ਮਨੀਪੁਰ ਦੀਆਂ ਘਟਨਾਵਾਂ ਸ਼ਰਮਸਾਰ ਕੀਤਾ,
ਘੋਰ ਨਿੰਦਿਆ ਕਰਨੀ ਚਾਹੀਦੀ ਹਰ ਇਨਸਾਨ ਨੂੰ ਜੀ।
ਕੀ ਓਨਾਂ ਦੇ ਘਰ ਮਾਂ ਬੇਟੀ ਕੋਈ ਭੈਣ ਨਹੀਂਓਂ?
ਸਬਕ਼ ਸਿਖਾਉਣਾ ਚਾਹੀਦਾ ਇਹੋ ਜਿਹੇ ਹੈਵਾਨ ਨੂੰ ਜੀ।
ਗੁਰਬਾਣੀ ਵਿੱਚ ਵੀ ਗੁਰੂਆਂ ਨੇ ਹੈ ਸਤਿਕਾਰ ਦਿੱਤਾ,
ਹੈਵਾਨਾਂ ਰੋਲ ਦਿੱਤਾ ਮਾਵਾਂ ਭੈਣਾਂ ਧੀਆਂ ਦੀ ਸ਼ਾਨ ਨੂੰ ਜੀ।
ਇਨਸਾਨੀਅਤ ਸ਼ਰਮਸਾਰ ਹੋਈ ਸ਼ਰੇਆਮ ਓਥੇ,
ਦਰਿੰਦੇ ਕੀ ਦੇਣਾ ਚਾਹੁੰਦੇ ਸੀ ਦੱਸੋ ਪੈਗ਼ਾਮ ਨੂੰ ਜੀ?
ਪੱਤ ਰੋਲੀ ਜ਼ਮਾਨੇ ਦਿਆਂ ਗੁੰਡਿਆਂ ਨੇ ਦਿਨ ਦੀਵੀ,
ਬਿਲਕੁਲ ਸੁਣਿਆਂ ਨਹੀਂ ਕਿਸੇ ਦੇ ਵੀ ਰੋਣ ਕੁਰਲਾਣ ਨੂੰ ਜੀ।
ਵਾਹਿਗੁਰੂ ਦੇ ਘਰ ਦੇਰ ਬੇਸ਼ੱਕ ਹੋਜੇ ਪਰ ਹਨ੍ਹੇਰ ਨਹੀਂ ਐਂ,
ਦੱਦਾਹੂਰੀਆ ਵੇਖਿਓ ਝੱਲਣਗੇ ਓਹੋ ਨੁਕਸਾਨ ਨੂੰ ਜੀ।
ਜਸਵੀਰ ਸ਼ਰਮਾਂ ਦੱਦਾਹੂਰ , ਸ੍ਰੀ ਮੁਕਤਸਰ ਸਾਹਿਬ 95691-49556
