡੇ ਵੱਡੇ ਝੂਲੇ ਲੱਗੇ ਹੋਏ ਹਨ। ਨਿਯਮਾਂ ਅਨੁਸਾਰ ਹਰ ਝੂਲੇ ਉਪਰ ਸੇਫਟੀ ਬੈਲਟਾਂ ਲੱਗੀਆਂ ਹਨ ਝੂਲੇ ਦੇ ਮੁਲਾਜ਼ਮਾ ਵੱਲੋਂ ਜਦੋਂ ਲੋਕ ਝੂਲੇ ਵਿੱਚ ਬੈਠਦੇ ਹਨ ਤਾਂ ਸੇਫਟੀ ਬੈਲਟਾਂ ਲਗਾ ਦਿੱਤੀ ਜਾਂਦੀ ਹੈ। ਪਰ ਮੇਲੇ ਦੀ ਮਸਤੀ ਵਿੱਚ ਜਿਆਦਾਤਰ ਨੌਜਵਾਨ ਪੀੜ੍ਹੀ ਮੁੰਡੇ ਅਤੇ ਕੁੜੀਆਂ ਬੈਲਟਾਂ ਤਾਂ ਦੂਰ ਦੀ ਗੱਲ ਝੂਲਿਆਂ ਉਪੱਰ ਬੈਠਦੇ ਵੀ ਨਹੀਂ ਬਲਕਿ ਖਾਸ ਕਰ ਕੁੜੀਆਂ ਸੈਲਫੀ ਲੈਣ ਦੇ ਚੱਕਰ ਚ ਝੂਲਿਆਂ ਉਪਰ ਖੜ ਕੇ ਆਪਣੀ ਜ਼ਿੰਦਗੀ ਨੂੰ ਦਾਅ ਤੇ ਲਗਾ ਰਹੀਆਂ ਹਨ।ਪਰ ਇਹ ਲੋਕ ਮਸਤੀ ਵਿੱਚ ਮੌਤ ਨਾਲ ਵੀ ਮਖੌਲ ਕਰ ਰਹੇ ਹਨ।ਇਹ ਸਭ ਹੋਣ ਦੇ ਬਾਵਜੂਦ ਵੀ ਝੂਲੇ ਦੇ ਮੁਲਾਜ਼ਮਾਂ ਵੱਲੋਂ ਇਨ੍ਹਾਂ ਨੂੰ ਰੋਕਣ ਦੀ ਥਾਂ ਨਿਯਮਾਂ ਨੂੰ ਛਿੱਕੇ ਟੰਗ ਰਹੇ ਹਨ। ਪੈਸਿਆਂ ਦੇ ਲਾਲਚ ਚ ਲੋਕਾਂ ਦੀ ਜਿੰਦਗੀ ਨਾਲ ਖੇਡ ਰਹੇ ਹਨ।ਇਹ ਸਾਰੇ ਝੂਲੇ ਦੇ ਰਹੇ ਨੇ ਕਿਸੇ ਵੱਡੇ ਹਾਦਸੇ ਨੂੰ ਬੁਲਾਵਾਂ।
