ਜੋ ਆਇਆ ਦੁਨੀਆਂ ਉੱਤੇ ਉਸ ਨੇ ਜਾਣਾ ਐਂ।
ਕੁਦਰਤ ਦਾ ਅਸੂਲ ਇਹ ਬੜਾ ਪੁਰਾਣਾ ਐਂ।
ਮੈਂ ਮੇਰੀ ਵਿੱਚ ਉਲਝ ਕੇ ਰਹਿ ਗਿਆ ਬੰਦਾ ਜੀ,
ਹੰਕਾਰ ਦੇ ਵਿੱਚ ਭੁੱਲਿਆ ਰਾਜਾ ਰਾਣਾ ਐਂ।
ਪੁਜਾਰੀ ਗਿਆਨੀ ਕੋਈ ਤਪੱਸਵੀ ਸਥਿਰ ਨਹੀਂ,
ਹਰ ਇੱਕ ਨੂੰ ਹੀ ਮੰਨਣਾ ਪੈਣਾ ਰੱਬ ਦਾ ਭਾਣਾ ਐਂ।
ਮਜ਼ਬਾਂ ਧਰਮਾਂ ਦੀਆਂ ਵੰਡੀਆਂ ਕਾਹਤੋਂ ਪਾ ਲਈਆਂ,
ਆਖਿਰ ਖ਼ਾਕ ਦੇ ਵਿੱਚ ਹੀ ਸੱਭ ਸਮਾਣਾ ਐਂ।
ਆਓ ਗਲਵਕੜੀ ਪਾਈਏ ਦੋਸਤੋ ਪਿਆਰਾਂ ਦੀ,
ਦੁਨੀਆਂ ਦੇ ਵਿੱਚ ਨਾਮ ਦੇ ਚਮਕਾਣਾ ਐਂ।
ਜ਼ਿੰਦਗੀ ਦਿਨ ਹੈ ਚਾਰ ਬਹਾਰਾਂ ਮਾਣ ਲਈਏ,
ਇਹੀ ਦੱਦਾਹੂਰੀਏ ਸ਼ਰਮੇ ਦਾ ਫੁਰਮਾਣਾ ਐਂ।
ਕਹਿਣਗੇ ਕੱਲ੍ਹ ਹੀ ਐਥੇ ਮਿਲਿਆ ਸਾਨੂੰ ਸ਼ਰਮਾਂ ਸੀ,
ਖਾਕ ਦੇ ਵਿੱਚ ਹੈ ਬੰਦੇ ਪਤਾ ਨੀ ਕਦ ਮਿਲ ਜਾਣਾ ਐਂ।
ਸ਼ੁਕਰਾਨਾ ਕਰਨਾ ਚਾਹੀਦਾ ਸਦਾ ਹੀ ਉਸ ਮਾਲਿਕ ਦਾ,
ਜੀਹਨੇ ਮਾਨਸ ਬਣਾ ਸੱਭ ਨੂੰ ਹੀ ਮਿਲਾਣਾ ਐਂ।
ਅਸੂਲ ਓਹਦੇ ਸਿਰ ਮੱਥੇ ਸਾਰੇ ਮੰਨ ਲਈਏ,
ਕਰ ਲਈਏ ਇਹ ਕਰਮ ਕਿਉਂ ਸ਼ਰਮਾਣਾ ਐਂ।
ਇਹੀ ਓਹਦੀ ਇਬਾਦਤ ਇਹੀ ਬੰਦਗੀ ਹੈ,
ਦੋਸਤੋ ਦੱਦਾਹੂਰੀਏ ਸ਼ਰਮਾਂ ਕਹੇ ਨਿਮਾਣਾ ਐਂ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
