ਆਯੁਰਵੈਦਿਕ ਮੈਡੀਕਲ ਅਫਸਰਾਂ ਨੂੰ ਜਿਲਾ ਪੱਧਰੀ ਟ੍ਰੇਨਿੰਗ ਦਿੱਤੀ
ਮੋਗਾ - (ਜਸਵਿੰਦਰ ਸਿੰਘ ਰੱਖਰਾ)
ਪੰਜਾਬ ਸਰਕਾਰ ਦੇ ਹੁਕਮਾਂ ਅਨੁਸਾਰ ਡਾ: ਪ੍ਰਦੀਪ ਕੁਮਾਰ ਮਹਿੰਦਰਾ ਸਿਵਲ ਸਰਜਨ ਮੋਗਾ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਅਤੇ , ਡੀ.ਐਮ.ਸੀ ਮੋਗਾ ਡਾਕਟਰ ਰਾਜੇਸ਼ ਮਿੱਤਲ ਦੀ ਅਗਵਾਈ ਹੇਠ ਜਿਲਾ ਪੱਧਰ ਤੇ ਆਯੁਰਵੈਦਿਕ ਮੈਡੀਕਲ ਅਫਸਰਾਂ ਨੂੰ ਟ੍ਰੇਨਿੰਗ ਦਿੱਤੀ । ਇਸ ਮੌਕੇ ਟ੍ਰੇਨਿੰਗ ਦੇ ਨੋਡਲ ਅਫਸਰ ਡਾਕਟਰ ਚਰਨਜੀਤ ਸਿੰਘ ਮਾਨਸਿਕ ਰੋਗਾਂ ਦੇ ਮਾਹਿਰ ਸਿਵਿਲ ਹਸਪਤਾਲ ਮੋਗਾ ਨੇ ਕਿਹਾ ਕਿ ਸਰੀਰਕ ਤੰਦਰੁਸਤੀ ਦੇ ਨਾਲ ਨਾਲ ਮਾਨਸਿਕ ਤੰਦਰੁਸਤੀ ਹੋਣੀ ਵੀ ਜਰੂਰੀ ਹੈ ਤਾਂ ਜੋ ਅੱਜ ਕੱਲ ਦੀ ਭੱਜ ਦੌੜ ਦੀ ਜਿੰਦਗੀ ਵਿੱਚ ਜਿੱਥੇ ਮਨੁੱਖ ਕੋਲ ਸਰੀਰ ਕੰਮ ਕਰਨ ਦੀ ਕਮੀ ਹੋਈ ਹੈ ਉਥੇ ਦਿਮਾਗੀ ਬੋਜ ਬਹੁਤ ਵੱਧ ਗਿਆ ਹੈ ਇਸ ਲਈ ਦਿਮਾਗੀ ਤੌਰ ਤੇ ਤੰਦਰੁਸਤ ਹੋਣਾ ਵੀ ਬਹੁਤ ਜਰੂਰੀ ਹੈ ਇਸ ਸਬੰਧੀ ਹੋਰ ਵੀ ਕਈ ਨੁਕਤੇ ਸਾਂਝੇ ਕੀਤੇ।
ਡਾ: ਚਰਨਪ੍ਰੀਤ ਸਿੰਘ, ਐਮ.ਓ ਮਾਨਸਿਕ ਰੋਗ ਦੇ ਮਾਹਿਰ ਸਿਵਲ ਹਸਪਤਾਲ ਮੋਗਾ ਨੇ ਲੋਕਾ ਨੂੰ ਨਸ਼ੇ ਤੋ ਸਿਹਤ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਜਾਣੂ ਕਰਾਉਂਦੇ ਹੋਏ ਕਿਹਾ ਕਿ ਨਸ਼ਾ ਨਹੀ ਜ਼ਿੰਦਗੀ ਚੁਣੋ। ਹਮੇਸ਼ਾ ਸਕਾਰਾਤਮਕ ਜਿੰਦਗੀਂ ਦਾ ਪ੍ਰਣ ਕਰੋ।
ਅਤੇ ਕਿਹਾ ਕਿ ਨਸ਼ੇ ਦੀ ਲੱਤ ਪਹਿਲਾ ਸ਼ੌਂਕ ਨਾਲ ਜਾ ਅਣਜਾਣ ਪੁਣੇ ਵਿੱਚ ਲਗ ਜਾਂਦੀ ਹੈ ਫ਼ੇਰ ਇਹ ਮਜਬੂਰੀ ਬਣ ਜਾਂਦੀ ਹੈ ਪਰ ਸਮਾਜ ਵਿਚ ਇਸ ਕਲੰਕ ਨੂੰ ਧੋਣ ਲਈ ਸਾਨੂੰ ਸਭ ਨੂੰ ਯੋਗਦਾਨ ਪਾਉਣਾ ਚਾਹੀਦਾ ਹੈ ਇਸ ਲਈ ਨਸ਼ੇ ਨੂੰ ਨਫ਼ਰਤ ਕਰੋ ਨਸ਼ਾ ਪੀੜ੍ਹਤ ਨੂੰ ਨਹੀ ਓਸਦਾ ਇਲਾਜ ਕਰਵਾਓ ਤੇ ਸਮਾਜ ਵਿਚ ਦੁਬਾਰਾ ਫ਼ੇਰ ਚੰਗਾ ਇਨਸਾਨ ਬਣ ਕੇ ਵਿਚਰਦੇ ਹੋਏ ਜੀਵਨ ਬਤੀਤ ਕਰੋ।
ਇਸ ਮੌਕੇ ਜਿਲੇ ਦੇ ਸਮੂਹ ਆਯੁਰਵੈਦਿਕ ਮੈਡੀਕਲ ਅਫਸਰ ਵੀ ਹਾਜ਼ਰ ਸਨ।
